♥ JE VOUS EN PARLE N°1 ♥: Adieu cheveux Sec ! Solution Efficace pour vous !!


سلام فتياتي الجميلات ... انعم جميلات و بزاف ههه كانل البنات شابين و كل وحدة و charme ديالها ههه ... المهم 
موضوعنا اليوم يهم الكثير من البنات ... بزاف منكم راهي تحوي على الخل لمشكلة الشعر الجاف ... انا شعري جاف ناشف بزاف ... ما نكدب ما نزوخ و نقول شعري شباب ... شعري جاف بحالي بحال بزاف بنات ... راح نحكيلكم قصة شعري ... و مراحل لي مريت بيها ... سنين من العذاب -_- ... انا اليوم جيت نختصر عليكم المسافة ... الـــوغ نبداو ... 

ملاحظة : هاذ الموضوع قصير بزاف بزاف كتبو في 2015... يعني قديم راني عاودت هاذ défrisage زوج مرات مرة في 2017 و مرة في 2018... الي حابة شوف الموضوع كامل و طويل و فيه كامل الاجابات على الاسئلة تاعكم ادخلي هنا في هاذ ال lien راح تلقاي الموضوع كامل و طويل و بكامل التفاصيل من المنتوج لكيفية الاستعمال... وبكامل الصور تاع المنتوج 
أدخلي هنا : http://bit.ly/2NPSDgh



اول شيء راح نحكيلكم عليه هو Lissage ou bien défrisage

 احذروا ما رانيش نهدر على لاكيراتين la  kératine ... هاذا lissage ... عندي اقل من شهر دخلت في مغامرة و قلت نجربوا الحفافة ديالي كانت تنصحني و تقولي على lissage Andrea Dotti شباب و هايل و راح يقتل شعرك و شعرك راح يولي هايل و شباب كنت نهرب ههه ما نحبش نخرب فيه على خاطر كنت جربت من قبل lissage biolisse و ثان lissage Wella بصراحة يعني ما نقولش ماشي ملاح ... كانو هما لي دايرين حالة ف 2011 ... شعري يعني ولا شباب بصح ريحتهم اووووووووووووووف هي كرهتلي فيهم صراحة يعني ... تبقى في الشعر بزاف و ريحتوا تنشم بزاف ... نتيجة مليحة يعني شعري تعدل على لي كان . 

باش نفهمكم مليح عندي ربع سنين ما درتش défrisage ... كنت نشري les produits كيما les masques les shampoing و هكذا راح نهدروا عليهم منبعد كنت هدرت عليهم منقبل لي خابة شوفهم ضرك تدخل هنا . 

قبل ما نروح للجامعة و خلاص الصيف قلت نجرب واش راني خاسرة ... كي جربتوا عرفت لوكان ما جربتوش كنت راح نخسر ههههه ... خرجت و شريت deux Boites De lissage Andrea Dotti ... شريتهم 230da للعلبة ... ماشي غاليين كيما لي منت نشريهم كنت نشريهم 600da ... ما تقولوش لي غالي مليح ههه انا جربت و راني ننصح فيك... شريتو و ديتوا للحفافة ديالي و خدمتهولي بزاف هايل كي غسلت شعري ماعقلتوش ... واااي وااااي وليت حالة فمي دهشت دهشت في التتيجة ... شعري المبوكلي المجعد و الناشف راح هو يعني ماشي صوف خاطر كنت نستعمل des produits ... بصح ماشي شباب ... هاااااايل بزاف ولا شعري راقد هابط يجي شكون يجي ما يطلعش ... رائع ... 

السؤال ضرك لي راكوا تقولو فييه ... و الريحة كيفاش ؟ 

الريحة النهار الاول و الريحة ماشي قاطعة يعني ما يشموهاش بسهولة ... و سمانة تغسلي شعرك تروح الريحة كامل ... يعني هاذا ماشي مشكل ... والله ما تبقى علاه حبيتوا بزاف انا ... خاطر كنت خايفة من الريحة ... و الريحة تامدت بلي ما تبقاش حتى ولو تبقى مكانش لي يشمها ... 

