♥ ROUTINE N°5 ♥ : Ma Routine Capillaire #1 { comment J'ai Soigné mes Cheveux Sec }

ســــلام البنــــآت انشاء الله تكونــــوا بخيــــر ... اليوم راح نحطلكم موضوع الأول مع Ma Routine Capillaire 1    ... رانــــي رايحة نهدر في هاذ السلسلة تاع مواضيع على كامل واش درت من Produits  في شعري ... كوضوع واحد ما يكفيش نكتب كامل Les Routine  و Les Soins  راح يكون موضوه طويل و راح تملّوا منوا ... الوغ نبداو في الموضوع الأول ... و ب La Routine  الأولى ....

ملاحظة : انا شعري جاف ... مانكذب ما نخبي ... و كنت نحشم بيه ... و هاذ Les routine  و Les Produits  هوما الـي خلاو شعري يكون وين راه ضرك ☺  ... هاذوما كنت نديرهم مرة في لاسبوع ♥

الـوغ كنت نستعمل ... Shampoing Dove  ... نغسل بيه مرتين ولى 3 مرات ... في الدوش الواحد هههه ... يعني نغسل و نحاول انوا ندلك فروة رأسي مليح مليح مليح ... هكذا باش ندير Massage  لفروة شعري في نفش الوقت و انا نغسل ...

منبــــعد نشللوا مليح مليح ... و نجرب نمشطوا يعني نسلكوا ... بالطبع يكون مخبل ... سمانة كومبلي وهو مديرونجي مسكين ههه ....

منبعـــد كان عندي واحد ال Mask Brésilien آسمواKenachom    والله صح صح هــــآيل كي شوفوا الصورة تاعوا و تلاقيتوا بيه تعيشوا قولولي وين لقيتوه ... ملي خلاصلي ال Niveau  كامل طاحلي هههه .... المهم شريتوا 140 دج ... علبة كبيــرة ... هايل و رائع و كلش ... أصلا حاجة تاع الشعر غير شوفو برازيل اشروا ... اكيد مليحة ... 

المهم كنت نحطوا في شعري كيف كيف و انا ندلك في فروة راسي ... كنت نحط كمية مليحة ... و نحط خاصة في الأطراف ... المهم نخليه واحد ال 10 دقائق ولى ... منبعد نعاود نمشط شعري ... يتسلك بسهولة ... و نعاود نشلل شعري مليح مليح ...

باين واش كاين منبعد نروح للحفافة ندير Brushing  ... ولله شعي ن و م نعقلوش ... هذك لوقت ... هه خط شعي جف و متقصف مشكل لدني كامل كانت في شعري ... بصح السر كامل كان في هاذ الماسك ... خاطر روعة ... و الله ... صافي هذا واش كنت ندير في شعري ... نقصولي Les fourches  شعري رجع بشوية بشوية حنين ... والخ ... نديرلوا سشوار يبان هابط ... تهنيت يعنــي منبعد كي خلاصلي تبدلت Ma Routine ... و هذا هو لي راح شوفوه في الموضوع تاع الجزء الثانــــي من هذا ... Ma Routine Capillaire 2  ...

ما تنساوش قبل ما تشروا أي منتوج من منتجات الشعر ... تاكدوا مليح من ان تشروا على حساب ... نوع شعركم هاذي اهم نقطة ... لانها هي الي تآثر في شعركم ... و المنتوج الـــي ما خرجش على شعركم حبسوه ما تزيدوش تشروا منوا

الــــوغ هذا هو الجزء الأول من Ma Routine Capillaire  لي حــــآبة الموضوع الثــآني ... تقولي في كومنتار ... نشاء الله يكون عجبكم الموضوع ... ابقاو حتى الأخير ... هاذ المواضيع فيهم نصائح بزاف على الشعر ...  مغسيـــي حبيباتي لي قريتوا حتى هنا ما تنساوش تحطوا رايكم في كومنتار نحبكم ☺ 

.