♥ ROUTINE N°4 ♥ : Ma Routine Cocooning [soins de visage , corps & Cheveux ]

ســـــــــلام البنات لقد عادت مدموزال ... في موضوع جديد انشاء الله تكونوا كامل بخــــير و على خيـــــــــــــر و انشاء الله تقعدوا دايمن بخيــــر ... اليوم ماشي موضوع طويل بزاف بزاف ... شغـــل راح نهدروا على Ma Routine Cocooning ... يعني الروتين كي ندوش واش نستعمل Comme Produits  للعناية بوجهي و العنــــآية بجسمي ... و ايضا للعنــــآية بشعري .... و أيضا نصــــآئح حتى يكون Le Bain  ديــــآلك كامل ... و حتى يكون عند الدوش Bien Fait   يعني ما نبقــــآش ندير مقدمة قد راصي ههه ... المهم راني هدرت بزاف ... شوف التحت تفهمي ... ما راحش نهدر بزاف بزاف الـــــــــــــــــــــــوغ نبداو

 Comment Je Fait Le Soins De Mon Visage  ؟

-         نكيّس وجهــــي مليح مليح ... قتلكم من قبل بلّي ما تقولولي والـــو ههه " الكاسة" هي افضل مزيل للجلد الميت و الاوســـآخ و كلّش ... تحسي البشرة تاعك ناعمة جدا ... يعني هذي آول خطوة ... لي تخـــــآف على وجها تقدر تستعمل ال Gant يعني  انا نفضل نبدى هكذا

-         منبعد ما نكمل من الخطوة الاولى ... نروح نجيب ال Crème Venus  لي كامل تعرفوهـــآ ... تاعي مستخلصة تاع زيت اللوز .. و نحطها في وجهي ... و نخليها مدة 20 دقيــــقة ... يعني مدة مليحة ... ما تخليهاش طول بزاف خاطر راح تردك حمرة ... و زيد اكتشفت حاجة ... كنت نحطها على وجهي هكذاك يعني قبل ما نكيسوا كانت تحرقني حتى ما نحملهاش ... بصّح مور ما وليت نكيس وجهي مليح و نحطها ولات تعطيني نتيجة هايلة بلا حريق .... (منبعد نحطلكم Revus  عليـــهآ ) .

-         منبعد ما نغسل وجهي و نشوفوا بلي ولى حـــــــرير ... نحط في وجهي هاذ الكريم الجـــديدة ... يعني عندي واحد الشهــــر و انا نحطها هايلة هاذي ... تنحي السواد تحت العينين ... تنحي الرؤوس السوداء و الحب و كلش هايلة ... بمجرد ما ديريها راح تحسي فرق كبير في وجهك (منبعد نحطلكم Revus  عليـــهآ ) ... نحطها مدة 15 دقيقة ... و نغسل وجهي ...

هنا راني كملت مع وجهي ... ولى يبرق و ولى هايل و مختلف ... و انا سعيدة ... ننتقلوا الى شعري ... الـــــــــــــوغ ننتقلوا الى المرحلة الثانية ...

 Comment Je Prend Soins De Mes Cheveux  ؟؟

نصيـــــــــــــــحة : قبل ما تشمخي شعرك لازم تمشطيه مليـــح ... مليـــح قبل ما تشكخيه هكذا راح تحميــــــه من التقصف و تكسر الشعر ... تحميه من كل حاجة ... هاذي نصيحة و راح يسهل عليك غسلوا ايضا ... الوغ اعملي بهاذ النصيحة ...

-         نغســـلوا بال Shampoing Dove  يعني نغسلوا غسل كامل ... مع تدليك الاطراف خاطر هاذا يساعد على التخلص من التقصف ... نغسلوا مليح مليح ...

-         مور ما نستعمل الشامبوا ... نتقل ضرك راني نستعمل ال Après Shampoing Icosum ... سموه مرطب الشعر ... بلسم للشعر ... المهم اولا سعر تاعوا قليل و هــــــــآيل ... نشري اي بلسم ما نسمح فس هاذا خاطر ... يسلك الشعر بسرعة و يرطبوا ... هاذا هو ... نستعملو نسلك شعري و نرطبوا ... من قبل كنت نستعمل La Gamme Complète de DOVE …  لي حابة شوفها تدخل هنا ...

-         مور ما نخرج من الدوش نحط شوية تاع Sérum Andrea Dotti  و نعاود نمـــشطوا ... يعني راح يرطبلي شعري ... و يعاوني في ال Brushing ... و يشدلي مدة طويلة ...

الــــــــــــوغ هاذي هي كيفاش نعتني بشعري خلال الدوش ... الــــوغ ننتقلوا الان للجسم ... العناية بالبشرة .

Comment je prend Soins de Mes Mains et mes Pieds ؟؟

الوغ انا ما نكذبش عليكم نستعمل الشفرة ... بصح مكانش منها هاذيك بشرتك ياخسارة تجرح مثل الصبـــآرة ... تبعوني هنا تفهموا هه كيفاش البشرة تاعي تريح رطبة حتى ولو استعملت الشفرة ...

-         اولا نحط ال Gèle Douche DOVE  ... و نستعمل الشفرة ...

-         لما نكمل من استعمال الشفرة و نخرج ... تكون البشرة تاعي نصف ناشفة ... نحط القليل من ال La Vaseline  في يديا ... يعني نرطبهم مليح مليح ... و هاذي هي البشرة تاعي تبقى ... رطبة و ناعمة ... حتى ال Cocooning  الجـــآي ...

ملخص النصائح لحمام كامل : 

- امشطي شعرك قبل ما تشمخيه هاذا راح يساعدك على ان شعرك يتسلك بسرعة ... و ما يتعبكش ... و ما يتقصفش و ما يتكسرش 

- حتى يسخن الحمام بسرعة ... حلي الماء الساخن و خليه يشرشر ... هكذا الدوش راح يسخن بسرعة ... انا منبعد نحط الماء الساخن على كامل La Baignoire  ... منبعد نحل شوية ماء بارد راح يطلع واحد البخـــآر ... هه و الدوش يسخن بسرعة

- ما تشمخيش راسك اول شيء ... ابداي برجليك منبعد كملي كامل جسمك ... 

- اذا شعرك ما يتسلكش بالخف ... و اذا تحبي تتاكدي بلي صح تسلك ... امشطيه اول مرة بمشطة عادية ... منبعد امشطيه بمشطة رقيقة هكذا راح تتاكدي ... تجنبي تسلكيه بالشامبو استعملي بلسم للشعر 

- اذا حابة شعرك يتشلل مليـــــــــــح ... ارمي الماء على راصك و في نفس الوقت امشطيه 

- اهم شيء استرخـــــي في حمامك ... حتــــــى تحسي روحك هايــــلة منبعد ♥

الــــوغ هاذي هي Ma Routine Cocooning  ... راني قتلكم كيفا نعتني بشعري بشرتي و وجهي ... بالنسبة للمنتوجات تاع الوجه منبعد نديرلكم مواضيع قصيرة Des Revus  يعنـــي ... وجهي صح بالكريم الجديد تاعي صح هايل و تهنيت من بزاف حاجات في وجهي هايلة بزاف ... في الاول خفتها بصح لما جربتهــــا Wooow  رائعة ... منبعد نهدروا عليها في موضوع وحدها ... الــــوغ نلتقي في موضوع جديد البنــــآت ... رايحة نتوحشكم ... ما تنساوش تطرحوا سؤالكم هنا البواطة لي قدامكم ... نحبكم 

.