♥ MES CRÉATIONS N°1 ♥ : Mes Création dans la Boutique Mlle Yasmina

ســـلام البنات ... صح فطوركم ... حبيت نكتبلكم هاذ الموضوع الصغير باش شنفهمكم شي حاجات  à propo de Ma boutique «  Mlle yasmina «   ... واش هوما هاذ الحاجات واش ينفعوا و باش مخدومين اهم حاجة .

الوغ هاذ الحاجات هوما Des Petites pochette , des trousses & des étuis  ثاني ... لواش ينفعوا ضرك نعطيلكم كل وحدة لواش تنفع مع الصور ...

نخدمهم بواحد المادة يسموها La Feutrine  ... و الاشكال كامل لي شوفوهم فيهم Broderie  يعني مطرزين ... العينين النيف الفم هاذوك كامل Broderie  .

بزاف بنات يقولولي كيفاش حتى تخدميهم ؟ .... منين اجيك كامل هاذ La Patience  باش تخدمي هاذ الحاجات ... كيفاش باش جاتك الفكرة ؟ ... و بزاف أسئلة .

انا نحب هاذ الشوفات يعني خياطة و Broderie  و نخدم هاذ الحاجات يعني الخياطة في حاجة بسيطة يعني ماشي كبيرة بزاف ... حاجة نقدرلها ... نحب هاذ الحاجات يعني تقدروا تقولوا هاذي الهواية تاعي مين كنت صغيرة ... يعني ماشي من اليوم ولى البارح ... نحب هاذ الأشياء ... و نحب ثاني تصميم الأزياء ... خلونا في هاذ الأشياء البسيطة ... و اذا على La Patience  كي تكون حاجة تحبيها ... تخدميها بلى ما تعياي منها ... تفنني فيها .

كيفاش باش بديت نخدم ب La feutrine  لي جامي خدمت بيها ... عندي عام ملي بديت نخدم بيها ... كنت ندير La Broderie  غير في حاجات عاجية في قماش نورمال ... كيفاش بديت هي انوا كنت نشوف في واحد La Page  ... تخدم بنفس المادة هاذي ... عجبوني واش تخدم ... و دوماج كانت ما ديرش La Livraison hors alger  ... سخفت عليهم ... و قلت انا نقدر نخدمهم ... الوغ بديت نحوس على هاذ الحاجات مخدومين بهاذا الحاجة و شفت بزاف حاجات ... قلت انا نخدمهم و نقدر عليهم علاه لا لا ... و من فم بيدت نخدمهم .

كنت نخدمهم لروحي يعني نخدم ليا برك ... نخدم و نحط ... نخدم و نحط ... كن نحطهم أيضا في الانستغرام و بزاف بنات عجبوهم و قاولولي علاه ما تحطيهمش للبيع ... صراحة انا نحشم بزاف و الله ههه شغل ما كنتش دايرة في بالي تاع نبدى نحط و كامل و نحل Page de vente  ... منبعد حطيتهم في لاباج تاعنا  شفت بزاف بنات حبـــوهم ... قلت نتكل على ربي .

في الأول ماكانش كيفاه نحل La livraison 48 willaya  خاطر Ems  ماكنش كاين في تيبازة مع الأسف ... و ضرك راه متوفر و بعد العيد راح تكون كاينة 48 ولاية ... مع 500 دج كاقصى حد سعر تاع التوصيل ... بصح توصلكم حتى للمنزل ... يعني كلشي مضمون 100 بال 100 ... انشاء الله ياربي .

ضرك نروحوا ... و نقولكم كل وحدة واش تقدروا اديروا فيها ... و لواش تنفع ... و نبداو ب Les Trousses 

هاذ La Trousse  ... هي Personnalisé  نكتبلك فيها واش تحبي ... هي ماشي كبيرة و ماشي صغيرة ... اجي في صاكك و ما تديلكش البلاصة بزاف ... تقدري ديري فيها Maquillage  ... تستعمليها مقلمة ... ولى Trousse de toilette  .

من الخارج قماش نورمال من الداخل Feutrine  ... ملونة ... السعر تاعها 300 دج .

هاذ Les Trousse  كيما الأخرى و كيما لي راهي جاية ... Trousse de maquillage  تقجرو اديرواه مقلمة ولى Trousse de toilette  ولى اديروا فيها أي حاجة تحبوها تكون ما تبانش في الصاك تاعكم ... انا عندي هاذيك الزرقة ندير فيها Désinfectant  و Les Lingette  تاعي ... و حاجات هكذا Les cachet  تاع الراص ولى ... هوما مشي كبار و ماشي صغار بزاف ... انا كنت ندديرها في صاكي في واحد الجيب يعني ما اديرليش الثقل كامل ... و انا ثاني ما نثقلهاش بزاف ... الوغ اديروا فيها واش تحبوا ...

