♥ CONSEILS BEAUTÉ N°4 ♥ : Conseils Beauté

سلام كشرودات انشاء الله تكونو بخير ياسمينة اقترحت موضوع انو حنا لي نكتبو المواضيع و انا عجبتني الفكرة و نشكرها بزاف على هذا الاقتراح هههه حسيت روحي في اذاعة نقدم تحياتي و شكري لوول في موضوعي نشاركم بواش موالفة ندير نبدالكم بنصائح تشملنا :

_ غسل الشعر يكون مرة الى مرتين في الاسبوع الغسل المتكرر يهلكلك شعرك

_ غسل الشعر يكون بمواد تليق بيه معناها لي عندها شعرها جاف و لا دهني تشري الشامبو لي يساعدو ... الخ

_ غسل الشعر يكون بالطريقة السليمة التالية و هي تقلبي شعرك على وجهك يعني جيبيه كامل للقدام و تحطي الشامبو في يدك و ديريه غير في فروة الراس ماشي في الطول و تدلكي فروة راسك بالانامل ماشي بالاظافر و الرغوة و حدها راه تحبط لطول الشعر و نتي تماك ادلكيه غير بلعقل ماشي تكرفسيه و تشليه مليح و نتي في هذيك الوضعية

_ مشط الشعر يكون بعد الحمام حوالي ربع ساعة لانو لوكان تمشطيه و نتي في الحمام راكي نتي طيحي فيه لانو منطقيا مسامات الشعر تكون مفتوحة

_ مشط الشعر يكون من الاسفل الى الاعلى يعني تشدي شعرك سلكيه ملتحت و طلعي هكا يجيك ساهل و ميوجعش ماشي كيما طريقة تقليدية تبداي من فروة الشعر و تحبطي هكاك راكي تعقدي فيه وطيحيه

_ الشعر خلوه ينشف طبيعيا لانو ادا نشفتوه بالسيشوار قادر يسببلكم امراض

_ الشعر يمشط يوميا و يترك على طبيعته يعني متلميهش طوماطيشة خليه يتنفس نعم ايه يتنفس لانو يحتاج الاكسجين

_ الشعر يقص من الاطراف مرة كل 6 اشهر ليقى صحي و يزيد في الطول ديالو

_ الشعر يعتنى بيه بوضع ماسكات زيوت للشعر مرة في الاسبوع و لمدة لا تتجاوز 4 ساعات لانو يحتاج الترطيب و العناية

_  تنقية و تقشير الوجه يكون مرة الى مرتين في الاسبوع

_ لترطيب الشفاه يوضع القليل من الفازلين على الشفاه ليلا قبل النوم

_ لبقاء العطر بمفعوله ابعاده عن الضوء

_

لبقاء العطر مدة طويلة عليكي ضعي الفازلين في مكان الذي ستضعين عليه العطر

_ عدم المشي حافية لانو يسبب الام في العظام مع مرور الوقت

_  من المستحن ان يكون لك صابون و فوطة خاصة بك

_للمعان اكسسواراتك المصنوعة من الذهب غسلها بالماء و سائل الاواني و للاكسسوارات المصنوعة بالفضة غسلها باللبن

_ لازالة الرائحة الكريهة من الاحذية وضع البيكاربونات في منديل ورقي داخل الحذاء طول الليل

_  عند انتهاء مزيل الاظافر يمكنك تعويضه بقليل من عصير الليمون و رشات من العطر

هذو كانو بعض النصائح لي نطبقهم و فيهم نتيجة و لي عنها معلومة او نصيحة اضافية تخليها في تعليق باش نستفادو كامل

.