♥ FAVORIS N°1 ♥ : Mes crème de visage et Corps

سلام فتيات اليوم موضوع تاعنا راح يكون على les crème De Visage et Corps راح نقولكم كامل لي ستعملتهم و خرجو عليا ... الوغ نبدآو 

Crème pour Le Visage 

البنات لي موالفين يقراو مواضيع ديالي علبالهم شخال نحب و نعشق ف la marque Oriflame خاطر هما ببساطة يبيعو منتوجات اذا ما نفعاتكش مستحيل ضرك المهم نبداو باول حاجة 

BB crème Spf 30 : اول حاجة فيها بزاف استعمالات خمس استعمالات في كريم وحدة  

- كريم ليلي - كريم نهاري -   كريم الاساس  - كريم الحماية من الشمس spf 30  

انا ذكرت ربعة هه لي يهمونا الاكثر الحاجة الهايلة فيهم هي انو كي ديريها ما تبانيش راكي دايرة يعني تبقاي على طبيعتك واحد ما يفيقلك لوكان ما اقوليش ههه و تحميك من الشمس و تفتحلك البشرة ديالك و تبقاي شابة 

Essential cream spf 8 : انا بديت نستعملها من جديد هايلة شريتها يعني ما رانيش نستعمل بزاف bb crème هاذ الكريم مفتح للبشرة و يوحد اللون البشرة و يحمي من الشمس يحمي من الشمس حماية فائقة ههه بمجرد ما ديريها تلاحضي بلي وجهك نور لي حابة كريم الحماية من الشمس هاذا رقم واحد عندي  

Crème  pour le Corps  : 

Crème  VeryMe : السحر راهو في هاذ المهبولة هاذي ههه هايلة روعة قمة الروعة و الله اديريها في جسمك راح تحسي واحد الانتعاش واااو هايل ريحتها هايلة ثان و ترافقك طول اليوم ... كنت كي ندير l épilation يدي و رجلي نديرها فم فم ههه موراها مكانش هاذيك شعرك يا خيارة يجرح مثل الصبارة و انسي الحلاقة روعة بفضلها هي ههه نصيحة مني جربوها ما تندموش 

Crème pour les Mains : 

Neutrogena :    قبل ما تبدى شروها من الصيدلية افضل و احسن ... لي يديها حرش و تحشم بيهم و لي يتشققوا ولي يكحالو و لي ما يعجبوهاش يديها ... اشري هاذي و الله مليحة بزاف بزاف . بصح من الصيدلية 

Crème dépilatoire : 

Ghalia : اجي في صاشي صغيرة تكونو شفتوها فيها بزاف les parfum انا نستعمل الالوفيرا alovera ما تحرقنيش هدرت عليها المرة لي فاتت ... تخليها مدة خمس عشر دقائق و تنحي ملييييح بزاف انا نحبها نستعملها في وجهي برك مليحة هاذي و الله 

Venus : اجي على شكل tube جربتها لاول مرة اجي ديريها في وجهك شفافة تخليها كيما كامل ... انا يعني ما عجبتنيش النتيجة ماشي كيما الغالية ... بصح مليحة بزاف بنات خرجت عليهم هه ... 

D'autre Crème : 

La vaseline : هاذي نضل نشكر فيها هههه و عييتكم بيها ههه لي ماعلبالهمش هاذي ما تخطينيش تنفع لكلش الحروق تستعمليها بعد الحلاقة تستعمليها وقت ما حبيتي مليحة بزاف ... انا كل ما نكمل غسيل المواغن نديرها يديا ما يحراشوش ... 

Baume oriflame : كيما لافزلين بصح عندها نتائج روعة كتر و كتر ديريها في شواربك يديك وجهك هايلة صغيرة و محاينها كبار هههه 

Les savons : 

كاين الهايلين كامل ينحو les taches من اليدين تاع حب الشباب بالنسبة لهاذوك لي يقشروه و ولالهم عجب في يديهم انت بصراحة خرجو عليا في ثلاثة الخدمة هايلة يتنحاو نهائيا حتى للوجه ملاح بزاف بزاف اي هوما dermoviva , essential  , detole 

ملاحـــظة : 
من فضلكم قبل ما تشرو كريم للوجه و لا اي كريم تبعوا على حســـآب نوع البشرة ديـــــآلكم زيتيو جــــآفة ولا عاديــــة أقراو العلبــــة مليح قبل ما تشرو هكذا تحــــآفظوا على وجهكم ... كاين كريمات فيها بزاف كل وحدة على حساب نوع البشرة مثلا الزيتية يكونو فيها معدلات تاع الزيوت هابطة و كريم البشرة الجافة يكون فيها الزيوت طالعة الوغ من المنطقي انك اذا كانت البشرة تاع مزيتة ديري تاع الجافة تكملي عليها انتبهو رجــــآءآ 

وصلنا للنهاية تاع المرضوع انشاء الله يكونو عجبوكم و قدرت نفيدكم بيه السعر تاع المنتوجات هاذو ما يوصلوش مئة ألف ... تلقاوها في اي محل ولا اي واحد يتعامل مع الشركة oriflame les consultent ... و لا في الصيدليات بحثوا مليح راح تلقاوهم اكيييد ... نتلاقاو في مرضوع جديد نشاء الله ...   ما تنساوش تخلو لي كومنتار ... و ديرو آبوني في 

.