♥ CONSEILS BEAUTÉ N°2 ♥ : Pourquoi Il faut mettre une crème avant de Sortir ? Et pour quoi je prèfère la Bb Crème ?

سلام البنات ... عدت لكم بموضوع خفيف ظريف ... اليوم راح نهدروا على علاش لازم اديري حاجة في وجهك قبل ما تخرجي ... و علاه لازم ديري Juste une Crème BB   ولى ككريم مرطب ولى كريم مضاد لاشعة الشمس فقط  و تتجنبـــي ديري ال Fond de teint   يعني كريم الاساس ... الـــوغ تبعونـــي مليـــح

اول حـــآجة علاش لازم اديـــري حاجة في وجهك قبل ما تخرجي  ؟؟

حاجــــة بسيطة اولا اشعـــة الشمس خاطر اشعة الشمس مضرة للبشرة تاعك مهما كان نوع البشرة تاعك .. اذا كانت عندك البشرة خشنة و بشرة زيتية راح تكون خطرة عليك ... خاطر راح تكون ديرلك البقع في وجهك و راح يزيد يخرجلك الحب ... و وجهك يولي كحل و باهت ...

ثانيــــآ الحب لي في وجهـــك كيما كامل عندنا علبالك بلي يزيد يكحـــآل في الشمس ؟؟ انعم ايه يزيد يكحال في لشمس .... والله مضرة بزاف الشمس على وجهك ... راح تندمي منبعد ...

ثالث حاجة ... البرد ايضا ياثر على وجهك ... بزاف بنات زجهم يتقشر انعم من البرد القاسح خاصة مع الصباح ... الوغ لازملك حاجة في وجهك تحميك ...

رابع حاجة الهواء و الغبار ... انعم الهواء ضرك خاصة الريح معمر بالغبــــآر و الغبـــآر هاذا راح يلسقلك في وجهك ...

الــــوغ هاذو اسباب كافية تخليك ديري حاجة في وجهك قبل ما تخرجي باش تحميك ... لا لا ؟؟ ... قبل ما تخرجي ديري كريم يحمي من الشمس Un écran Total ... ولى كريم مرطب Crème Hydratante  ... هاذي هي ... باش تحمي وجهك ... و ايضا باش تخرجي و انتي لامعة و ضاوية بلى تجميـــل ... يعني انا هاذوا ما نحطهمش ماكيــــآج ... نحطهم مواد لحمـــاية البشرة ... يعني خاطر كي ديريهم وجهك ما راح يتبدل ما راح تخبي حاجات في وجهك ...

علاه لازم ديري Crème Bb  و ماشي كريم الاساس يعني Fond de teint  

اولا خاطر معظم كريمات الاســـآس ... مافيهمش الحماية و الوقاية من الشمس ... و انتي كي ديريه راح ديريه باش تخفي العيوب في وجهك ... و ماشي باش تحمي نفسك و وجهك من الشمس ...

ثانيا خاطر ا ل بيبي كريم ... فيها تحميك من الشمس و من بزاف حاجات  ... تعطيك لامعان بدون اخفاء العيوب ... وجهك يبقى هو هو ... و راح تكوني محمية نهار كامل ...

ثالث حـــآجة ... كريم الاساس مظر بالبشرة ... اما بيبي كريـــم هو فقط كريم متعدد الاستعمالات ... مادام هو يحميك من بزاف حاجات فهو اكيد ما يضركش ... و معظم ال بيبي كريم فيهم بزاف استعملات ... تستعمليهم كيما كريم اساس و كريمات الحماية ...

نصيــــحة :

حتى اذا شريتي كريم الاساس باشش اديريه لكل يـــوم ... اشري كريم لي فيه بزاف استعمالات ... يعني الحماية من الشمس كريم نهــــآري ... كريم مرطب و غيرها ... هكذا حتى تكون عندك كريم كامل ... زيد تجنبي تشري كريمات الاساس الرخيـــصة ... و حتى لما تشري ا لبيبي كريم ركزي على هاذ الشيء ايضا

انشاء الله يوكن عجبكم الموضوع القصير ... كان موضوع نصائح خفيف ظريف ... نلتقي في موضوع جديد ... و اطرحـــوا سؤالكم ... في لاباج و لى هنــــآ ما تنساوش تشاؤكو الموضوع مع حباباتكم ... في آمان الله 

.