♥ REVUE N°3 ♥ : La Nouvelle Bb crème { The One }

ســـلام البنات ... انشاء الله تكونوا بخير ... و صح فطوركم ... و رمضانكم بالصحة و الهناء 
مرة أخرى ...

بزاف بنات يسقسوني واش هو ال  Fond de teint  لي تستعمليه ولى La Bb Crème  لي تستعمليها و تعجبك ... كاين بزاف لي علبالهم شكون هي الي نستعملها خاطر هدرت عليها بزاف و في بزاف مواضيع ... الوغ اليوم حبيت نجاوبكم في هاذ الموضوع القصير ... و حبيت نديرلكم Revu  على Bb crème  تاع Oriflamme  ... الجديـــدة .

كنت نستعمل القديمة و بزاف تعجبني كاين لي تعجبهم كيف كيف ... منبعد ماا نعرف علاه ولى كيفاش حتى بدلوها ... ما فهمناش ههه ما فهموناش علاه ... المهم اليوم نقولكم بلي القديمة و الجديدة راهي حاجة وحدة ما كانش فرق كبير بيناتهم ... برك بدلولها ال Packaging  هذا ماكان

واش دير هاذ La Bb Crème  :

-         تحمي من الشمس

-         تستعمل أيضا ككريم أساس Fond de teint  

-         كريم نهاري

-         كريم ليلي

انا ملي اسعملتها شكرتها .... كي نروح للجامعة نستعملها غير هي ... يعني هي و الماسكارا و فرات ... وجهي يكون علبالكم مع التعب ... و كي تنوضي من الرقاد كيفاش ... تمدلي نظارة في وجهي وجهي ينور ههه ... والله ... هايلة بزاف ... حتى انوا من الشمس و تحمي ...

هي لكل أنواع البشرة ... يعني كي تروحي تشريها ما فيهاش وحدة خاصة بكل نوع ... هي لجميع الأنواع ... لكن فيها 3 تاع Les teinte  يعني حوسي على حساب لون البشرة تاعك ... كاين 3 هوما ... الوغ كي تروحي تشري ردي بالك اجيبي لون ماشي لونك ... تولي تشبهي للمومياء ...

بالنسبة للبشرة الزيتية تخافوا تزيدلكم ... انا عندي نفس البشرة تاعكم زيتية و تعيني ... انا نقللكم ما تخافوش خاطر ما تزيدلكم ما تنقصلكم ... يعني ماتزيدش عليكم الهم ... بالعطس مليحة بزاف بزاف ... يعني ما تخافيهاش كامل

أيضا ترطب الوجه مليح مليح ... وجهك يولي حنـــين ... انا نحبها على جال هذا ... يعني ما تخافيهاش كامل ... مليحة بزاف

نديرها كي نروح للاعراس كيما قتلكم خاطر هي في نفس الوقت كريم أساس ... ندوبلي الكمية تاع لي مضاري نديرها كي نروح للجامعة ... تخبي مليح يعني Ca va  اذا ما عندكش تخنتيش في وجهك الحب ... ولى البقع ولى ... و ندير الماكياج تمدلي Look parfait  

اذا راكي تحوسي على Crème  تخبي العيوب .... ما ننصحكش بيها خاطر ماشي خدمتها ... هي تخبي ماشي ما تخبيش ... بصح ماشي كامل ... كيما قتلكم قبيلة اذا ما عندكش العيوب بزاف في وجهك خبي مليح ... اذا لالا شوفي كريم Fort  يعني Un Fond de teint  ماشي Bb crème

كيما قلت سابقا ... البشرة الناشفة أيضا ما ديرلكم والوا ... يعني ما تنشف الوجه ما تزيتوا ... هي صح Parfaite

 اذا انتي ماشي من النوع لي يدير Full Make up  كل يوم ... يعني تماكيي كل يوم توالمك بزاف ... كيما انا نديرها تقريبا كل يوم ... بصح كي ما نديرهاش ما نبانش حاجة ناقصة في وجهي ... شفتوا وحدة كي ادير ماكياج كل يوم و كي نهار ماديرش كيفاش تبان ؟ ههه ديجا دير Fond de teint  و نهار ما ديرش تبان كي لموتى هه ... هاذيك لا لا خاطر ما يبانش الفرق بزاف ... و كي ديريها تباني تشعلي

كيما قتلكم اذا نت كنتي تستعملي القديمة ... و خفتي تشتعملي الجديدة ... انا نقلك بلي مافيهاش فرق كيما القديمة كيما الجديدة ... ما بدلو فيها ولوا ماعدا ال Packaging  هذا ماكان

ما كانش ما نزيد نقول عليها ... بالمختصر ... تعطيك نظارة تولي تشعلي ... اذا انت ما عندكش العيوب بزاف في وجهك و انت ماشي من النوع تاع الماكياج الثقيل توالمك ... الوغ ما عليكم غير اجربوها و شوفو بنفسكم ... اذا توالمكم ولى لا لا ... و ما تنسوش تقولولي في كومنتار .... اذا جربتوها ولى لا لا ... و لي جربتها من قبل تقولي رايها فيها ...

 السعر تاعها : 800 دج

في الأخير نقولكم اتهلاو في رواحكم و انشاء الله يكونوا كاينين بزاف Les revus  على بزاف حاجات ... اذا عجبتكم قولولي في كومنتار ( تقدري تحطي كومنتار بلى ما تسجلي ) ... ما تنسوش اديروا جام في لاباج فايسبوك و Abonnée  في اInstagram  و تابعوني في Snapchat  راهم يجوزوا في الشريط التحت ↓↓ ... اهلاو في رواحكم الينات نجبكم بزاف بزاف ... اتهلاو في رواحكم الحبابات ... نحبكم نموت عليكم 

.