♥ Q&A N°3 ♥ : Tout sur moi

ســلام البنات ... اليوم موضوع جديد ... هاذ المرة الهدرة عليــــآ هههه ... ايه نعم بزاف بنات قالولي حابين نتعرفوا بيك نعرفوا علـــيك حاجات ... و انا راني جيت اليوم باش نخليكم تقرعجوا عليــــآ ... هههه ... راح نقولكم عليا كامل واش لازم تعرفوا عليـــــآ .... هههه الـــــــــوغ نبداو الموضوع تاعنا ....

أسمــــك ؟ و عمرك ؟ وين تسكنـــي ؟

آسمـــــي بزاف يعرفوه و بزاف ما يعرفوهش ههه آسمــــي " ياسمــــين " و بالضبط آسمي "ياسمينة" ... عمري 19 سنة و قريب ندير 20 سنة وليــــــــــــــت عجوزة ههههه ... نسكن في ولاية تيبــــــآزة ....

واش تقراي ؟ وين تقراي ؟

انا نقـــــــرى سنة اولى في الجــــآمعة " المزيرية " ... ايــــــــه و عميتها في هاذ السوماستر بصحتــــي ههه ادعولي ما ندخلش رطرباج ... نقرى " علـــوم اقتصادية و تجارية و علوم التسيير " ... نقرى في المركز الجامعـــي تيبازة ...

شحال طولك ؟ و شحال وزنك ؟

طـــــولي هه انا قصيرة قولي شحال قُصرك هههه ... انا 1م65 هكذاك ... و وزنــــي هو 47 كغ ... رانــــي نسمان كنت 40كغ هههه ...

واش هـــو العطر المفضل تاعك ؟

فــــي الحقيـــقة ما عنـــجيش عطر مفضل ... كل مرة نجرب عطر جـــديد ... كاش نهار نهدر عليــــهم ... مازال مالقيت واحد ما نتخلاش عليــــه ... ههه

واش هو فيلمك المفضل ؟

الفيـــــلم المفضل عنـــدي و ما نكرهش و انا نشوف فيه ... هو Je Te Promet  بالانجليزية The Vow  بزاف منكم شكون شافوا ... كاين بزاف بزاف كيما الهندي Ek Vilan  هاذا ثان نموت عليــــه و ما نكرهش منوا ... منبعد نحطلكم قائمة تاع 10 افلام ...

واش هي الاغنية المفضلة ؟

الاغنية المفضلة عنـــدي هي ... راح ندير قائمة ههه ...

Mon ange «  jena lee « 

Elle Venait du Ciel «  la fouine « 

Vécu «  la fouine « 

Allo «  zaho « 

Je te Promet «  zaho « 

Le Monde «  M.Pokora »

كــــــآين اغاني الراي ثاني خاطر نسمع هههه ماشي كامل مي نسمع ... كاين بزاف القائمة طويــــــــــــــــــــــلة ... نحب الاغاني القديمة ايضا كيما Je regrette rien de Edith Piaf … Joe dassin salut … et la chanson Si tu n’existait pas

المغني و المغنية المفضلة عندك ؟

انا نحـــــــب Jena Lee  اذا حبيت نخير وحدة نخيرها هي ... خاطر في وقت ما كنت نمر بمرحلة صعبة جدا جدا ... كاش نهار نحكي عليها ... و كنت نسمعها ... غناها قــــــديم ... بصح نحبـــوا ... كنت نحسها تغني عليا ... المهم المراهقة هاذي ...

نحــــــــب Edith Piaf  قـــديمة ... Joe Dassin  ... القدم هاذوك ... بصح الفرنسيين القدم ...

نحـــــــب M.pokora … Maitre Gims … La Fouine … L’algérino … Tal … Vita … zaho … Sheryfa Luna … Amel bent Parfois … Kenza farah …

لي نموت عليهم من هــــآذوا ... Maitre Gims & M pokora  ... خاطر كلمات تاع اغنيهم .. ماشي مخلطيـــــــــــــــــن ... هايليــــن ... نحبهم ...

نخب من المريكين و كامل ههه ... الــــــــواعر لي نموت عليـــــــــــــــــــــــــــه ... Justin Timberlake …. وااي ... هايل ... كاين ثانـــي ... Bruno Mars… Katy Perry … Adel … Chris Brown …

نسمع انا على حســــآب الغنية لي تعجبنـــي ههه ماشي على حساب المغني ... على هاذيك عندي عدد لا متناهي من الاغاني ... و هاذا شيئ محزن في الحقيقة الامر ههه ....

