♥ TAG N°4 ♥ : What's On Makeup Bag !!

ســلام البنات ... توحشتكم بزاف بزاف انشاء الله تكونو كامل بخير و على خير ... اليوم موضوعنا راكم بزاف قولتوهولي ... و انا نسيــــتوا ... الموضوع اليوم عــــلى ... What‘s On My Makeup Bag ... معنــــآه واش كاين في حقيبة مكيــــآجي ♥ .. راح نعطيكم كامل واش كــــآين  ... الــــوغ نبداو ♥

اولا Blush De Chez Geordani :

هاذا الfard a joue يجي على شكل حبيبات ... كيما راكم شوفو في الصورة ... و يجي الحبيبات ملونة ... الوغ انتي بال Pinceaux تاعك ... راني قلت Pinceaux باش يديرلك مليح ... تواسي بيه في خدودك ... و الله هاذا جـــآمي نتخلى عنوا خاطر يعطي ل خدودك شكل رائ و زيد يبقى بزاف في الوجه ... انا نحبـــوا بزاف ... كاين نوعين منوا ... كاين علبة اللون الغالب فيها هوا البني و كاين الي اللون الغالب فيها هو الوردي ... كيما راكم شوفو ... انا عندي البني و صح صح هايل ... بالرغم انو السعر تاعو شريتوا غالي بزاف ... بصح عندي وحد العام ولى اكثر و انا نستعمل فيه يشد بزاف .... علبة كبيرة الله يبارك ...

ملاحظة : كاين ماركات اخرى يخدموا هاذ النوع من ال fard a joue باسعار رخيصة شوية ... انتي حوسي تلقاي ولكن بماركات اخرى ...

ثانيا Mascara WonderLash Water Proof :

قبل ما نبدى نهدر عليها و انا هدرت عليها من قبل ... WaterProof كلمة شوفوها بزاف في المواد التجميلية ... معناها ببساطة هو انها مضادة للماء ... هكذا باش تفهموا ... Noté هاذ المعلومة ...

الوغ الماسكارا هاذي ... اطول الرموش ... تكثفهم ... اتشد لمدة طويلة في رموشك ... مضادة للماء ما تخافيش تسيحلك ولى طيحلك ... حتى هي تشد لمدة طويلة ... للشهـــــور و ما تخلاصلكش ... هاذي نديرها كل يوم هههه خاطر رموشي صغار مساكن ... هدرت عليها من قبل كاسن بنات يعرفوها ههه ...

ثالثا BB Crème :

هاذي ايضا نضل نهدر عليــــها ... خاطر هي المفضلة عندي من بين كامل الماركات ... لي نستعملهم ... راني معولة نجرب تاع Venus لي جربتها تقولي عليها ... المهم هاذ الكريم ... فيها استعمالات كثيرة 5 في 1 ... كريم نهاري يعني مضادة للشمس Spf 30 ... كريم ليلي .. كريم الاساس ... و حاجات وحداخرين نسيتهم في الحقيقة هههه ... المهم هايبة ... تخفيلك العيوب بلى ما يتبدل وجهك تريحي انتي انتي ... يعني ماشي خداعة هاذ الكريم .... و انا نستعملها كيما ال Fond De Teint اي كريم الاساس ...

رابعا Eye-liner Ministar :

هاذي ماشي ماركة يعني ماركة ماركة ... شريتها مضطرة خاطر كان عندي عرس غدوة منذاك ... و مالقيتش ... اديتها قلت على نهار و نرميها ... ههه نسيت شحال شريتها واقيلا 100 دج ... بصح خلعتني كي جربتها ... ما تسيحش و ما طيحش ... و كي تحليها تلقايها شادة روحـــــآ مليح مليح مليح هههه والله عجب ... و عجبتني يعني حقرتها خرجت لالات Les EyeLiner ... ماعنديش صورة عليها ... بصح ندبرلكم وحدة ...

خامسا Les Rouge a Lèvre :

عندي واحد de Chez One ... هو يجي Rouge a lèvre Au même temps Glose يعني في نفس الوقت Brillent A lèvre ... كيما راكم شوفو في الصورة فيه ثقبة في الوسط تخرج ال Brillent Lèvre ... رائع انا نحبوا بزاف و كامل الالوان هايلين ... هبال هاذا والله حتى الفكرة تاعوا هايلة زوج في نفس الوقت ....

عندي ايضا آخر من عند Oriflamme كيف كيف ... هاذا عادي جدا كيما الباقي ... لكن الالوان هايلين يعجبوني بزاف ...

عندي ايضا محبوب الجماهير ههه ال Magique ... خاطر انا ما نحملش Les Rouge A lèvre بزاف نحس شواربي ثقال بزاف بزاف ... الــــــوغ نفضل الماجيك ...

والاخير لي شريتو و شفتوه كامل ... لي رهم دايرين بيه حــــآلة Romantic Bear ... هاذاك الماجيك لي يتقشر عندي Le Sexy Red ... اذا حبين Review عليه قولولي في كومنتار ... و اذا حابين Un Swatch de Rouge a Levre قولولي ايضا ... يعني نوريلكم الالوان تاعهم كامل ...

اخيــرا fard a paupiere :

عنـــدي تاع Very Me ... يجوا صغار و بلونين ... انا عندي واحدة فيها الاسود و الوردي بــــآرد .... هايلين بزاف الالوان تاعهم حتى هي صغيرة بزاف تقدري تحمليها معاك بسعولة تامة ... فيهم بزاف الالوان ... انا يعجبوني بزاف بزاف ...

وصلنا للنهاية الموضوع تاع البوم راني قتلكم كامل واش كاين في حقيبة مكياجي انشاء الله يكون عجبكم الموضوع استمتعتوا .. و استفدتوا شوية شوية هههه ... المنتجات كامل لي هدرت عليم من عند Oriflamme بغير ال Eyeliner ... اسعارهم غالية ... بصح تقدرو تلقاو نفس المنتجات يشبهولهم يعني باسعار قليلة ... من ماركات مختلفة ... و ملاحظة انا ما نديرش ماكياج كلي يوم ندير غير في الاعراس ... و لكل يوم اكتفي ب ال بيبي كريم و الماسكارا ههه ... اتهلاو في رواحكم و نلتقي في موضوع جديد انشاء الله ♥

.