السلام عليكم البنات صحا رمضانكم ، و صحا
فطوركم و صحوركم ينعاد علينا ان شاء الله بالصحة و الهنا ...كيما راكم وتشوفو في عنوان
الموضوع رايحة نحكي تجربتي حول حب الشباب ايه عدو الفتيات><
هههه بدات حكايتي نهار جربت واحد ال gommage و يا ريتني ما جربتو هههه انا
كانت بشرتي عادية مافيهاش الحب لكن صحبتي تالمون تشكرهولي بزاف قلت نجربو 😭😭
مالا جربتو و انا يا جدكم بعد ثلاث اربع ايام هكاك ناضلي الحب 😱 جربت
كلشي ماحبش يروووح ( جربت وصفات طبيعية طبعا) مناه خفت ندير كاش حاجة و يزيد ، اهيه
مالا كل يوم نشوف فيه غير يزيد في جبهتي قاتلي ماما والله تروحي غدوة معايا لطبيب وانا
نساير فيها برك و نقولها ايه ايه ههه و هو الطبيب قدام الليسي برك ماعرف علاه تفنينت
هههه
غدوة مينذاك كي خلصت لقيتها قدام الليسي قالتي هيا معايا ههه استسلمت و رحت والحمد
لله لي رحت ...المهم رحت و عطاني دواء لي هو
curacané مدلي 2 واحد 20
mg و واحد
5mg ومعاه
pomade على خاطر هذا الدواء ينشف البشرة بزاف بزاف يعني
لازم la pomade و طبعا
وراه بأسبوع بدا ينقص الحب حتى راحلي نهائيا الحمد لله يعني يا لبنات انا نقولكم هذا
الدواء والله سحري مليح بالبزاااف و النتيجة تاعو مضمونة 100% كانت صحبتي وجها كامل
حب يعني وجها graaave والله
و تبعت الطبيب ونفس الدواء دركا ولا وجها مراية
.....
وعندي بنت خالتي ثاني عندها الحب بزاف جربت
دواء غالي بزاف بزاف زعما و مادارلها واااالووو. ...
نصائح..
-يالبنات ماديرو والو في
وجوهكم خاصة لكان عندكم بشرة حساسة كيما انا ،على خاطر ختي جربت معايا ال gommage وماصرالها والو على خاطر بشرتها
ماش حساسة
- نوصيكم ثاتي لاكان رحتو
عند الطبيب و عطاكم هذا الدواء راهو عندو بزاف
آثار جانبية أقراو la notice قبل
كلشي ، و ثاني الطبيب يطلب عليك نورمالمونdes annalyses ورا ما تكملي الدواء
- و هذا الدواء لازم تداومي
عليه مدة 6 أشهر ..انا مناه ماعنديش الحب بزاف تبعتو مدة شهر برك و مازدتش رحت للطبيب
وأخير كيما قلتلكم ينشف بزاف بزاف البشرة
خاصة الشوارب يعني لازم ديما معاك مرطب الشفاه هههه و هكا نكون خلصت الموضوع لي ممكن
جا طويل شوي بصح معليش هكا باه تستفادو الزينات
:*
شكر خاص ل ياسمينة مغسي بزاف بزاف راكي au top :* سلااااااااامممممم
.
Commentaires
Enregistrer un commentaire
Commentaires