♥ ROUTINE N°1 ♥ : Routine Capillaire

سلآم حبآبآتي ♥ كيما العادة موضوع جـــديد Routine capillaire  العـــنآية بالشعر بانتظام ♥ 

#1 غسل الشعر :  انا نستعمل كيما رآكو شوفو في الصورة مجموعة دوف ‘’ La Gamme Dove ‘’  تلقــــآو فيها : شآمبو , بلسم للشعر , و ماسك للشعر Shampoing , Après Shampoing , Masque « و ساعـــآت نستعمل بلسم الشعر Icosium  هذاك الاخضر

1 Shampoing 

1- غسلّي شعرك بالشامبو انا بصرآحة 3 مرآت نغسلّوا هههه خاطر نحب الشامبوآ , كي تكونو تغسلّوا في شعركم راح تحسوا بلّي شعركم بدا يولي ناعم و الله غير النتيجة تبان فم فم 

2- Après Shampoing 

2- شللي شعرك مليح مليح مور ما تكملي تغسليه و ديري بلسم الشعر ديريه في كامل شعرك و دلكيه مليح مليح خاصة الاطراف تاع شعرك , منبعد لايمي شعرك و خليه في شعرك مدّة 10 دقائق و لا كتر قد ما يريح مليح لشعرك انا نخليه ما بيد ندير Gommage في وجهي 

3- مور ما يجوز وال 10 دقائق هاذوك جيبي مشط و سلكي شعرك انا بصراحة نستعمل 2 وحدة عريضة و وحدة رقيقة , اوّل شيء نمشط شعري بالعريضة من بعد بالرقيقة , راح تحسي بلي شعرك ليـــــــــــــــــــــس بزآف و حنين و ميّت .

3- masque De cheveux

4- منبعد ما تحسي بلي شعرك تسلّك مليح شللي شعركــ , ة كي تشليه مليح ديري الماسك في شعركـ و دلكي شعرك مليح مليح كيما درتي مع البلسم و خليه ثان 10 دقائق
 

5- مور ما يجوزو 10 دقــآئق زيدي مشطيه مليح مليح و شللي شعرك و كملي الدوش تآعك و خرجي 

icosium

Masque Brésilien 

كـــآن عندي Kanechom  Masque Brésilien   كنت نديــــر شامبــوآ , بلسم Icosium   , و نديـــر هـــآذ المـــآسكــ كنت ندلّكــوا مليح في شعري و نمشيـــه خـــآصة الاطــرآف و نخليـــــه في شعري وحد 20 دقيقة و نمشطو كيـــمآ قلتلكم , عندوا نتيجة فعالة يهبط الشعر و ما كنش Les repousse  و Les fourches  كآمل مكانش و يطوّل الشعر رآح نديــــروآ موضوع خـــــآص بهـــآذ الشيء  

نصيحـــة : بـــعد ما تخرجي من الدوش يعني بعد ما تكملي دوشي ديري قبالة حاجة على راسك ما تخليهش عريــــآن و زيـــد ثــآني باش شعرك ينشف .

 #2 : بعد غسل الشعر  

6- خلّي شعركــ ينشف شويـــة و لا ينشف مليــــح و لا نشفيــــه بالسشوآر. ضك تفهمي علاه 

7- بعد ما ينشف و لا ما حبيتيهش ينشف معليشموش مشكل هههه كيما قلت بعد ما ينشف ديروآ السيـــروم Sérum Andrea Dotti     في شعركم ديرو كمية مليحة شوية ما تخافوش هه خـــآطر يشربـــوآ الشعر

8- روحي عند الحفافة جبدي شعركـــ ولا موآلفة تجبدي شعركــ وحدكـ بالسيروم لي درتيه الجبيد رآح يسهل عليكم 

9- مور ما اديري سشوآر ليسي شعرك Lissé  شعركــ ب الليـــسور انا نستعمل Calor elite Lisseur  يليسي يردلك شعرك ميّت 

10- إذآ كنتي رايحة ترقدي ديري القردون و شكون ما يعرفش القردون ههه يطوّل الشعر يسقمو و يولّي شبــــآب ههه ديروه نورمال ياك داركم و مكانش لي شافكم ههه

نهدروا شوية :

- انا عندي شعري جــآف و متـــضرر  شوية هذا كامل ملي Produits   لي كنت نستعملهم , بصّح من نهار جربت دوف شعري آصبح شبــــآب و ليـــــس و ميت ماولاش يعذبني يلي شعري عامر بزآف . 

- الخطوات من 6 الى 10 تقولو بالاك حاجة اوبرك ههه انا ثاني كنت نثول هكذا بصّح والله و الله غـــير  Broching و القردون يسقم الشعــــر بـــزآف خاصــة إذا كان شعركــ جـــآف كي حـــآلتي بصّح ضركــ تعدّل بـــزآف على الي كـــآن 

-  يعنـــي حبيت نقولك كي تروحي تشري شامبـــوا ولا اي حاجة خاصة بالشعر شوفي النوع المناسب لشعرك * عادي , جاف . تـآلف , Bouclé  , مصبوغ * لازم تعرفي حاجة لي توالم شعركـ و نوع شعركــ هكذا باش ما يضرلكش شعرك كاش ا يصرآلــوآ . مثلا انا عندي شعر الجاف نشري جـــآف مـــآشي حـــآجة وحد أخرى 

- آنــــآ كنت نستعمل هـــآذ الخطوات مرّة في الاسبـــــوع خلال شهــــر وآحــــد بــرك شعـــــري بدى يتبــدل للاحسن كل وحدة تستعمل على حساب مقدورهـــآ مرتين في الاسبوع و لا مرة كل وحدة كيفاش تحب 

لحقنـــآ لنهاية الموضوع تاع اليوم انشاء الله يفيدكـــم جربوه و ردولي الخبر في الصفحة ديـــآلي و كل حاجة قلتها انا جربتها من قبل يعني ما كذبت عليكم استعملو نصائح دياولي و انشاء الله يفيدوكم سلام  ♥ 

  

سعــر الاشيـــآء لي قتلكم عليها 

Shampoing : 250 DA
Après Shampoing : 250 DA
Masque : 450 DA
Sérum Andrea Dotti : 150 DA
Masque Brésilien Kanechom : 1500 DA
Icosium : 50 DA
Calor Elite Lisseur : 4000 DA
Séchoir : 3000 Da
ماشي اسعار ثابتة بصّح تلقاوهم كتر شوية برك و لا قلّ   

Abonnez vous