كملنا حكايتي ضرك نوصفلكم المنتج : 

Lissage Andrea Dotti ... الثمن ديالوا 230Da ... للعلبة تلقاياه بلاك كتر بصح راني متأكدة ما يفوت 300da ... 
اذا حابة تشري ... اشري Normal ... انا شريت منوا و هايلة النتيجة ... الباقي ما جربتهمش انا الحفافة قاتلي جيبي normal ... عموما يشروا منوا كامل ... 
يجي في كل علبة tube فيه défrisage ... و يجي فيه ثان deux sachet de lait  nourrissant   ... الاول هو الاساس لي يندار في الاول  و الثاني مكمل يعني يساعد بزاف باش ينحيلك الريحة البشعة ههه ... 
هذا منتوج جديد ... و صح efficace ... هايل باتم معنى الكلمة . 
يبقى في الشعر مدة ثلاثين دقيقة ... منبعد اغسليه ... المهم فيه كتيب التعليمات الداخل  

نصيحة : لما تشريه اديه عند وحدة كونفيونص     ... باش ما تخرببكش في شعرك ... جرباتوا الف وحدة و كامل شكروا فيه ... 

انا حربتوا و والله كامل واش جربت حكيتلكم عليه ... ما جبت من راسي .... انشاء الله يعجبكم الموضوع اليوم .... الي حابة تعرف ma routine و كامل les produits لي كنت نستعملهم قبل défrisage ... تدخل هنا ... ولي عندها سؤال تطرحو في كومنتار ... ولا تقولو هنا ..


ملاحظة : اذا راكي تقراي هاذ الموضوع في الصيف ... انا نقلكم ما ديريهش اذا مازالكي تروحي للبحر ... خاطر شوية يضرلك شعرك ... ختطر هو يرد الشعر شوية حساس الوغ البحر بلى والوا مضر للشعر ... الوف بهاذا شوية ماشي مليح الوغ تجنبو البحر اذا درتوه  يا ربي شهر قبل .. حتى و انوا ما ضركمش Le effet  تاعوا يروح بلخف  

موضوع اليوم خلاص ... انشاء الله يكون عجبكم ... و فادكم ... نتلاقاو غدوة انشاء الله في موضوع جديد ايضا على الشعر ... نحبكم كااااامل .... 

الي حابة تقرى L'article 2018 على هاذ defrisage تدخل هنا http://bit.ly/2NPSDgh

ما تنسوش تابعوني عل الانستغرام ادخلو هنا : 


.

Commentaires

  1. Ms rahom y9olo beli mahouch melii7 yedir le cancer ??!

    RépondreSupprimer
    Réponses
    1. che7al mane wahda dartou ou ana wahda menhoum ou makan walo el hamoulah lol en+ hada Diffrisage machi Kiratine ! la kiratine hya li fiha les doses et lokan tkétri la doses edirlék prblm ! c tout :* ma belle <3

      Supprimer
  2. Merci khti k'lah ystrk hbit nsaksik Ana ch3ri ytksr bzef wmaytwalich mlfou9 wach ydirli had lissages

    RépondreSupprimer
    Réponses
    1. salut ma belle <3 Hwa ki edirih cha3rék yenjbéd yetksel ya3ni automatiquement Yetwal kima srali ana twali ... et Normalement yhbslék teksar <3 :* Inchalah yenf3ek juste choufi wahda t apliquih mLih <3

      Supprimer
  3. Merci khti k'lah ystrk hbit nsaksik Ana ch3ri ytksr bzef wmaytwalich mlfou9 wach ydirli had lissages

    RépondreSupprimer
    Réponses
    1. hed lissage ysgum che3ar genre y habtp.. bsa7 ma y3aljouch fhamtini c pas un soins tsema ma ykdr ydirlék walo l hed les deux problème li andk mais ida derti kératine c mieux

