ســلام البنات
... انشاء الله تكونوا كامل بخير ... اليوم راني وليتلكم ب موضوع جديد على La Mode ... علبالي بزاف و انتم تسناو فيـــه ... المهم
... اليوم عندنا Guide de tendances تاع
الصيف ... واش هوما لحاجات لي راهم بزاف à la mode هاذ الصيف ... الوغ بلى ما نطول عليكم نبداو .
نهدروا على
الألوان اول حاجة ... راني درتهم في صورة وحدة باش شوفوهم
كاين Le rose pastel و Le
Bleu Pastel هاذ اللونيـــن عجبوني ... راني شفت واحد الصاك Rose pastel في Site
aliexpresse عجبني بزاف ... ال Bleu شوية ماشي لوني المفضل ... المهم هاذ وراهم à La Mode و جابلي ربي الوان مضاري نشوفوهم ... يعني Maydémodawch و تقدروا تلبسوهم مع بزاف
الوان ... البنات لي بالحجاب ههه لون خمار هكذا شباب بزاف
و بالطبع الأبيض لي راه داير حالة ... هو لون
باين دايما à la mode بصح هاذ العام راه بزاف
... هو و الأسود بصح الأبيض كي نشوف في We heart it و Pinterset
نشوف بزاف بزاف الأبيض ... على غير العادة ...
بالطبع يتوسخ بزاف هههه مي كامل هكذاك شباب كي تلبسو حاجة بيضة مع Jean bleu ولى تخرج بزاف هايلة ... هاذي كيف كيف راهي Tendance .
و ال Doré لي كاين في بزاف حوايج لي راني نشوفو شوية بزاف
... و الأزرق و الأحمر يعني الألوان الأساسية ههه كيما لي قريناهم في الرسم .
كيما راكم شوفوا
هاذ الألوان يخلوك تحس بالصيف والله *___* يهبلوا .
القماش لي راهوا
منتشر بزاف هوا ... La Broderie
anglaise … la dentelle … le Jean
الوغ نبداو
نهدروا على Les Vetement tendance
اول حاجة هي
هاذوا les haut et les robe dénudé يعني
مافيهمش الاكتاف ... و
فيهم un petit voile ولى un grand ... بصح حاجة هايلة بزاف بزاف ... و راهي منتشرة
... انا مازال ما شفتهمش يتباعوا بصح شفت واحد La page تاع
وحد ال Styliste algérienne تخدم
الحوايج Sur commande حاطة
تصويرة تاع robe خدمتها Sur commande ... هايلة بزاف ...
لي حابة شوف
تدخل هنا ←
هاذ العام خرج patalon Fluide يعني هايل ... يجي عريض من التحت و خفيـــف ... Idéal لصيف هذا ... مازال ما شفتوش يتباع ... بصح شفت
في La Page لي حطيتها قبيلة ... حاجة
صورة تاع سروال هكذا ... Normalement
تخدموا على حسب الطلب اذا حبيتوا ... روحو
شوفوها هنا ←
هاذ السروال
هايل خاصة اذا زدتولوا Chemisier من
الفوق و دخلوها داخل اجي هايلة ... و يوالم كل المنااسبات ... و يجي شباب مع Les Haut dénudé كيف كيف .
و خرج كيف كيف Pantalon cropped ...يجوا عراض و قصار ...
يا اما مع الركبة ولى شوية هابط تحتها ... هايليــــن *__* والله في لبستهم كيما راكم شوفوا في التصاور ...
بصح شوية هنا في الجزائر بلى ما نهدر راكم تعرفوا الحالة ... يقلك سروال جحا ...
بصح هايلين و الله .
راهي La Mode تاع Les Costume كيما راكم شوفوا Ensemble راهم Tendance ... ثاني Le Pantalon Costume ولى La Veste ... يعني تلبسوهم كيف كيف ... ولى كل واحد وحدوا
... راهي Tendance بالرغم من انوا ماشي كامل نقدروا نلبسوهم ...
بصح راني حبيت نقلكم بلي راهي tendance
هاذ العام .
تكونوا شفتوا في
ال We Heart it و ال Pinterest بزاف حاجات كيما Les Hauts و Les
Robes عندهم effet Nuisette يعني مخدومين ب Satin
و فيهم La Dentelle ... راهم منتشرين بزاف في التصاور و كامل ...
راهي La Tendance تاعهم هاذ الصيف ... حاجة جديدة ما تعاودتش .
كاين كيف كيف
كيما راكم شوفوا هاذ ال Model شفناه بزاف في الشتاء ... و ضرك كاين تاع الصيف
يجوا خفاف مخدومين بال Foulard ولى
بقماشات خفاف يعني ماشي حاجة تسخني فيها ... خاصة للبنات متحجبين تحبوا حاجة طويلة
و بالبدين ... كيف كيف ... كاين أيضا للي يحبوا يجوا بل يدين ... يعني ماين Sans manches et avec les manches ... المهم راهم Tendance par tout ماشي غير في دزاير .
