♥ REVUE N°2 ♥ : Bio Nikhaar Ubtan [crème de Visage Contre L Acné ]

سلام البنات ... انشاء الله تكونو بخير ... اليوم موضوع تاعنا review ... تاع واحد la crème de visage ...  بزاف البنات يسقسوني الاسئلة الشائعة هي " الحب ، الرؤوس السوداء و السواد تحت العينين ... كيفاش نديرلهم ؟ ... كاين خلطة تنحيهم ؟ " ... لوكان نقلكم هاذ الكريم تنحي كامل هاذا ؟ ... تهنيــــك  منهم نهائيا ... اسمها Bio Nikhaar Ubtanانا جربتها و راني ننصحكم بيها ... لي حابة كريم فعال  بصح لازم تواضبي عليها يعني ديريها دائما للحصول على نتيجة سريعة و مليحة ...

كما قتلكم الفوق هاذي ضد الرؤوس السوداء و ضد الحبوب ... ضد البقع ... ضد السواد تحت العينين تقدري ديريها حتى في بلاصة عندك زاعمى فيها البقع ولى تنحي ... يعني ماهوش شرط الوجه...  و مليحة ايضا عندما يكون وجهك يكون باهت اللون تاعوا و يكون يبان فيه التعب استعمليها ... راح تتفاجئي من النتيجة يعني ... وجهك يولي يشعل ... عندي شهر و انا نستعمل فيها ... كل ما نستعملها و نشوف روحي ما نعقلوش وجهي ... خاطر يولي بيض نقي ... رطب ناعم ... مع العلم عندي بشرة زيتية يعني تولي ناعمة البشرة تاع وجهي ... هايلة و خلاص . هاذاك الزيت و الوسخ تاع الوجه كامل يروح ... حتى يبقى وجهي لامع مدة طويلة

في الاول كي شفت العلبة خفتها ما نكذبش ! هههه ... محسوب j'ai risquer ... و جربتها قلت اذا مليحة مليحة ... اذا لا لا نرميها و خلاص ... الوغ جربتها اول مرة و كي شفت النتيجة حرت فيها خاطر نتيجة هايلة ... شفت وجهي بيض رطب ... حتى تحسي بلي وجهك خفيف بزاف ...مدة 15 دقيقة تخدم العجب في وجهك ...

 - اغسلي وجهك بالماء و الصابون اول شيء

- نشفي وجهك مليح مليح قبل ما تحطيها

– حطيها على كامل الوجه ولى البلاصة تاع الحبة و اى البلاصة لي عندك فيها رؤوس السوداء ... ولى تحت عينيك انت حرة ... انا نديرها على كامل وجهي

-         خليــــها مدة 15 دقيــــقة فقط ...

-         بعد 15 دقيقة اغسلي وجهك بالماء مليح مليح و شوفي النتيـــــجة راح تدهشي راني متاكدة

المفــروض تلقايها عند هاذوك الحوانت الكبــآر لي يبيعوا الاعشاب و هذوك Les ... حوسي مليح مليح تلقايها ...

السعر تاعها ماشي غالية بزاف بزاف ... ادير 650 دج فقط ... تقدري تلقايها اكثر و تقدري تلقايها اقل ... ما تفوتش 700 دج راني متاكدة

اول ما تحطيها في وجهك ... تحرقك شوية ... بصح هاذاك هو كي تبدى تخدم خدمتها و تتاقلم مع وجهك يحرقك شوية ... بصح ما تخافيهاش خاطر دقيقة و يحبس ... و تخليها في وجهك المدة تاع 15 دقيقة و نحيـــها ...

غسل الوجه بالماء و الصابون ... منبعد تحطيها على وجه ناشف هي اهم خطوة في هاذ الشيء

الــــــــــوغ كملنــــآ مع هاذ الكــــريم الجديدة حبيت نشارك معاكم التجربة الجديدة هاذي ... انشاء الله تعجبكم ...  لكامل اسئلتكم و كلش ... اطرحـــوا سؤالكم هنــــآ ولى في لا باج تاعنـــــآ ♥

ربي يلاقينا في ساعة خيـــــر البنــــــآت .... اتهلاو في رواحكم بزاف بزاف 

.