♥ JE VOUS EN PARLE N°6 ♥ : Tout Sur Comment Je Fait Mon Shopping !

ســــلام البنات ... توحشتكم انشاء الله تكونوا كامل يخـــير و على خير ... و الحمد الله على كلش ... قوالوا الحمد الله على الخير و على الشر .... و اذا راهي مزيرة عليكم قوالوا الحمد الله تفرج و لي راهم في الاتساع قولوا الحمد الله و يزيدلكم .

المهم ... اليوم جبتلكم موضوع جــديد ... مختلف شوية شوية ... حجة عليا انا نـــديرها ... بالاك رايحين تستفادوا منها ... خاصة اذا راكم تشروا للجهاز ولى انتي تصرفي بزاف على حاجات ما يستاهلوش ... اليوم راح نوريلكم بزاف حاجات ... تبعوهم .

اليـــوم رانا رايحين نهدروا على كيفاش نسير ال Budget  تاعي كي نروح نشري الحوايج  و حتى الملابس الداخلية ... و نقولكم واش هوما الحاجات لي نشريهم غاليــــين و الحاجات لي موحال نشريهم غاليــــين .

اول حــــآجة لازم نقولكم بلي انا ما نديش دراهم بزاف ... يعني مانديش شكارة دراهم و نصرفهم على الحوايج ... هي انا نحب الحوايج صح و نحب نشريهم بصح ... ال Budget  ما يوصلش 2 ملاين ... يعني ... هاذي كي نروح نشري تبيــــشة Complet  مثلا للعيـــد ... و لى الدخلة ولى ... ما نوصلش 2 ملاين ... هاذي من الأول باش ما تقـــولوش ... أيــــه انتي تدي بزاف دراهم ... كاين نهارات ندي 5000 دج نشري بيهم ... كاين نهارات مليون ... ما نفوتش ... باش ما نكذب عليكم ما والوا ... و كي نشري كل حاجة وحدها هاذيك ضرك شوفوا كل حاجة شحال نديرلها الميزانية تاعها ... و تفهومني مليح مليح انشاء الله .

نبداو بالحاجات لي لازم نشريهم غاليــين و علاش ؟

-         أولا : السراول ... نشريهم غاليــــين من 2900 دج الى 4000 دج ...  هي مازال ما شريتش سروال 4000 دج ... 3900 دج الحد الأقصى لحد الان تاع سراول و عندي 3 الان ... يعني ما نشريش سراول تاع 1000 دج يعني تاع 2000 دج و ما نديرش فيهم الثقة ... علاه ؟

خاطر السراول تاع 1200دج الخ ... نشريه Taille 36  نغسلوا ... يولي 38 اذا ما ولاليش 40 راني مليح ... و الحاجة الثانية La Couleur  تاعوا تحـــول اذا شريتوا حامق يولولي Claire  ...  يعني شريت منهم و علبالي ... الوغ وليت نشري الغالي ... و ما نشريش من عنــد هاذوك لي يبيعوا اوبرك ... خاطر انا باش نشريه 1200 دج و شهر نولي نشري واحد اخر ب 1200 دج هاذي مثلا اذا ماشي اكثر ... نولي في نفس السعر تاع واحد غالي ... يعني نروح للغالي ضربة وحدة و يشدلي خير .

بصراحة سراولي حتى صغاروا عليا و ما نحشمش نقولها اختي راهي تلبسهم ضرك و مازالوا على حالهم …  يعني فايت عامين و مازالوا على حالهم ما حالوا ما تشرعلي .

الوغ نشريه غالي خاطر C de la Bonne Qualité  و يبقالي بزاف .... خير من لي نشريه رخيس و نضل نعاود نشري ... نولي جهد سروال غالي .. و نلقى روحي خاسرة .

الوغ كي تروحي تشري سروال ... أولا شوفيه اذا شوية خشين مسيه و اذا شفتيه شوية خشين و شوية واقف ... معنـــآه مليح ... و كيف كيف انا نشي كثرى تاع Turk  ... كي نشوفوا Made in Turkey  و غالي نشريه خاطر يبقى على حـــآلوا ... La Marque  لي عندي منها سراول اسمها Kilroy  ... نشري من حانوت وحدة و جامي قلت خسرت دراهمي .

هاذ المرة شريت zara  كيف كيف هايل مازال ما غسلتوش بصح مليح بزاف... كي نغسولوا نقلكم عليه .

كيما قتلكم كي تشروا قلبوا الحاجة مليح مليح ... قبل ما تشروها كي شوفوا سروال Jean  خفيـف يعني Normalement  يدخلكم Louche  خاطر ال Jean D’origine  يجي خشين و ثقيل ... سبحان الله سروال جين ماشي تاع La Toile  ولى ... تاع La Toile  ويجي لازم يكون خشين ... الوغ شوفو مليح La Qualité  ببيدكم مسوا و قلبوا مليح .