هاذ العام ال Jean عاود
ولى à la mode يعني Les Robes en jean راهم tendance و زيد فيهم بزاف Les Modèles و بزاف مختلفين على واش شفنا من قبل ... و بصفة
عامة ال JEAN راه En tendance هاذ الصيف .
La
Broderie في Les
Haut و Les
Robes و كيف كيف Les liquette راهي دايرة حالة يعني شفتها
بزاف في VOG-dz كاين
بزاف حاجات على راصهم من هاذ النوع ... بزاف هايليـــن كاين ثاني Des Robes ب La
Broderie هايلين يهبلوا ... خاصة لي يحبوا هاذ Les Models ... راهي Tendance هاذ الصيف ...
كي رانا نهدروا
على La Broderie لازم
نقوللكم بلي La Broderie Anglaise
راهي Top هاذ الخطرة ... في Les Hauts , les Robes , Les Jupe aussi المهم راهي منتشرة بكل انوعها ... و راني
خيرتلكم شوية تصاور عليها باش كي شفوها تعرفوها .
شفت أيضا les
Patches يعني هاذوك الحوايج كيما مثلا Veste تلقاو فيها اشكال هكذا لاسقين ... كيما راكم
شوفو في التصاور يعني ... راهي بزاف منتشرة يعني قبل رمضان كي رحت نشري حوايج
العيد لقيت بزاف حاجات فيهم هكذا سراول Les Veste حتى كاين Les Hauts ... المهم حاجة شوية مليحة .
هاذي تكونوا
شفتوها من قبل يعني ... سراول لي
جايـــين شوية مقطعين ... و يبانوا حايليـــين ... و كاين لي ماشي مقطعين نورمال
... يشبهوا Les Jean
Boyfriend بصح هاذوا آسمهم MOM ... Jean MOM ... هاذوك راهم Tendance بصح
وحدة لي تقدر تلبسوا ههه ... صراحة انا لا لا راكم تعرفوني نحب ال Simple و حاجة Discrète ماشي حاجة تبان و تعيط ماشي Style تاعي ... المهم راهم top عندهم مدة هوما شابين بزاف بصح ... كي خرجت
المرة لي فاتت درت شفتهم بزاف يدوروا .
خاصة للاعراس
يعني و راكي حابة تشري Robe ولى Top ... انا نقولك بلي هاذوا les Robes Dos Nu راهم à la
mode ... يعني ضهرها عريان ... تلقايهم في Les Robes و في Les Hauts يعني كيما تحبي .
Les combinaison راهم
Tendance هاذ الصيف كيما كل مرة ... خاصة Les Combi short ... راهم au top هاذ العام ... و كاين كيف كيف يجوا Dos Nu كيما قتلكم قبيلة لي راهوا منتشر بزاف ... انا
يعجبوني خاصة كي يكونو Modèle تاعهم شباب .
كيما العام لي
فات Les Kimonos كيف
كيف راهم tendance انا
عندي واحد راني لبستوا في الربيع ... و مازال نزيد نجبدوا في الصبف هذا ... راهم
منتشرين بزاف ... انا تاعي صراحة خيطتوا ... خاطر حبيت Modèle unique ماشي كيما راهم مطلسين ...
و حبيت حاجة مختلفة ... المهم راهم منتشرين بزاف كوال و قصار عراض و لا لا ...
المهم راهم Tendance
ثاني من الربيع
و هوما مازالوا ... Les Jupe Droite
... لي مازال ما صبتش انا وحدة تفرح ههه ...
الزهر لي عندي ... كاين في هاذ الصيف انا شفتهم .. يجوا خفاف بزاف بزاف ... يعني
ما تسخنيش فيها ... و خفاف صبتهم انا من 1200 دج حتى 2000 دج ... يعني تاع 3000 دج
و ما فوق ملاح بصح انا بنسبة ليا بزاف نحطهم في Jupe خاطر ما نلبسهمش بزاف .
Les Haut لي
جايــين بهاذ الشكل كيما راكم شوفو ... شغل وذنين القط Les Oreille de chat ... كاين حتى في Les Robes راهم Tendance شفت منهم بزاف يدوروا في المواقع تاع الحوايج ...
كاين قصار و طوال ... و بزاف الوان .
هذا هو le guide des tendances été 2016 ... انشاء الله يكون عجبكم
... و اذا حبيتوا كل مرة ندير هكذا قولولي في كومنتار ... و اذا عجبكم الموضوع كيف
كيف قولولي ... نحبكم حنوناتي اتهلاو في رواحكم و ما تنسوش اديروا آبوني في
الانستغرام و تابعوني في السنابشات ... و اذا انتي جديدة ... ما تنسايش اديري ام
في لاباج تاعي ... و لي حابة شوف المواضيع الأخرى تاع La Mode لقاوهم
الفوق .. وين مكتوب Mode نحبكم مينوشاتي
.
Commentaires
Enregistrer un commentaire
Commentaires