ياسمين ؟ انتي Célibataire ؟ ولى En Couple ؟

انعـــم انا مرتبطة ... و ماكان حتى حاجة رسمية بيناتنا ... يعني لا خطبة لازوج ههه ... عندي 3 سنين ... كاين الحب و كاين كلش ههه ... هو يقرى و انا كيف كيف ... كبير عليا بعـــآميـــن ... و حكايتنا حكـــآية ... طويــــــــــــــلة هههه المهم ماشي وقتها ... و ما علبالــــوش بلّي عندي باج فايسبوك ... ولى ال Blog

تحبــــي الشتاء ولى الصيف ؟

هههه انا نقول نحب الربيع و الخريــــــف ... شوية من الشتاء و شوية من الربيع ... خاطر يكون كاين شوية شوية ... بصح انا نقول الشتاء ... نموت عليها ... بالرغم انو انا زايدة في الصيف ... خاطر يكون فيها ملابس بزاف ... كاشني وبوني ... نموت عليها ... خسارة ماكانش الشتاء بزاف هاذ العام ... نحبها خاطر نحب المعاطف و لي Vestes

واش هو الهدف تاعك ؟

الهدف الاول رانـــــي نعيش فيه معاكم و هو مساعدة البنات ... الثانـــي هو نولي مصممة ازياء لكن هاذ تلاشى مع الايام ... الثــــآلث هــــو كيما شفتــــوا ... لاباج لي حليتها جــــديدة ... رانــــي نبيع فيها حــــآجات انا نخدمهم ... ادخلـــــوا هنــــآ باش شوفوها .... الثالث هـــــــو خـــــــــزانة معمرة بالحوايج ههههههههههه " مهبولة " ... معنداكم ... هو انو نكمل قرايتي ...

تقدري تعيشي بلا Conexion ؟

ههه في الحقيقة لا لا ... وليت لازم ندخل و نشوف الحركة تاعكم في لاباج مالغري التفاعل تاعكم ناقص ... الوغ ما نقدرش نعيش بلى كونكسيون هههه و انتم السبب الاول و الوحيــــــد ...

واش تحبي اكثر حاجة ؟ بغير عائلتك

نحب الحوايج .... نحب نشري ... نحب كلمة اراوحـــي نروحوا نشروا الحوايج ... نحب الصبابط ... الماكيـــــــاج بالرغم انوا ما نديروش كليوم ... نحب نشبحــــــوا ... هههه نحب الصبابط بزاف بزاف ...

المقولة لي تاثر فيــــّآ ؟

كاين بزاف في الحقيقة ... والا هي تــــآع Coco Chanel  هي قدوتـــي صح خاطر ... هي نجحت من والـــــوا ...  كانت يتيمة و بدات بشوية بشوية حتى كبرت ... جامي طيحي لازم تثابري و تنجحــــي ... المهم ...

A women With a Good Shoes Is Never Ugly

المراة ذات الاحذية الجيدة ... هي بالتاكيد جميلة

Montre te Genoux mais Jamais tes Cuisse

بيني راكيبك ... مي جامي فخاضك ...

La Plus belle couleur au Monde c’est celle qui vous va Bien

أجمل لون في العالم هو اللون الذي يناسبك

La Simplicité c’est la Clé de l’élégance

البساطة هي مفتاح الأناقة

Le Lux c’est pas Le Contraire de la Pauvreté mais celui de la Vulgarité

التــــرف ليس عكس الفقر ... و لكن هو عكس الوقــــآحة

La Mode ce démode le Style Jamais   

الموضة تذهب الستايل ابدًا ...

واش لي خلاك أديري Blog ؟ واش هي نصيحة لي تحبي تمديها لكل وحدة تحب  ادير كيما نتي ؟

انا لي خلاني ندير Blog  هو حبــــــي هاذي شحال هو نحب نساعد البنات بلي نقدر ...

نحب ندبر كلّش علاجالهم و هاذا لاسباب عديدة ... اذا حبيتي اديري كيما انا نقولك اخدمي من قلبك ... يالوكان مع عشرة بنات لي يتفاعلو معاك ... مدي واش تقدري .. و حبيهم ... و مديلهم غير واش جربتي هاذا هو السر الوحيد

وصــــــــــلنا لنهاية الموضوع ... تاع اليوم انشاء الله بكون عجبكم و قرعجتـــــوا مليح مليح مليح ... ههه نزيد نديرلكم موضوع هكذا ... هاذ المرة الاسئلة كانو قلال ... المهم انشاء الله تكونوا استمتعتوا و نلتقي في موضوع جديد ... انشاء الله ما تتنساوش تزورو لاباج الجديدة تاعي هنــــآ .. اكليكي هنــــــآ ...