♥ ROUTINE N°6 ♥ : Ma Routine Capilaire #2 { comment J'ai Soigné mes Cheveux Sec }

ســــلام البنات ... انشاء الله تكونوا بخير ... الوغ اليوم جيت نكللكم على الجزء الثاني من Ma Routine Capillaire   لي رانـــي رايحة نهدر فيها على La Routine  الثانية الي اعتمدتها باش اعتنيت بشعري ... و Les Produits   لي ستعملتهم أيضا في هاذ المرة ... يعني La Routine  الأولى شديت فيها واح العام ... و خرجت عليا بزاف ... خاصة ال Mask Kenachom  خرج عليا بزاف بزاف ... و كي خلاصلي و ما لقيتش كيفوا ... _ كيما قتلكم لي تلقاه تخبرني _ ... كي خاصلي و ما لقيتش كيفوا ... حوست على Des Produits  جدد و جريتهم ... الـــــوغ نبداو نحكوا على Ma Routine 2   مع شعري لي هبلنـــــي ...

ملاحظة : لتتذكير فقط انا شعري جاف و متضرر و زيد على هذا بوكلي ... انعم أيــــه بصح ضرك الحمد الله تعدل شعري و راه زين ... يعني انا ما نحشمش و نقولكم بلي شعري كان كارثة خاطر ما كنتش نتهلى فيه ... و زيد على هاذ Les Routine  السشوار كان ليه دور كبير ... مع الأخير في موضوع ختامي راح نعطيكم بزاف نصائح انا تبعتهم ... الي مازال ما شافتش الموضوع الأول ... تروح شوفو تضغط ( Cliqué  ) على هاذ القلوب ♥♥♥♥♥

 هنا كنت نستعمل La Gamme Dove complet !  يعني Shampoing, Après Shampoing, Mask  كامل من دوف ..

أولا 

كنت نغسل ب Shampoing DOVE  هاذ الشيء ما تبدلش بزاف ... كنت نحك شعري مليح بيه واحد الثلاث غسلات ولى زوج برك .... كنت نحك فرة شعري مليح مليح .... مع التدليك خاطر هذا مليح ل شعرك يساعدوا باش يطوال ... يعني اعتمدي على صباعتيك .... حكي شعرك مع التدليك راح يساعدوا ف النمو بسرعة ... و خاصة الأطراف حطيهم على راحة اليد تاعك و دلكيهم هذا راح ينقص التقصف ... و لي فورش لي تعانو منهم كامل

 

ثانيا

الوغ بعد ما نغسل شعري مليح مليح ... كنت نحط البلسم للشعر يعني Après Shampoing Dove  ... و بنفس الطريقة الأولى ... كيما كنت نجير مع الشمبو نحط البلسم ... و نخليه في شعري يرتاح من 10 الى 15 دقيقة ....

بعد ما تمر هاذ المدة نحكم المشطة و نسلك شعري مليح مليح ... من بعد نغسلوا ... هنا ؤاح تحسوا شعركم خفيف بزيادة ... و شعركم ناعم ... ما نسوش غسلوه مليح مليح

 

ثالثا 

بعد البلسم كنت ... نستعمل ال Mask  و بنفس الطريقة الأولى ... ههههه انعم هبلتكم تاع بنفس الطريقة ... بصح هاذي هي نديروا في شعري مع التركيز على فروة الراس و الأطراف ... و نخليه يريح في شعري من 5 الى 10 دقائق ... و نعاود نمشط شعري ....

وهذي هي La Routine 2  تاعي ... الي كانت مركزة على La Gamme DOVE  الي فيها shampoing, après Shampoing et Mask   ... تلقاو هاذ طريقة الاستعمال مور القرعة تاع المنتوج يعني تلقاوها مكتوبة ... و تبعوها يعني على طريقتكم ... المهم بعد هذا نروح للحفافة و ندير سشوار ههه ... و النتيجة روعة صح .... خاطر هاذي ثاني خرجت عليا ... و لي Fourches   راحوا ... شعري هبط ... و التقصفات ثاني راحوا .... و تهنيت .... ماشي تهنيت تهنيت ... بصح شعري تعدل على لي كان

المهم هاذي هي La Routine 2    ... و ما تنسوش كاين La Routine 3  و الأخيرة ... و أيضا رايحة نعاود موضوع ال Lissage  الي درتوا ... و خرج عليا بزاف ... المهم انظروني في موضوع جديد ... و نتلقاو في الخير ... و ما تنسوش تقلولي في كومنار اذا عجبكم الموضوع ... ♥

  

.