      Supprimer
  4. Merci zina... Kont baghya ndirah w kont mtrdda... Mlih li hdrti 3lih b Les details ��

    RépondreSupprimer
  5. Merci zina... Kont baghya ndirah w kont mtrdda... Mlih li hdrti 3lih b Les details ��

    RépondreSupprimer
  6. Selem , rani haba ndirou w khaft mais nti comme khrejlek mleh imala balak ndiro Inchallah mais habit nsa9siki ch3ale yo93edlek defrisage ? w mine dawchi yo93ed lisse wela yatkharab ?

    RépondreSupprimer
    Réponses
    1. Yeb9a 6 mois f che3ar mais nti ida habiti tkédri 3 mois t3awdih normal bech cha3rék yzid yahbet ... ki dewchi bien sur choufi cha3rek machi kima kan avant ma dirih besa7 lazem brushing dymen si non maytkhrbch bzf ki dwchi <3

      Supprimer
    2. Aaaah merci bcp ma cherie , douk nechrih w ndiro Inchallah w nraja3lek bla khbar :)

      Supprimer
  7. Salut ,'je suis un mec ! Mdrr
    Mes cheveux sont trop fins , et dès que je sort ils sont très sensible à l'humidité et aux soleil , je veux des conseil , et où je peut trouver des crèmes coiffant, cire coiffant pour les appliquer a la fin du sechage par sechoir ou bien lisseur ' jaime pas le gel , je veux une crème , comme clay de loreal pour homme
    Et merci

    RépondreSupprimer
    Réponses
    1. bon salut merhba bik Parmi Nous <3 ... toujours ba3d ma tnchéf cha3rek b sechoir dir un Serum wela un Masque lazm toujours mais ana nkolek les Serum c bien ... pour les marques dommage na3ref ghir pour meuf et Andrea Dotti et le Meilleur <3 ... si non ida habit t protégé cha3rek lazém edir un Serum aprs le sechoir bech ychdlk et bch ykon protege

      Supprimer
  8. salut je suis un mec bah je veux éssayer ce lissage mais est-que il rend la couleur des cheuveux maron ??

    RépondreSupprimer
    Réponses
    1. salut alors oui La couleurs de tes cheveux va éclaircir un peu mais pas trop

      Supprimer
  9. Salut, Rani bzf retard hhh mais t3ichi khti habit nsaksik, Ana cha3ri raho fourchu,w habit ndir les mèches, esk Balder ndirou mor mandir les meches,? Esk ykassar ch3ar? Merci

    RépondreSupprimer
    Réponses
    1. Diri soi Les mèches ! sois Défrisage psk les deux au même temps c abimes les cheveux ! zidi 9ray mon article jdid ala défrisagge dert fiha bcp de trucs

      Supprimer
  10. Selem khti ana ta l youm chaft di l paga bsq brit njarbo mi brit nsa9sik galoli bli ki dirih ma twalich taghsli cha3rek b chambo lazem ri b lma bah ma yn7rakch ,Esk psa7 wla naghsel normal b chambu kima mn 9bel !w merci khti 3la mocharktna tajribtek 😍

    RépondreSupprimer
    Réponses
    1. ana nghsol b shampo li mwalfa nghsol bih ma sralou walou walou... ykédbou 3lik ma belle normal tghoslih bech t7abi li mwalfa tghosli bih.. si non je te conseil shampoing dove

      Supprimer
  11. Svp ana chrito f 7/2016 o nsitou na9der ndirou dk ??

    RépondreSupprimer
    Réponses
    1. khti je pense pas dok ykon tpiriima de préférance echriii jdid... rah kayén hadak l orange

      Supprimer
  12. Slem ana rani dyra les mèches momkin ndirh wla :o svp jawbini??

