♥ FAVORIS N°2 ♥ : Mes Favoris 2015 + Mes Tops Moment Du 2015

مرحـــباً بكـــم في موضوع جديد لنهــــار اليـــوم ... توحشتكم زعمى نتوما توحشتوني ثان ؟ هههه المهم كيــــما شفتــــوا العنــوان لي هو Favoris 2015  لي رأح نديرلكم فيــــه و نهدروا على كامل المنتجات لي شريتهــــم و استعمـــلتهم و عجبونــــي بزاف و ماراحش نتخلى عليهم هاذا 2016 ايضـــآ ... و ماشي غير المنتجـــآت راح نقولكم مجموعة من الافلام و المسلسلات الي عجبوني بزاف هاذ العــــآم ... نتمنى العام الجديد هاذا سكون فال خير عليكم و على حبابكم و عائلتكم و تنحللكم بيبان الخير و السعادة ... آمين يا رب " قولوا آمين "

آلـــــــــــــوغ نبداو الموضوع تاعنا اليوم ...

اول حــــآجة راح نهدر عليها هي Les Produits  الي استعملتهم هاذ العام و حبيتهم و بزآف خرجــــوا عليـــآ ... كاين لي هدرت عليهم في مواضيع من قبل راح نديرلكم الروابط ( les liens ) باش تقراوهم و كاين جدد بلاك

اول حاجة : La Gamme DOVE

يعني لي متابعين من بكري علبالهم بلّي عندي شعري جـــآف شوية و متضرر من السشوار و الليســـور هههه و عندي ثاني Les fourches يعنــي كان عندي  Les fourchesضرك تهنيت منهم و الحمد الله بفضل هاذ المجموعــة دوف يعني لي عندها شعرها كيفي ننصحـــها تشريه يعني فيه Shampoing, après Shampoing, et un Masque  الي حـــآبة تعرف كيفاش كنت نستعملهم تدخل هنـــآ ... المهم الاطراف تاع شعري ترطبـــوا حتى شعري ولا رطـــب انا و دهشت فيه يعنـــي شهر و انا نستعـــمل فيهم بانتلي نتيجة هايلة وليت ما نستغناش عليهم ابدا Mes Indispensables  ... ننصحكم تشروه ... كاين كل وحدة على حساب نوع الشعــــر ديالهـــآ.

ثاني حـــآجة : Crème Essentiel SPF8

يعنـــي منقدرش نتخيل حيــــآتي كيفــــآش كانت راح تكمل و وجهـــي كيفاش كانت راح تخلاص عليه لوكان ما لقيت هاذ الكريـــم للوجـــه ... علبالكم بلي عندي بشرة زيتية يعنــــي و شوية حساسة خـــآصة في La Zone T  معنــــآه الجبهـــة و الانف ... واش ندير تريح هكذاك ... الـــوغ هاذا يخليها تتعرض للشمس و ما نحكلكمش على لي طاش في وجهي يـــآ خـــــــآه ... خاصة في الصيف هـــآذ المجنونة انقذتلي حياتي ... هاذي كريم الحمـــآية من الشمس يعني ديريها و ما تخافيش ... زيد موجهَ لكل انواع البشرة ... زيد تساعد على تفتيح البشرة ديالك ... غير ديريها وجهك ينور ... و الحاجة لي نحبها نحاتلي لي طاش بداو ينقسوا و الرؤوس السوداء ثان تحسي البشرة تاعك رطبة و حنينة و مشرقة ... و كي ديريها ما تبانيش بلي راكي دايرة كاش حاجة في وجهك ...

ثالث حـــآجة : Mascara WonderLash

نحبها بزاف خاطر تشد 24سا بلا ما تروح مضــــآدة للمـــآء ... شفارتيك يوقفـــوا مليــــح و هاذي أكيــــد ما نتخلاش عليهــــآ هاذا 2016 هه و ننصحـــكم بيهــــآ .

رابع حــــآجة : Baum Icosium Pour Cheuveux

ماشي غالي و سحــري ... لي شعـــرهم يتخبل و ما يتسلكش هـــآذا هو الحل شوية مع المــــآء ... و مشطي شعـــرك يتسلك وحـــدو و بسرعـــة ... و لا ديري شوية في يدك على البلاصة المخبلــــة و مشطي راح يتسلـــك وحدوا بلا منتجــــآت غاليين لا والو ... هاذا كامل خلال الاستحمام ... انا هاذا ملي نشفى على روحـــي نستعملوا و ما نتخلاش عليه ههه .

