♥ ASTUCES N°1 ♥ : Quelques Problème De Filles Résolue

ســـلام فتيـــــآت اليوم رآح نهدرو عــــلى بعض مشــــأكل البنـــــآت هه رآنـــي نقول بعض خــــآطر عندنــــآ بزآف راح نمدلكم الي لقيتلهم انا الحل كاين لي هدرتلكم عليهم من قبل هاذ المرة لا يمتهم على شكل نقاط مهمة آلــــــــــــــوغ نبدآو 

Problème #1

عندك La Prise بعيـــدة على وين ترقدي ؟ و لا عندك Chargeur قصيــــر كي يكون تليفونك en Charge تتعــــذبي معـــآه الحل عندي 

جيبي Une Rallonge و لا Mutile Prise و Branche la في La Prise بصح شوفي وحدة فيها خيــــط طويــــــل هكذا باش توصلـــك و هكذا تهنيتي من المشـــكل 

Je préfère Hedi ♥ 3andi wahda hekda

Problème #2

عندك بزآف الدوزآن ههه بزآف ماعلباليش واشن هومــــآ المهم حنا البنــــآت دآيمن عندنــــآ هــــآذ المشكل دايمن كــــآين حاجات ما علباناش وين نحطوهوم ههه انا هاذ المشكل كان عندي كي بدلنا La Chambre تاعي انا و اختي يعني ما لقيت وين ندير دوزان تاع القرآيـــة الكراريس و الكتب و و و و ههههه صرآلي مشكل كبيـــــــــــر آلوغ شريت Pouf De Rangement  و خبيت فيه كلّش يرفد بزاف و هكذآ ما يبقــــآش الدوزان الي بلا بلاصــــة ولات عندهم بلاصــــة 

تقدري ديري فيه واش تحبي Les Sacs les Pochette Les Cahier te vetement salle كلّش واش تحبي ديري فيه 

Problème #3 

شكـــــــــون منا لي ماعنددهــــآش Crème تـــآع الوجـــه ولا تــــآع اليدين و لا اي كريم و تعــــآني من العلبة تاعها الكبيرة انا نقولك ادي معــــآك بصّح كيما قتلكم المرة لي فاتت نقصّي شوية منهــــآ في بواطة صغيــــرة عنـــدك تـــآع ماكيــــآج و لا تاع Kinder Surprise و لا اي علبة صغيرة هكذا ما تخميش كامل تديها معاك و زيادة و هاذا مشكل آخــــر حليـــنآه 

Problème #4 

و شكون منا لي دآيمن تحب تدّي معــــآهـــآ Protège Slips (حشاكم) و ما تلقـــآش وين ديرها خاطر تخــــآف تحل الصــــآك و تتبهدل ههه و لا كاين لي تدي و تخاف يطلو فيهم انا لقيت الحل 

انا نظن  بلي كامل شفنــــآ Porte Monnaie يجو صغــــآر و Carré كـــآين لي فيهم دباديب و كل واحد و ال Motif تــــآعو انا نقلك بلي هـــآذاك يفيدك بزاف ديري فيه ال Protégé منبعد تغلقي عليها و تحطيهـــآ حتى لوكان يحلّو الجيب لي فيه هذيك هه مي ما يفيقولهــــآش 

carré Kima Hekda ♥

Problème #5 

انا هــــآذ المشكل كان يقلقني ما علباليش ولا عندكم كيفي ههه بصّح عندي صــــآك في الخزانة كل ما نحل الخزآنة نشوفو و ما نحبش نرفدو هههه و نزيد نتقلق كي نشوف Les Pochettes et Les Porte Monnaie لوخرين ماحطوطين و مرونيــــــــن ... و مرّة خملت الخزآنـــة كامل حتى جــــآتني الفكرة تــــآع نجمع كــــآمل هــــآذوك نديرهم دآخـــــل هذاك الصاك لي ما نحبوش و هكذا تهنيــــــــــــــت منهم ههه مالا اذا عندك صاك قديم ستغليه في هاذ الحاجة 

Problème #6 

تنوضي صباح ربي رايحة تقراي و ما تلقايش واش تلبسي و تتلفلك مع النعاس آلــــوغ هاذ الفكرة مازال ما جربتهــــآ ههه خاطر مزاجية انا قادرة نبدل راي في اي لحظة ... وجدي حوايج السمانة كامل و علقيهم ف Les cintre هكذا تنوضي الصباح و انتي عارفة واش تلبسي يا لوكان تخممي في اللبسة ههه بلا ما توجديهـــآ تربحي الوقت مع الصبح 

Problème #7 

كاين بنــــآت كيفي الغرفة ديالهم صغيرة و ما عندهمش وين يديروا La Coiffeuse هههه انا علقت كامل Les Chemisier Les Pulls Les Cache Nef les Vestes Et Les Manteau هكذا جيهتي في الخزآنة فرغت و بزاف بزاف ههه هكذا حطيت صراولي في جيهة وحدة و ملابسي الداخلية  و فاضتلي Étagère في خزآنتي آلــــوغ هذيك درتها La Coiffeuse ديــــآلي حطيت مراية الريحــــة و كلّــــش ههه هكذا ولات عندي Une coiffeuse بلا ما نتعـــــــــب 

وصلنا للنـــهاية تاع موضوع اليوم هههه و نهاية المشاكل نشاء الله تكون فادتكم الحلول هههه و ما تقلقوش مزال راح نزيد نيرلكم موضوع هكذا ... ههه انشاء الله نكون فدتكم بحــــآجــــآت و حبيت نقولكم بلّي لازم نتوما لي تتحكمو في واش يخرجلكم و تخدمو راصكم شويــــة هكذا باش توفرو لرواحكم حلول باسرع وقت و اقل جهد و تكلفة ... نتلقاو في موضوع جديد نشاء الله 

Abonnez vous