♥ UNBOXING N°1 ♥ : Site NeeJolie

ســـلام البنــآت ... انشاء الله تكونوا ملاح توحشتكم قرب العيــد تكونو مع الحلاوات ... ههه رمضان رهوا راح بلخف ... المهم اليـــوم جبتلكم موضوع ... مع انوا درتوا في لاباج بصح ماشي بزاف شافوه و سمعوا بيــــه ... تكونوا شفتوا  La Vidéo  و مفهمتوش بزاف كيفاش و ما عندكمش المعلـــومات لازمـــة اليوم رانا رايحــــين هدروا مطولا و مفصلا على هاذ الموضوع ... La Vidéo  راهي الفوق شوفوها

هاذ الأشياء وصلوني من Le Site NeeJolie    ... هاذ Site Chinois صينـــي ... فيه بزاف بزاف أشياء ... حاجات شابين بزاف خاصة Les Bijoux  & les Gadget  ... بزاف هايلـــين ... اهم شيء في هاذ الموقع هوا انوا تقريبا La Livraison Gratuite  ... يعني تخلصوا ثمن السلعة لي شريتوها برك La Livrason Gratuite

هاذ ال Partenariat يعني درت النية في الهبال ... تواصلوا معايا ... و مدولي نقدر نشري في حدود 10 أورو ... يعني سمانة و انا نخير ... هاذ الموقع يعني ماشي كبير بزاف بصح فيه Les Choix بزاف ... حتى تتودروا ... خاصة الحاجات Mignonne  كيما نحبوهم حنى البنـــآت ههه .... يعني انا جبت غير حاجات سعر تعهم هابت يعني ... هكذا باش ندي بزاف حاجات ( تخمام تاع وحدة تقرى اقتصاد ههههه ) ...

الوغ بعد شهر و سمانة هكذاك ... حى نقولوا اقل من شهرين وصلني Ordre d’appel   رحت la Poste  ... حتى جبدتلي Colis  ... انا كي قريت صبت CHINA  ... فرحت

كي وصلت للدار حليتوا ... أولا كيما شفتوا في ال Vidéo  ... مغلفين ملــــيح ملــــيح ... يعني موحال توصلكم حاجة مكسرة ... حليتهم أيضا كل حاجة مغلفة وحدها ... انا بديت نحل بالحاجة بالحاجة ... قعدت حايرة ... كيما شفتهم في التصاور كيما وصولني ... و يعني صحاح و La Qualité   تاعهم مليحة كيف كيف ... هايلين

انا وصلونــي بزاف حاجات كيما راكم شوفوا ... و درتلكم تصاور شوفوا الفرق بين الصورة تاع ال Site   و صورة تاع واش وصلني ... و انتم ديروا الفرق بينهم ... عنكم ميزانكم ... اذا كيف كيف ولى لا لا ... انتوما شوفوا ...

و كاين Les Liens  باش تروحوا شوفوهم في ال Site  ... و الاسعـــآر ... و رقم تاعوا ( ref  )  ...  و منبعد نهدروا كيفاش تقدروا تشروا منــوا ...

هاذ الخاتم كاين في Doré  و Argenté  ... هايل ... خاصة كي يتلبس يرد بزاف على اليد ... و يخرج مع أي لبسة تلبسوها ...

تلقوه في هاذ الرابــــط : ←
http://www.neejolie.fr/bague-ailes-bijoux-bague-dore-argente-bague-femme-p-10656.html

  

هاذ ال Porte carte  ... يعني ما تقدروش تخيرو المودال و الألوان ... يلحقكم واحد و خلاص ... يعني كل وحدة و زهرها في المودال لي طيح فيه ... قادر يلحقك اصفر ولى كحل ولى Rose  ... المهم كيف كيف هـــــوما كامل شابيـــــــــــــن ... هي صغيرة شوية يعني اجي فيها La Carte  البيومترية الجديدة ههه ... اكم تعرفوا هوما عندهم الكارطات صغار ماشي كيما تعنى ههه قد المسطرة

تلقوه في هاذ الرابــــط : ←

http://www.neejolie.fr/portefeuille-organisateur-cartes-jolie-fille-couleur-alatoire-p-6719.html

 شفتوا كي يخلاصلكم معجون الاسنان .. ولى تخلاصلكم Crème    تاعكم ة نحبوا طبعوها باش تخرج كامل هاذ ال Gadget  هو يساعدكم على هذا ... ههه انا جربتوا و زين هههه هاذاك ال Tube  يعصروا يخرج كامل واش فيه ... خدمت الشناوة بلى ما نهدروا .... هذا كيف كيف كاين بزاف اشكال تاع حيوانات ... انتي و واش يبعثولك انا بعثولي Tigre  النمر ... هوما خيروا ههه ... بصح بزاف هايلة

تلقوه في هاذ الرابــــط : ←

http://www.neejolie.fr/pousse-dentifrice-panda-ours-grenouille-modle-alatoire-p-7160.html

هاذ المراية ( مرآة ) تهبل تهبل تهبل ... مراية تاع الصاك ... انا جاتني حتى ف ال Pochette  صغيرة لي ندوهم للعراس ... La Qualité  تعها مليحة .... حتى ال packaging  مي جات في بزاف Mignon   ... صغيرة تقدري ديريها حتى في ال Portemonnaie  ههه ... هاذي كيف كيف كاين بزاف اشكال و انت و واش يطيح فيك ... انا بعثولي تاع هاذ الارنوبة رافدة الصاك ... اختي هبلت عليها هههه ... بزاف هايلة ... و عجبتني كثرة ال Motif  تاعها ... انا مدمنة على المرايات هههه

