♥ SCHOOL CONSEILS N°2 ♥ : Des Petits Conseils Pour Révisé [ By Ask Huda ]

سلام عليكم البنات ... مدموزال ياسمين توحشتكم بزاف بزاف ... الوغب زاف منكم قالولي على موضوع على المراجعة ... و انا ما قدرتش نحطلكم موضوع ... أولا خلطر انا ما عنديش طريقة مليحة تاع مراجعة ... ثانيا كان لازم نلقى وحدة عندها خبرة تنصحني و تنصحكم ... الوغ جبتلكم موضوع ماشي غير ليكم حى انا و راح نستفاد منوا ... كتباتوا صديقة جديدة ليا ... و خبيرة في هاذ الأشياء الوغ راح تنصحكم اكثر مني ... قدمتلها الفكرة هاذي و طلبت منها تساعدني و تكتبلي موضوع و هي بصراحة قبلت بصدر رحب ... نشكرك بزاف هدى حبيبتي ... في الأخير راح نقدملكم معلومات عليها هكذا باش تتصلوا بيها اذا كاش ما سحقيتوا نصيحة ... البنت الله يبارك عليها ... هايلة ... حتى انوا عندها قناة في اليوتوب ... المهم انشاء الله الموضوع يفيدكم و يعجبكم

السسلام عليكم فراشاتشكون منا اللي متتلفلهاش في الفتره الأخيره للمراجعه لامتحان معين و خاصةخاصة إذا كان امتحان مصيري كيما الباك او الأهليه او ممكن تاني تكوني مطلعتيش فيالثلاثي الاول و الثاني و حابه تعوضي في الثالث باش تنجحي !!جبتلكم خطوات بسيطة امشي عليها و رديلي بالخبر

1-توكلي علی ربي سبحانو و حافظي علی صلاتك و ردي بالك تفوتي وقتها لازم توليلك هوس

2-التنظيم ثم التنظيم ! خيري بلاصه للمراجعه ، نظميها و اعدليها و زوقيها و رتبي وراقيك و كرارسك واجبدي غير لحوايج تاع ماده وحده و حاولي تحطي كل شي ممكن تحتاجيه قريب منك

3-تيليفونك حطيه عند ماماك نحي La Puce و طفيه و حطيه في خزانة ماماك و لصقي عليه ورقه مكتوب فيها دونت طاطش ههههه الفيسبوووك بعد ما نحيتي التيليفون لازم متدخليش الفيس كل متدخليه روحي صلي ركعتين .. اقسم بالله غير الشيطان يحلفلك عليه ماكي داخلتيه

4-استعيني بالستيكي نوت الملونه باش تكتبي فيها القوانين اللي مبغاوش يدخلو راسك و لصقيهم قدام عينيك باش كل متشوفيهم تتفكريهم

.

5-ديري ساعه لكل ماده و ريحي نص ساعه بيناتهم هكذا تحاولي تكملي اكبر عدد من التمارين في ساعه لانو عندك جدول تمشي عليه متخليش روحك في فوضی .

6-الماكله ضروريه حطي قدامك تاي اخضر ؛ شوكولا ؛ مكسرات و تمر ؛ و اهم شي الماء مي ماشي الماء عادي لا : احكمي قطعي الفواكه اللي عندك في الدار و خاصه القارس قطعيهم شرائح و حطيهم في قرعه و كبي عليهم الما و خليهم يبردو من بعد اجبدي الماء هداك اشربي منو لانو رح يكون منعش و مليان بروتينات

7-نرجعو للمراجعه اعتمدوا علی الملخصات أكثر شي و الخرائط الذهنيه ( شوفوا في غوغل دوك تتعلمو كيفاه تديروها ) حاولو تاني تركزوا اكثر شي علی الحوليات و الامتحانات الشامله و جربوا تقدروا

تحلوهم او لا .

و ربي يوفقكم ان شاء الله

هذا هو موضوعنا اليوم المقدم من طرف ASK Huda  انشاء الله تكونوا استفدتوا منوا ... و انشاء الله يكون لقى اعجابكم ... اذا حابين الموضوع كيما هذا قولولي في كومنتار ( تقدروا تحطوا كومنتار بدون تسجيل) ... و ما تنسايش تشاركيه مع صديقتك ... جميع المعلومات على هدى تلقاوهم ↓ التحت ... نلتقي في ساعة خير انشاء الله البنات

Facebook → ASK Huda

Instagram → @ask.huda 

Groupe → إنجازات فتاة

Chaine YouTube → Ask Huda 

و هاذي هي آخر فيديوا دارتها و عجبتنــــي بزاف انشاء الله تكونوا استفدتوا منها 

.