السعر تاعها 250 دج ... Les Trousse  تاع Emoji  ... نخدم ال Emoji  لي تخيروه انتم

La trousse  تاع الدلاعـــة ههه ... شحال من وحدة اداتها عليا هههه خدمت منهم بزاف ... قد المقلمة العادية ... كامل مخدومة ب  La Feutrine  ... و كلش Brodé  .... تقدري اديري فيها واش تحبي كيما الاخرين

السعر تاعها 300 دج  ... اذا تحبوا فواكه أخرى قولولي ... هي نزيد ندير البرتقال ههه ...

هاذي يعني ما فيها حتى زواق ... Simple  ... فيها الألوان بزاف ... لون لي تحبوه قولولي نخدمهلكم ... اذا كاين عندي هاذاك اللون بالطبع ... كامل بال Feutrine

السعر تاعها  300 دج

 كامل هاذ Les Trousse  لي شفتوهم مخدومين بال Feutrine  اذا ماشي من برى من الداخل ... و أيضا لازم نقولكم بلي Doublé  من الداخل ... يعني واقفة ... و زديد فيها Fermeture éclaire  ... و الحجم تاعهم ماشي كبيـــــر ... يعني متوسطة باش ما تديش بلاصة كبيرة بزاف ... و ما ثقلكش الصــــآك ... غير اذا حبيتوا حجم كبير اطلبوه مني ... نخدم وحدة كبيرة عليها ... الألوان كيف كيف تقدروا تخيروا الألوان لي تحبوا ... ما عدى في La Trousse personnalisé  و la Trousse  تاع الدلاعة ... هاذوك ما فيهمش الألوان

ضرك نشوفوا حاجات واحدخرين يقدروا يفيدوكم تخبوا فيهم حاجات صغار ...  

هاذ ال Pochette  هي un porte Protège slips  ... يعني اديروا فيها Vos Serviette always, Nana, Elle & elle  و غيرها ... وترفدوها معاكم في صاككم ... بلى واحد ما يتحلبلهم ... يعني واحد ما يفيق بلي راكي رافدة معاك هاذوك الأشياء ... زعمى ينحلك الصاك ولى يخربولك فيه ههه ( انا كان عندي هاذ المشكل ) ... يحلوه و ما يفيقوش ... و اديريها في الجيب الصغير تاع الصاك ...  و كيما دايما نقول ما تديش البلاصة في صاكك .

راكوا فهمتوا لواش خدمتهم و لواش ينفعـــوا ... ما فيهمش سنسلة ... بصح نقدر نزيدها على حساب الطلب ... السعر تاعوا 100 دج برك ههه 

هاذوا Des Porte carte   ... اديروا فيها La Carte National و جمـــيع الكارطات لي عندك ترفديهم هنا ... بطاقة الطالب ... المكتبة كامل هاذوا يجوا فيها ... انا وحدة ندير فيها كامل هاذوا ... يعني وحدة ترفد بزاف كارطات ...

.

السعر تاعها 200 دج  

كيما راهم باينـــين هاذوا Des étuis tablette & téléphone  ... حتى تليفونات نورمال ههه لي ما فيهم لا ويفي لا والوا و نخدملهم وحدة على حسابهم يعني ماشي غيــر تليفوانات الشابين ... يعني نخدم لجميع أنواع التليفونات ... و Les tablette  كيف كيف ... يعني تمديلي نوع تليفون و انا نخدملك على حساب تليفونك .

السعر تاعهم : étuis téléphonne 200 Da

Etuis tablette 300 Da 

هذا étuis  ... كانوا عندي شوية صغار على هاذوا ... بصح داوهم كامل ههه و ما عنديش مودال الوغ ما صورتهمش ... هاذوا شوية كبار ... الوغ واش تقدروا اديروا فيها ... تقدروا اديروا فيها Des Pinceau  ولى Des Stylos  ولى Les rouge à Lèvre  ... باش ترفديهم في صاكك بلى ما يتزربعوا ... هاذي هي ... حاجة خفيفة ... جاية شفافة من اللور فيها Nylons .

السعر تاعها : 200 دج 

هاذي خدمتها من الخارج قماش و من الداخل فيها ال Nylons  ... و خدمتها خاصة للقرع تاع الماء ... باش اديريها الداخل ... و كي تجقق ما تدفقش بزاف ... مازال ما جربتهاش بصج اذا نجحت راني نحطها في La Page  ... انشاء الله ... الوغ مازال ما درتلهاش السعر . 

ضرك نحـــطلكم كامل المعلومات ... و نحطلك Lien  تاع La Page  ... انشاء الله ... يكون عجبكم الموضوع و عرفتوا شوية واش راني ندير و فهمتوا واش تسحقوا ... و لي عندها سؤال تحطوا في كومنتار ولى تبعثوا لا باج تاعي و انا نفهكم كلش ... اتهلاو في رواحكم حنوناتي ... نحبكم بزاف بزاف . 

.