 تلقوه في هاذ الرابــــط : ←

http://www.neejolie.fr/miroir-mini-dessin-anim-panda-fille-modle-alatoire-p-18171.html

هذا Sautoir  باتم معنى الكلمة هههه طويــــــل يعني هايل ... يجي مع كلش ... عجبني خاصة لي طويـــل تقدروا شوفوا في الصورة لي الفوق شوفوا شحال طويل ... يجي مع كلش .... Dream catcher  .. لاقطة الاحلام ... بزاف هايل ... هذا واش فيه الألوان

خسارة ماكانش الرابط تاع هاذا ... خاطر نحاوه من ال Site  ههه دوماج ما لقيتش الرابط 

هاذ ال Colier  ثاني شباب ... فيه غير الذهبي ... بصح ماشي طويل بزاف يعني ... بصح مليح ... يجي بزاف شباب مع حاجة شوية محلولة يعني ماشي مغلوقة حتى الفوق ... يجي شباب بزاف ... هو ثاني الشكل تاعوا شباب

 تلقوه في هاذ الرابــــط : ←

http://www.neejolie.fr/collier-gomtrique-punk-mtal-p-15988.html

  

ملي جاو هاذ الحاجات و هذا هو ال Colier  لي نلبسوا بزاف بزاف ... خاطر بزاف شباب ... يجي مع حاجة مغلوقة و محلولة ... يعني حتى مع Chemisier  مغلوقة اجي شباب ... كيما راكم شوفوا في الصورة ماشي طويل بزاف ... ماشي طويل كامل هههه بصح يجي شباب مع كلش ... فيه غير هاذ اللون .

 تلقوه في هاذ الرابــــط : ←

http://www.neejolie.fr/collier-bijoux-accessoires-rtro-punk-rivets-p-2115.html

هذا واش وصلني في هاذ ال Partenariat  ... و هاذي  هي الأولى لي درتها ههه ... كل حاجة وصلتني ... تقدروا شوفوا بعينكم في ال Vidéo  و في الصور يعني كل حاجة كيما طلبتها بزاف هايلين ... و هاذوا كامل ستقمولي يعني اقل من 10 أورو واقيلى 9 اوروا برك ههه .

الوغ راكم تقولوا كيفاش ندير باش نشري ... ضرك نقلكم كيفاش تبعوني مليـــح مليح .

أولا روحوا La Page Facebook  هاذي ←
Ma Petite boutique En Ligne DZ

خيروا واش حبيتوا من ال Site  تاع Neejolie.fr ... ديروا Copier coller  على Le lien  الرابط تاع الحاجات لي حبيتوهم ولى الحاجة ههه ... و هي تقولكم السعر بالدينار شحال و كيفاش تخلصوا ... و يوصلكم الحاجات هاذوك ..

انا نقولكم بلي هاذ La Page  هي Page confiance a 100%   انا نضمنكم ... و تواصولوا معاها هي تزيد تفهمكم كيفاش تخلصوا و كامل ... هي تخلصوا Par ccp  يعني Mondât  ولى chèque   ... و كيما قلنا هي تزيد تقهمكم مليح ...

كيما قلنا ... روحوا لل Site  تاع Neejolie.fr  ... خيروا واش تحبوا ... منبعد ديروا Copier coller  على الحاجة لي تحبوها ... منبعد هي تعطيكم السعر بالدينار ... و تفهمكم كيفاش تخلصوا ... و بالصحة و الهناء انشاء الله

الي حابة تعرف كفاش تشري من مواقع بدون يطاقة.. تدخل هنا 

ايه قبل ما ننســـــى عندكم تخفيض 10%  على واش تشروا ... يعني عندكم Code Promos  هو  NNZ10  ... كي تشروا مدولها ال Code  و عندكم تخفيض 10%  على واش تشروا ... ما تنسوش تستعملوه

ملاحظة : هاذ ال Colis  وصلني في ماي ... و هاذ الأشياء لبستهم ( راني نهدر على Les Accesoir  ) .. كنت N éviter  الريحة و كامل ... مازالوا على حالهم في هاذ الوقت يعني ماحالوش ...و كيما قتلكم مع الأول هوما صح ب Qualité  هايلة .

راني هدرت بزاف جابلي ربي ... انا نخليكم و لي عندها سؤال تطرحوا عليا في كومنتار بعثهولي في البواطة لي على اليمين ( مكتوب فيه اطرحي سؤالك هنا ) ولى ببساطة في لاباج تاعي ... ما تنسوش ديروا جام فيها ... و Abonnée  في Instagram  و Suivre sur Snapchat  

شكرا للقراءة و وصلتي حتى لهنا علبالي بلي كاين لي هربوا ههه الوغ اذا وصلتي حتى لهاذ الحد اكتبي Fraise  في كومنتار ... هكذا باش نعرفكم شوية ... نحبكم نموت عليكم حباباتي انتم حاجة هايلة بزاف في حياتي و ربي يقدرني نقدملكم اكثر و اكثر انشاء الله يا ربي 

.