ســــلام البنات
... توحشتكم بزاف صحة رمضانكم و انشاء الله يعود عليكم بالصحة و الهناء ... الوغ
رمضان كامل البنات يحبوا الكوزينة هههه يحبوا Les Recettes حاجة باينة هاذي ... نا
بديتلكم بالخفيف .... جبتلكم اليوم Recette
تاع Farce تاع بوراك ... خفــــيفة و ظريفة ... كاين لي
تبانلهم جايحة ... الوغ نخليكم مع الوصفة تاع اليوم ...
المقادير :
-
تونة تاع الزيت ( ديري على حساب الكمية لي راكي حابتها )
-
مغرفة و نص قهوة معجون الطماطم
-
مغرقة تاع قهوة ثوم مهروسة
طريقة التحظير
:
كيما قتلكم ال Thon ديروا شحال تحبوا يعني على حساب الكمية تاع La farce ل رايحين ديروها ... يعني و الحبات تاع البوراك
لي رايحين ديروها ... المهم في وعاء ديروا ال Thon تاع الزيت و زيدولوا ... مغرفة قهوة ثوم ... و
زيدوا مغرفة و نص تاع معجون الطماطم
ديريها فوق
النار و خليطها مليح مليح ... كي شوفيها تخلطت مليح و شربت شوية طفيلها النار
من بعد ديري
البوراك تاعك و بالصحة و الهناء
بالصور باش فهموا مليح
هاذي هي الطريقة
... الوغ و نتوما ديروا شحال تحبوا ... ضرك شوفوا حنا كيفاش نديروا البوراك ههه
بالاك كاين كيما حنا ... بلاك كاين لي ما تعرفش تخدم البوراك ... المهم زيادة
الخير خيرين ههه و خيرية ... الوغ خليكم معاها
كما راكم شوفوا
في الصورة حنى هه ما نديروش كامل الديول ... نقسموها على زوج خاطر اجي الحبة بزاف
كبيرة و احنى ما نحبوش البوراك كي يكون كبير ... الوغ نقسموه على زوج ... و نديروه
هكذا و يجوا الحبات صغار و ينتكلوا هههه ... المهم حنى نديروه هكذا ...
هاذي هي البنات
... انشاء الله تكون عجبتكم و لي مضاري يديروها يقولولي في كومنتار ... اذا تعجبكم
ولى لا لا ... و لي رايحين يجربوها يقولولي كي يجربوها اذا عجبتكم ... و انشاء
الله يكون عندنا Recette جديدة المرة الجاية ... ولى بالاك غدوة شكون عرف
... و ماذا بيا تشاركوني نتوما ثاني بالوصفات تاعكم ... صح صحوركم البنات ...
اتهلاو في رواحكم ... نحبكم بزاف بزاف
.
Commentaires
Enregistrer un commentaire
Commentaires