♥ SCHOOL CONSEILS N°1 ♥ : La Rentrée Scolaire Conseils

*آهلا بيكم فتيات اليوم جبتلكم موضوع رآح يفيدكم إنشآء الله * العودة الى المدرسة *

رآح نهدروآ أوّل شيء على اللّبسة

وآش رآح نقلّكم عندي نصآئح مثلاً ما تلبسيش صبآط طالون لول وي ما تلبسيهش أوّل شيء ممكن رآح يوجعك في رجليك و هذا يخليك تفقدي التركيز ديالك آلوغ من

 الاحسن تلبسي كونفرس بابوش و لا آي حآجة هآبطة من غير الطالون

ثآني شيء  خيري Sac يكون كبيــــــــر إيــه إيــه كبيــــــر و وآسع ما تشريش وآحد صغـــــير منبعد ترفدي نص الدوزان و les cahiers في يديك و تولّي من رآيحة تقرآي لرآيحة تشقآي ههههه نصكم يعآني من هآذ المشكل تقولولي بصّح عندنآ السجل Les registres  بزآف هآذي ضرك نهدروآ عليهآ ... المهم كيمآ قلنــــآ أنتي شريتي شريتي إشري Sac كبير و إتهنآي و لا الي عندهم Style Sportif أشري Cartable بصح لي يتعلّق فيه زوج يدين خآطر آمنيني هآذوك تآع يدّ وحدة هآذوك كراطب لي فيهم سبتة طوييييلة رآيحين يعذبوكم كتر منSac رآيحين تميلو بجيهة .

ثآلث شيئ رآيحين نهدروآ على وآش هي الأشيآء الضرورية لي لازم تكون معآك في ساكك :   

Trousse de toilette  معنآه مقلّمة فيهآ دوزآن تخصك نتيآ تكون مآشي كبيرة  بزآف و مآشي صغيرة بزآف باش ما تدي البلاصة و ما تثقلك نقولكم انا واش دايرة فيها : * La vaseline  علبة صغيرة ماشي كبيرة بزآف , مشوآرة تآع القمآش , Papier Mouchoire  , les lingettes , صآبون سآئل , قرعة ريحة , مرآية, إحتيآطي من Always *

La vaseline : نعتبرها انا من الضروريآت خآصة في الشتآء يديآ يولو جآفيين آلوغ ندير منها بآش ما يحرآشوش خآصة مع الصبح ( رايحين نيدرو موضوع عليها)

صآبون سآئل : كامل نعانيو من الروحة للمرحآض خآصة الضرورة آلوغ مليح قرعة صغيرة تغسلي بيها يديك هكذآ ما تنحآزيش  

الحاجة الثآنية : دوآء تاع الرآس و قرعة مآء هههه خآطر نصكم يعاني من القرآية حتى 17سا30 و العيآ و الرهج ههه آلوغ نشوف بلّي مليحة يكون عندك في سآكك اما على قرعة تآع مآء خآطر الماؤ مليح للبشرة ديآلك *_* مآشي شرط لوول

رآبع شيء رآيحين نهدروآ على الادوآت لي كامل نحبوهم خآصة المقلمة الوغ نبدآو بيها :

المقلمة : لازم يكون فيها : السيالات كامل الألوآن نستعملهم آنا نكتب بيهم العناوين بآش نفرق بيناتهم هههه و باش نشبّح خآطر نحب نشبح , les marqueurs  آنآ نقول ماشي كامل الالوان الاصفر و الوردي و البرتقالي يكفو نستعملهم آنآ بآش نلوّن بيهم المعلومات الهامة كيما نقولو مثلا التواريخ و كيما تحبوآ , و effaceurs  محبوب الجماهير هههه , البآقي نتوما و وآش تحبوآ 

نصآئح على les registres : آنآ نقول أشرو trieurs ولا كيما يقولو Porte Documents  خير من السجل و الله آشري الورق و آكتبي فيهم و ديريهم فيه آشري وآحد يكون فيه بزاف لي بآج هكذآ تلايمي فيه كلّش و تقدري حتى اديري فيه بزآف موآد هكذا تنقصي الثفل من sac  ديالك , تقدري حتى تشري Classeur وآحد خآطر رآكو عارفين Illimité هههه آلـــوع تقدرو تفرقو بين الموآد و آديرو فيه الدروس ديآولكم تآع كآمل الموآد بصّح آنــآ الحاجة لي منحبهاش فيه هي آنو لورق يتقطعو بلخف علا هاذيك نحب Trieurs دييرو فيه الموآد الاساسية ولا الثانوية لي مافيهآش فايدة ههههه تقدري حتى ترفدي الورق وحدهم هكذا الثقل ينقص من Sac 

آخيرآ في موضوع اليوم رآح نهدرلكم على ترتيب الدوزآن لي كآمل نعآنو منّوآ آنآ صبت حل و ساعدني بزآآآآف

كنت نحط دوزآني ف القجر آول شيء كنت نعآني من الدوزآن بزآف و يطيحولي من ورآ القجر و كنت دآيمن نحي القجر و نجبد الدوزآن و نعآود نرد آلـــوغ شريت كيمآ رآكو شوفو في الصورة شريت هآذ الشيء نرتب فيه دوزآني كيفاش ندير نحط الكتابات و الكراريس بالوقاف ولا علا جنبهم و نرتبهم هكذا امونوني ما يتحركوش من بلايصهم تجبدي تعاودي تردّي حآجة مآ آطيح تقدري حتى تحطيهم رآقدين آنتي و دوزآنك بصح وآقفين خير بآش تجبديهم بسوهولة هكذا مرتب و شباب و ديكور للغرفة ديالك 

آنــآ شريتو 1200 دج يعني مية و عشرين بصح فادني بزاف

لحقنا للنهآية نشآء الله تكونو إستفدتو و نتلاقآو ب tag #backtoschool جديد إذآ حبيتو نصآئح كتر ... قولولي في حسابي الشخصي ولا على صفحة تآعنا 

كآنت معاكم مدموزال مهبولة 

  

Abonnez vous