♥ ROUTINE N°2 ♥ : Routine Soin De peau

سلام فتياتي اليوم الموضوع تاهنا راح يكون على العناية بالبشرة بانتظام المرة الي جازت درنا العناية بالشعر اليوم البشرة ... هاذ العادة شخصيا نستعملها ... كاين حاجات كنت نديرهم بكري و كاين des produits بديت نستعملهم من جديد ... آلوغ نبداو ... 

- بعد ما نكمل الدوش يكون وجهي مشمخ ( مبلل) نجيب منشفة نشفو شوية شوية ماشي كامل يعني يبقى شوية رطب 

- نجيب une crème  dépilatoire تاع الغالية el ghaliya انا نستخدم تاع alovera   هي الي ما تحرقنيش في وجهي ... ماين بزاف لي يقولو تستخدمي هاذيك و ماتهافيش على وجهك ... و ماين لي يقولو نخافو و و ... انا نقلكم عندي فايت عامين و انا نستخدم فيها و جامي وجهي ما نحرق السر راه في الي جاي . المهم نديرها في وجهي نخليها مدة عشرة دقائق . 

photo prise de blog article du jour 

- نغسل وجهي مليح مليح ... و كامل تعرفو هاذاك الشيء لي يجي معا les crème هاذوا حاي من البلاستيك قبل ما نغسل وجهي نحي بيه الباقايا تاع la crème باش يتنقى وجهي مليح و نضمن راح كلشي . اغسلي وجهك و نشفيه بلا ما تحكي هكذا باش ما يحرقكش وجهك متفاهمين . 

- نخرج  من الدوش ساعات وجهي يحرقني حتى و لو ما حرقتيش ندير واحدة من هاذوا الثلاثة ( 

La vaseline , le Baume de  oriflamme , , essentielle ) راح نهدرلكم عليهم في موضوع اخر لوخرين ماشي مهمين لا فازلين تخدم خدمتها وحدها و اذا شفتو بلي وجهكم زيت جيبو منشفة و مسحو شويةشوية يتنحى   

هاذ العناية اسبوعية يعني كل ما ندوش نديرها ... راح نهدروا على العناية اليومية يعني قبل ما نخرج من الدار . 

- نجيب creme BB de oriflamme لي قراو موضوع essayage   les produits علبالهم بلي فيها خمساستعمالات المهم نديرها في وجهي نappliquer  la crème avec un pinceaux plat 

- هاذ المرة بدلت راني نستعمل essentiel مضادة للشمس كي نروح نقرى خاطر الشمس تقضي على البشرة ديالي 

- كي نولي ل دار نغسل وجهي بصابون essentiel ثان ولا dermoviva 

هكذا رانا وصلتا للنهاية تاع الموضوع تاع اليوم انشاء الله يكون فادكم ... الي حابة مرضوع خاص ب les crèmes تاع الوجه و الجسم تقولي في كمونتار ... و هكذا نتلقاو في موضوع جديد انشاء الله  

ما تنســـــــآوش ديرو جـــــآم في لا بــــآج الجديدة هنــــآ ... و آبوني هنــــآ انستغرام للبنات فقط ♥ 

Abonnez vous