هذا واش نقدر نقولكم على السراول و علاش نشريهم غاليـــين ... يعني ملزوم عليا نشيهم غاليين باش ما ندورش نبدل كل شهر ولى نشريه نخليه في الخزانة ... انشاء الله تكونوا فهمتوني .

-         ثانيا : Les Sacs  ... يعني اول مرة في هاذ العام نشري صاك غــالي ... درتوا في ال Instagram ... كاين لي شافوه ... شريتوا في الدخلة تاع هاذ العام ... من La Marque YSL …  وهو Copie  ماشي L’original  .

كنت نشري صاك ب 1600 دج ما نكذبش كنت نقول انا واش كلبنــــي نشري صاك فايت 2000 دج ... موحال هاذي ... ايهيه نروح نشري بهاذ السومة ولى شوية طالعة المهم ما نفوتش 2000 دج ... كانو يغيـــضوني نشريهم غاليــــين ... بصح المشكل ... شهر شهرين قراية ... و كنت نبدل يعني ب Sac à Dos  ( هاذي في الليـــسي ) ... و هكذاك ... غير نجوز بيه شهر شهريـــن ... يبدى حنوني الصاك يتقشر في اليديـــن ... ايه ما عليش ... يزيد شوية تبديى الدخلاني ... يعني La Doublure  يبدة تتقطعـــل و تنحل ... و الخ ما نفرحش بيه ... منبعد يولي يبهدل ... و نروح نشري جــديد و نولي في نفس السومة تاع الغالي بالاك فايت . 

هاذ العام قلت نشوف Sac  شباب و غالي تاع قل من 2000 دج ما نشوفش فيهم ... الوغ جبت هاذ الصاك ... لي شافهو La Plus part  في ال Instagram  ... قلبتوا مليح مليح قبل ما نجيــــبوا ... La Doublure les fermetures  كلش ... و كبير شوية شوية ... بصح يشوي في ال Prix  تاعوا ... قلت ماعليش نجيبوا واذا خرجلي Louche  نبكي و ننسى ههه ما ضحكوش ... المهم جبتوا و كامل عجــبهم ... قريت بيه رفدت فيه Les Registres  ... المقلمة La Trousse de toilette  كلش باف حاجات تاع بنات .... و الله مازالي للآن ... راني قريب في العام ملي شريتوا ... La Doublures  مازالت صحيـــحة ... Les fermetures  كيف كيف ... ما تقشري ما والوا ... مازال على حــــآلوا ... ما تخسرليش كامل ... ما ندمتش على دراهموا ... ضرك راني دايرة ميزانية تاع Les Sacs  من 3000 دج الى 5000 دج ... هذا شريتوا 5000 دج ... و ما ندمتش عليه خاطر مازالي على حـــــآلوا ... و حتى الداخل مازالي جــــديد .

الوغ كي تروحوا تشورا Les Sacs  قلبيـــه ... الصح ماشي كي يكون شباب و ما شي صحيــــح ما عندك ما ديري بيــــه ... الصح كامل هو La Doublure  مسيها كيما قتلكم قبيلة ... كي شوفيها خشيــــنة و واقفة ... موحال تروحلك ... و اذا مسيتيها و صبتيـــها رقيـــقة و جاية شغل Nylon  شغل خفيفة ... بالاكي منهم شوية شوية .

Les Fermetures  تعرفيهم من كيف كيف ... خاصة تاع البرى كي تكون خشينة ما تخافيهاش ... و اذا كانت رقيقة شوية شوية خاطر قادرة تتحـــلك .

أصلا من السعر تاعوا يبان ولى مليح ولى لالا .... بالاكو برك من السراقين... و المظهر تاع الحانوت و تاع الحاجة لي راكي رايحة تشريها تبينلك ولى مليحة ولى لا لا ... عينك هي ميزانك  هاذي هي .

-         ثالث حاجة : الملابس الداخلية ... يعني غير Les Soutiens Gorge   ... كيما في Les Sacs  كنت نشري يعني شوية رخاس شوية غاليـــين ... بح هاذ المرة شريتهم ب 1200 دج ... و الله هايليـــن يشدوا بزاف ... و ما يحواولوا ما يتشرعوا ما خرجلهم الحديـــد ما ندمتش عليهم كامل و الله ... هايلين درتلكم موضوع عليهم روحوا هنا ( Clique ici ) تروحي اقراي الموضوع ... من تاريخ هذاك لضر و مازال عندي نفس الراي فيهم ...

 ضرك راني دايرة ميزانية من 1000 دج الى 2000 دج نشريه خاطر ما يوليش في الندم و يشدلي نغسلوا ما نخاف عليه نلبسوا ما نخاف عليه ... خير ملي نشري واحد ب 600 دج يفسدلي نزيد نشري واحد ب 600 دج نولي في 1200 دج كيف كيف ... ولى يعذبني و يبدى الحديد خارج ... الوغ نشريه غالي و نتهنى ... راني نشريهم ب 1200 دج في هاذيك La Marque  و الله مازالولي هايلين .

