♥ JE VOUS EN PARLE N°5 ♥ : Deux Marques De Sous Vêtement

سلام البنات اليوم جينا بموضوع جديد الاي هو ماركات تاع الملابس الداخلية يعني ماركات ماشي غالي بأسعار معقولة و جودة عالية ... يعني اذا كاين عروسة ولى أي وحدة راهي تحوس على ملابس داخلية هكذا تبعيني مليح ...

الوغ ما عنديش بزاف ملّي اكتشفت هذه الماركة الجيدة ... و ما صبتهاش عند حانوت يعني فخم ولى  Luxe  ... لقيتها عند حاونت نورمال كيما كامل الحوانت لي يبيعوا الملابس الداخلية .... يعني نتوما و زهركم ... انا راني نقول و نعاود لقيتها عند حانوت يبيع الملابس الداخلية ...

نبداو بالماركة الأولى اسمها  Variance  شريت من عندهم حاملة الصدر ... شريت 2 بسعر 1200 دج للواحد ... مئة  و عشرين الف هه ماشي اثناش الف ... من عادتي كي نشري هكذا حاجات غير نغسلهم ينتلقوا ... راه خرجلوا الحديد راكم تعرفوا المشاكل لي نواجهوها حنى البنات مع هكذا أشياء ...

غسلتهم لبستهم ... شحال من مرة ... قعدوا هوما هوما ... ما جعدوا ما عراضوا ما كبروا ... ما صرالهم والوا قعدوا جدد ... ما صرالهم والوا ... انا و دهشت فيهم خاطر مضاري كل ما نشري نتعذب من هاذ المشاكل ... زيد على هذا كامل كي تلبسيهم هايلين ...

الماركة الثانية اسمها Piège   كيف كيف شريت منعندهم ملابس داخلية هه بدون تفاصيل ... كيما الماكة الأولى ... يعني حاجة هايلة ... حتى اذا شريتيهم بسعر شوية غالي  .... راح تشريهم مرة وحدة ... كي تولي كل مرة تشري تاع 600 دج من بعد يتقطعلك ... تزيدي تشري تاع 600 دج تتقطعلك ... راح تولي في 1200 دج ... الوغ اخسريهم في ضربة و اشري حاجة مليحة ... باش ما ضليش تشري و تعاودي تبقاي ادوري غير فم ... المهم هاذ الماركة كيما الأولى ... ما يتقطعوا ما يحولوا ما يعراضوا ما يجعدوا ... المهم لي راهي تحوس على ماركات هكذا ملاح ... راني عطيتكم فكرة على ماركات ملاح و هايلين ... تبعوا التصويرة تاع ال  Logo  تاعهم باش ما تلفوهمش ...

لي حـــآبة اشوف صور و الموديلات لي عندهم ادخلوا هنـــآ Variance  ولى هنـــآ  Piège ... ولى ادخلوا للقروب تاعنا راح نحط تصاور تاع الموديلات ... خاطر هنا ما نقدرش كامل يشوفوا ههه 

الموضوع تاع اليوم كيما شفتوا خفيف ضريف ... راني عطيتكم واش جربت ... لي حابو مواضيع كيما هاذوا ... تخليلي كومنتار بصراحة ... و تقولي رايها هكذا باش نعرف اذا نكمل ولى لا لا ... انشاء الله الموضوع تاع اليوم يكون فادكم و استفدتوا منوا ... نتلقاو في موضوع جديد انشاء الله ... اتهلاو في رواحكم ... و ما تنساوش ديروا جام في لاباج اعنا و تابعوني في ال  Instagram تاعي   

.