    RépondreSupprimer
    Réponses
    1. ida andék bzf méli derti les méches plus 2-3 mois dirih mais ida ma andkch bzf je te conesile pas الاحتياط واجب ki y9olo ... esenay yjozo kech 2 mois ou dirih au moins cha3rk ykon rya7 psk deja les mèches wa7dhm yta3bou ch3ar

      Supprimer
  13. Slem ana rani dyra les mèches momkin ndirh wla :o svp jawbini??

    RépondreSupprimer
  14. slm ma belle j'espère tu va bien .. habit n'essayi defressage w ma3raftch ki 3amel li ndirah ki cheft had l'article golt nseyyih inchalh mais nsa9sik stp est ce que tayahlk cha3rek ou non ana seyyit mn 9bel glatt la 1er fois khrej yhebel mais aprés 6 mois ki rah l'effet ta3o tahli cha3ri welit tout le temps nghatih surtout f début w la 2eme fois seyitah w dert deux tupe madarli walo walo .. habit nseyi had lmara hada andrea dotti w khayfa mais allah ghalab kraht cha3ri nachef bzzzzzzzzzzzzzzzzzzzzzzzzzzaffffffff w 9wi wm3adabni .. aussi wach howa la routine li konti dirih aprés lissage ? et mercii

    RépondreSupprimer
    Réponses
    1. Salam okhtii.. Lala ma tya7lich cha3rii walou même ki yro7 leffet ta3ou... ki yroh l effet ta3ou yek3od cha3rek normal wela ywli la nature ta3o... ana jabli rebi ykhroj 3liiik hada pask hada hayél wellah ana rani 3 fois ndiro
      ktebt article jdid 3lih 2018 fih kamél les réponses 3la les question ta3ék...
      edokhli hna http://bit.ly/2NPSDgh
      wela edokhli le blog telkayah m3a les article lewlin

      Supprimer
  15. Khti bgha ns9sik esq njam nsbagh ch3ri mora mndirah w ch7al lzem ng3ed bch nsbagh

    RépondreSupprimer
    Réponses
    1. esobri wahd 3 mois w diri bach t assuré cha3rék ma ysralou walou

      Supprimer
  16. Slm khti merci beaucoup bsa7 7aba na3rf ki tghsli cha3rk yb9a lise wla non pisk cha3ri kol ma nghslo ytbokla + ba3d ma tghsli cha3rk nrml ma driloch broching

    RépondreSupprimer
    Réponses
    1. Salam, bon yetboucla chwya berk machii kima békri... ou normal ma diriloch brushing oui mais ida nti sans hijab ou mwalfa ediri brushing de pref diri brushing... psk hada c un défrisage machi lissage brésilien wela kératine donc cheveux sans brushing m tbanlkch resultat bien... en tout cas il va réglé les prblm ta3 néfkh etc

      Supprimer
    2. je vous invite chofi mon article sur ca 2018... j dis plus de détails

      Supprimer
  17. Salut kheti merci pour l'article je veux l'essai mais j'ai achete l qawi plus que normal et j'ai peur nsta3mlo kech maytih wela haja qolili par example ida normal avec lqawi

    RépondreSupprimer
    Réponses
    1. Tesma tkon les resultas comme le normal maykonoch des resultas negative ( mayndarch cha3ri ) et merci d'avance pour la reponse

      Supprimer
    2. salut non dirih ma tkhélihch ytowel max 10-20 min w a7ih ... choufi mon article ta3 2018 fih plus de détails

      Supprimer
  18. Je l'ai essayé et C la catastrophe
    Je vous le déconseille

    RépondreSupprimer
  19. Kifach appliqua ch3ar nachaf wla kifach hta ytghassal

    RépondreSupprimer
  20. bonjour ana habit na3raf kindirou wnroh la piscine ida normal ou pas . merci par avance

    RépondreSupprimer
  21. 0 radaja3li cha3ri ellastiqué,wahrach ktar m li kan

    RépondreSupprimer

Enregistrer un commentaire

Commentaires