كيما نقولكم قلبوا مليــح ... مسوه Pliyiwah  مسوا ال Ponge  ... قبل ما تشروه ... عينكم هي ميزانكم ... لي حبت تعرف اكثر على La Marque  تروح هنــــآ ←  Cliquer ici

-         ضرك تقواول ياسمين ما هدرتيش على الصبابط ... الصبابط تاع الشتاء و Les Baskets  خاطر نحبهم ... الوغ نشريهم غاليــــين من 2000 دج و ما اكثر نشريهم ... لسبب واحد بالنسبة Les Baskets  باش ما ينحلوش ... و تاع الشتاء باش ما يدخلوليش الماء بطبيعة الحــــآل ... و ما يبردوش رجليا ... و ما ينحلوليش ... هاذي هي ... انا ما نقدرش نمدلكم نصيحة على صبابط .... كيفاش تفيقلهم ولى من غير السعر ... و تاع الشتاء كي ترفدوه و تلقاوه شوية ثقيل ماشي كيشغل ترفدوا بابوش ههه يعني ثقيــــل ... هاذاك هو لي لازملكم ... هاذي هي واش شوفوا.

-         خامس حــــآجة : التريكوات تاع الصـــوف نشريهم من 200 دج الى 4000 دج ... لسبب واحد ... الصوف ما نحبهــــآش و Tpikini  ... كي تكون خشينة و حرشة ... على هاذيك كي نلقى وحدة خفيفة و حنــينة نلقاها غالية ... و أصلا الغالية ... ما اديرش الفلفولة ( يعني هاذوك الكويرات تاع الصوف ) ... و ما تتجعدليش و يبقى على حــــآلوا .  

هاذوا هوما لي لازم نشريهم غاليـــــين خاطر نخاف يخرجولي عيانين وما  نلبسهمش بزاف ... و يعني هادوا حاجة ما نبدالهاش دائما خاطر ماشي حاجة لي لازم نبدلها... ماشي كيما حاجة وحد أخرى.

بالنسبة للحاجات لي مانشريهمش غاليـــين هوما:

-         أولا: Les Hauts خاطر ... باش نشري بزاف يعني ... و خاطر نبدلوا دائما التريكوات ماشي كيما سراول الوغ يعني ما يمضاوش بلخف ... و كيف كيف ماشي شرط نشروهم غاليـــين بزاف ... يعني لي يعجبني نشريه مهمى كان السعر تاعوا ... يعني 1200 دج و هكذا ... و اذا حال ولى عراض بحر عليــــه ... تريكوا ههه ... ماشي كيما سروال ... سروال لازم باش ما نضلش نشري نشري .

-         ثانيا: Les Pyjamas: تاع 400 دج نشريها نورمال ... و اذا حالت ما عليـــش ... ما عندها حاجة .

-         ثالثا : Les Jupes  : هي انا ما نشريش Jupes  غالية لسبب واحد ... خاطر ما نلبسهــمش  ... يعني انا سراول ... Les Jupes  ما نلبسهمش بزاف ... الوغ كي نشريها ب 300 دج و نخليها في الخزانة تبذيــــر ... بصح اذا انت تلبسيهم اكثر حــــآجة ... يعني كيما هدرت على السراول ينطبـــق عليهم ... خاطر باش ما ضليش تشري و تعــــآودي ... يعني عوض تشري و تعاودي تشري في بلاصتهم Les Hauts  ... و أصلا Les Jupes  ما عندهم ما يفسدهم خاطر كامل ملاح ... ماشي كيما السروال .

-         رابعا Les Accessoires  : نشريهم باي سعر صبتوا أصلا ... لازم نشري بزاف ههه خاطر نحبوا نبدلوا هاذ الحاجات .

الوغ هذا ماكان ... انشاء الله يكون عجبكم الموضوع و راكم استفدتوا يا لكوان شوية ... اذا تحبوا نزيدلكم مواضيع هكذا ... Avec Plaisir  ... كي نعرف حاجة علاه لا لا ... انا قلت نقولكم هاذ الحاجات هكذ تاخذوا فكرة ... هكذا باش لي مضاري يدروا es fautes  هكذا ... بالاك يتجنبوهم ... المرة الجاية نديروا الموضوع كيما هكذا بصح على Maquillages  .

اتهلاو في رواحكم حنــــوناتي ما تنسواش تخلولوي جــــآم ولى كومنتار تقولولي رايكم فيه ... اذا عجبكم و اذا ما عجبكم حنـــوناتي ... نتلقاو في موضوع واحد اخر و ما تنسوش تابعوني في Mes Reseau  على Instagram, Twitter , Facebook, Snapchat  على   ... نحبـــــــــكم نموت عليكم . 

.