ســـلام البنات
اليوم نلتقي في موضوع جــديد ... un
Nouveau Sujet ... لي يهدر
على واش ندير مور ما نولي من الجـــآمعة .. + نصائح كيفاش نقدر نراجع بعد التعب
تاع نهار طويــــل من القراية ... يعني ساعات من 12سا حتى لل 17سا ... راهي مدة
طويـــلة ... زيد على هاذا في الموضوع لي الفات قتلكم بلي نخرج من الدار على 9سا
ههه الوغ يعني نهار كامل برة ... لي حـــآبة تعرف نهاري كامل في لافـــآك تقولي في
كومنـــتــآر ♥
بعــــد ما نرجع من الجـــآمعة و نوصل للدار ... باين نوصل طــــآفية كامل
... عيـــآنة و ميتى بالعيـــآ ... تروح ندير القهوة فوق النــآر و نسخن الحليـــب
...
بعد هـــآذا نروح نبـــدل حــوايجي على السريـــع ... و نولي للكوزينـــة
نفرغ قهوتي و نشربهـــآ ... خاطر مدموزال بلى قهوة ههه ننصحكم ما شوفوهـــآش
خيـــر ... كاين بزاف بنات عندهم مرض القهوة علبالي كيفي ههه ☺
وانا نــدير كامل هاذا يكون في يدي تليــــفوني ... و راني نشوف في لاباج
.. الانستغرام ... البريد الالكتروني ... كامل هاذوا نحـــب نشوف الجماجيم تعكم و
لي كومنتــــآر ... نفرح كي نلقى البنــــــآت يكومنتــــوا ... و يحبوا ... و لي
ميساج تاعكم ...
كيما قتلكم هاذا كامل نديروا في آن واحد ههههه ... نعم سوبر مدموزال ...
هاذي جديد ما كنتش نديرها من قبل ... خاطر فنيانة بزاف ... و زيد نعيـــآ
بزاف بزاف ...
الـــوغ نروح ... نستعمل الكريم جديدة تاعي لي هدرت عليها من قبل (الموضوع
هنا )
اول حـــآجة نغسل وجهي بالماء و الصابون ... باش يروح الماسكارا و ال Bb Crème وكامل العيى تاع نهار كومبلي ...
منبـــعد نحط الكريم تاعي الجديدة ... لمدة 15 دقيقة منبعـــد نحيـــها ...
و نغسل وجهـــي
في غالب الاوقـــآت في هاذوك 15 دقيقة ... نكةن شعلت التليفزيون و راني
نشوف في العشق الاسود ههه و راني دايرة Chronomètre نستنى في 15 دقيقة تخلاص ...
بعد ما نشعل التليفزيون نجيب كامل دوزانــــي تاع القراية ... و راني نراجع
ولى راني نكتـــب في المحاظراتي لي فاتوني ... ولى نحل في التمارين ... المهم وقت
المرأجعـــة يسموه ...
انعم ايه ههه الكريم في وجهي و نشوف في العشق الاسود و راني نقرى ...
منبعد نحيــــها كي جوز 15 دقيقة ... و نروح نكمل واش كنت ندير ... و اذا كنت
كملت ... بالطبع نتعشى ... و نجي ننضم ليكم ... و نفايسبوكي معـــآكم ...
الــــــــــــوغ هاذي هي كيفاش Je Get Unready ... مورم انجي من الجامعـــة راني حكيتلكم على
كلّش ههه ... هاذوا هوما كامل المراحل تاعي ...
ضرك ننتقلوا الى النصــــآئح لي لازم تديهم باش تريفيزي حتى و انت
عيــــآنة و بلى ما نطوّل ...
اول حــــآجة لمى تنحي حوايجك و تشربي قهوتك ما تتكسليش ابدًا خاطر اذا
تكسلتي جامي تنوضي .... الكسل واعر و يطيح عليك العجز ... و تولي تقولي خلي غدوة
نراجع ...
ثاني حاجة ماهوش شرط انو تروحي تراجعي في جيهة معزولة
... اشعلي تليفاز و اكتبي ... ولى شوفي و اكتبي ... يعني هكذا باش ما تحسيش روحك
محبوسة مع القراية و ما تزيديش تعياي و يجيك نعاس ... شغل تشغلي شوية تحسي بلي
كاين الحس ....
ثالث حاجة ... جربي تراجعي و انتي عيانة غير لي تسحقيهم غدوة الضرورية ...
تحضير ولى تمارين ولى ... منبعد راجعي لي فاتوا هكذا باش اذا عييتي تكوني كملتي
تاع لي راكي مسحقتهم غدوة ... حتى و انوا عييتي و ما كملتيش نورمال خاطر حاجات
فاتوا ... و تقدري تراجعيـــهم مرة جاية ...
خلال الدرس و في المدرسة ولى الليسي ولى الجامعة ... اكتبي بالالوان و نظمي
كراسك ... حتى اذا رحتي تراجعي مع العشية ... تلقاي الالوان و كراسك باهي راح
يساعدك تراجعي بسرعة ... و ماتلقايش كراسك مكتوب بلون واحد ... راح تعياي تلقائيا
كي شوفيه ترمي الكراس و تروحي ... الوغ اكتبوا بالالوان ولى استعملوا Les Souligneure et les
Marqueur
اهم حاجة هــي ما تتكسليـــش ههه و خاصة ما تتغطايش و تطفي الضوء خاطر ...
جامي تنوضي و هكذا تريحي تقولي خلي غدوة انشاء الله ... خلي غدوة انشاء الله ...
حتى يخلاص العام ... الوغ كملي واش عندك كتبة و مراجعة منبعد روحي اتكسلي و ارقدي
...
موضوعنا اليوم خلاص انشاء الله يكون عجبكم وفادكم شوية ... واعطاكم شوية
نشاط ... لي عندها سؤال ولى استفسار تطرحوا هنا ولى في لا باج تاعنــــآ ... نلتقي
في موضوع جديد ...
ما تنسايش تبارطاجي الموضوع مع صحباتك و شكرا لكي عزيزتي ... في آمان الله
.
Commentaires
Enregistrer un commentaire
Commentaires