♥ JE VOUS EN PARLE N°3 ♥ : Les Box Algériennes ♥

سلام البنات انشاءالله تكونوا ملاح.. اليوم موضوعنا على كيما قتلكم على les beauté Box ... نهدرلكم على les box algérienne خاطر واحد اخرين شابين و كامل ههه بصح الواحد يمرض قلبوا باطل ... المهم راح نهدروا بالتفصيل عليهم ... راح ندير مقارنة ايضا بين الجزائرية و الاجنبية ... انشاء الله يعجبكم الموضوع و تستفادو منـــــوا بزاف ... ♥ 

هاذ les box كيما اسمهم علب بواطات des boites ... ماشي كبار بزاف و ماشي صغار يعني متوسطة الحجم ... كل وحدة و الشكل تاعها ... كاين لي عادية يعني simple ... 

كل وحدة على حساب لي يخدموهوم ... يعني عامة يديروا فيهم مواد تجميل ... Des produits de Maquillage ... كما les crème مثلا تاع الوجه ولى هكذا حاجات ... و كاين لي يخلطوهم يديروا مواد تجميل + حاجات تاع ديكور ولى اكسسوارات ... يعني مخلطة زعمى يديرولك des pochettes ولى حاجة تاع شباح ... المهم فيها حاجات .. الوغ كيما قلنا كاين مخلطة و كاين خاصة بمواد التجميل ... هاذي هوما les box ... و كاين لكل وحدة و الموضوع تاعها ... معناه Le Thème تعها ... (مثلا عيد الام ... عيد الحب ... ولى اي موضوع آخر .... هوما على حساب لي يخدموهم ) . و كل شهر كاين علبة جديدة ... باشياء جديدة ... بمنتوجات جديدة ... و كلش جديد ♥ 

واشن هو ال concept تاع les box هاذوا يعني واشن هو الهدف منها واش ديري بيها ؟!

الهدف منها اولا تكتشفي حاجات جدد كيما مواد التجميل ... يعني ماكياج ... تسمحلك اجربي حاجات جديدة ... ماركات جديدة ... يعني هكذا تجربة حاجات ... زيد هلى هاذا تربحي يعني تشريهم بالنقصان  مثلا كيما كي تشري وحدة مخلطة تربحي جاجات تاع شباح ما تلقيهمش برى ... ثاني مثلا مجموع سعر المواد كاملين اي تلقايهم داخل البواطة يخرجلك اكثر من سعر البواطة يعني هاذي تساعدك تشري مواد تربحيهم باقل سعر من السعر تاعهم الحقيقي يعني تشريهم ناقصين على لي تشري كل وحدة وحدها ... يعني حاجة مليحة شوية .... و هوما بالطبع يخلوك تكتشفي ماركات و مواد تجميلية ما كنتيش تعرفيهم من قبل ... ايضا تربحي Le Plaisir & une Bonne Expérience ... خلاصة الموضوع اقتصادية و مسلية ♥  

الاحنبية في الحقيقة مهما كان نوع الاشياء لي فيها ولى ماهي الماركات لي فيها السعر يبقى ثابت ... يعني ايضا فيها اشتراك شهري و سنوي ... و كاين مثلا كل 3 شهور ... امى الجزائرية فيها يختلف السعر من علبة للعلبة ... على حساب عدد الاشياء الداخل فيها ... بصح يعني هاذا ماراهش شيء كبير ولى مضر ولى سلبي يعني ... حاجة مليحة يعني في السنوات الاخيرة هاذي دارولنا هاذ الشيء في الجزائر ... يعني هرمنا و حنا نشوفو في les Box تاع الخارج ... هه و الحسرة فينا ....  و كل شيء يطور مع الوقت ... 

اضغطوا عـــلى الصور تاع كل وحـــــدة و آخر Box داروهــــآ  .... و راح تروحو مباشرة للصفحة الرسمية تاعهم ... يعني تروحوا Directement لل La Page Officiel تاعهم ... راح شوفو السعر و واش فيهم العلب ... وكل التفاصيل الاخرى ... المهمة ...

اضغطوا على الصورة تروحو مباشرة للصفحة الرسمية 

اضغطوا على الصورة تروحو مباشرة للصفحة الرسمية 

اضغطوا على الصورة تروحو مباشرة للصفحة الرسمية 

انشاءالله موضوعنا اليوم عجبكم و تكونو تعرفتوا على هاذ النوع الجديد من المبيعات ... ما تنسوش تقولولي رايكم في كومنتـــــآر ... و اذا ما نعرف سبق و اشتركتي في هاذ النوع من الحاجات ... اذا كنتي تعرفي وحدة قوليهالي ... ا نا هاذو هوما لي شفتهم و تاكدت من المصداقية تاعهم ... و ماشس خرطي ... انشاء الله يكونو عجبوكم ما تنساوش ديروا جام ... و تقولولي رايكم فيهم ... اتهلاو في رواحكم حنوناتي 

-------------------------------------------------------------------------------------------------------------------

.