خـــآمس حـــآجة : Crème De Corps VeryMe

يعنـــي هاذ الكريم ايضا يعجبني بزاف بزاف بزاف ... خاطر تاع الجسم كامل و يخلي بشرتك تحس بالنعومة و كلش ... انا كنت نسعملوا بعد الحلاقـــة ... شتو هذيك الاشهـــآر تاع " بشرتك يا خسارة تجرح متل الصبارة طب ليش ليش الشفرة " ههههههه ببســـآطة هاذي تخلي بشرتك حنــــينة متل الوردة حتى لوكان تستعملي الشفـــرة ... ثان كي نروح البحر و يحكمني Un Coups De Soleil  في ضهري تنقصلي و تريحنـــي ... هايلة هاذ الكائنة ههه

أخر حـــآجة : Lissage Andrea Dotti

انا فتـــآة نكره شعري بدرجـــة كبيرة ... خاطر عـــــآمر بزاف يعني فيه الشعر بزاف ... نصحتني الحفافة لي نروح عندها هاذ الشيء ... ترددت في الاول لكن قلت نخوض التجربـــة و بالفعل جربتــــوا ... Just Waaaaaw  جامي حبيت شعري كيما هاذ العام ... شعري هابط ماشي عامر و طويـــــــــــــل و هايل ... لي حابة تعرق القصة كاملة تدخل هنــــآ ... هاذا نعـــآود نديروا هاذ العـــــآم.

ثــــآني حاجة راح نحكيلكم على المواقف لي صراتلي في 2015 ههه و جامي ننساها يعني احداث مهمة هههه ... الوغ نبداو

الحكاية الاولى هي انو الانسان لي كنت نحبوا من بعيد للبعيد و بعد ما فقدت الامل ... جاء العندي و ولى معايا ... يعني رغم كل المشاكل و الاحزان في الاخير ولى لعندي ... و حبني و حبيتوا ... و رانا دخلنا في عـــــــــآم مع بعضنا ... ادعولي ههه مالغري يعني كاين مشاكل و كلش بصح دايما نتخطاوهم ...

الحاجة الثانية هي جبت البــــآك تاعي ماشي بمعدل طالع بصح ههه جبتوا ... الحمد الله هههههه بعد التكسال و الفايسبوك ... جبت الباك ههه نعم قرريت ماي برك بصح جبت الباك ... و الحمد الله انشاء الله كامل جيبوه باذن الله

الحاجة الثالثة هي انوا لقيتكم حباباتي و عشت معاكم اوقات ممتعة خاصة القدم في لاباج تاعي ... وليت نكون مهمومة  نجي نهدر معاكم شوية نرتاح و نولي عادي ... حبيتكم بزاف و الله بلى ما نشوفكم ... نتوما حاسبين غير انا نعاونكم ... بالطبع لا لا حتى نتوما عاونتوني نوصل هنا ... و نروح البعيد اذا حب ربي ... و نديكم معايا ... والفتكم فراقكم صعيـــــــــــب يا البنات ... انشاء الله تكونو تبادلوني نفس الشعور و الحب ههه ... نتوما حلم و تحقق ... انا كان هدفي في الحياة هو نعاون البنات ... خاطر حتى انا في وقت ما عشت ظروف صعبة بزاف و ما لقيت حتى واحد في اكتافي و عاوني ... الوغ ما حبيتش البنات يحسوا هاذ الشيء ... يلقاوني نعاونهم يالوكان بكلمة ولى بحرف ... و هذا لوجه الله مانيش نمنن ولى نسنى فيكم تردولي مقابل ... نحبكم خاطر انا حبيت نحبكم ماشي خاطر نعرفكم و لى شايفتكم ... نحبكم بزاف و ندعي ربي يحفظكم وحدة وحدة و يطيكم ما تتمنوا

الحاجة الرابعة هي انوا كنت مريضة هاذ العام ... و الحمد الله بريت و كانت هذه فرحتي .. الحمد الله لي ما اثرش على الباك تاعي ... و حبيت نقولكم بلي اهم حاجة هي الصحة في الانسان ... خاطر كل ما تنقص صحتكم راح تحسوا بقيمتها ... هاذي هي الصحة كل شيء ... اهتموا بيها هي الصح

هاذي هي 2015 تاعي ... انشاء الله 2015 كانت مليحة تاعكم هههه و انشاء الله 2016 يكون مليح علينا كامل ... و نشاء الله 2016 يخليني نعيش معاكم اوقات مليحة و تكبروا و نوليو الالاف وبلاك الملايين ... هاذا هو الهدف تاعنا ... ربي يلاقينا في الخير و في موضوع جديد

.