♥ RECETTE N°6 ♥ : Smoothie avec des Carottes

ســـلام حنــــوناتي انشاء الله تكونوا كامل بخير ... اليوم جبتلكم موضوع جديد و ماشي مضاري نديرهم ... انشاء الله يعجبكم .

 عندي فترة شفت Une vidéo  على Les Smoothie Anti Chaleur  في La Chaine de Marie EnjoyPhéonix  ... و عجبتني بزاف و كي شريت La Bouteille  قلت نجربهم و خاصة انوا كامل الحاجات كاينين في الدار ... و ساهل و نقدر نجربوا .

الوغ هو مخدوم بالجزر و البرتقال ... انا عجبني و خاصة انوا 100 %  طبيعي ... و تخدميه على يدك ... و مليح للسخانة هاذي ... و مليح للصحة ... خاصة اذا شربتيه مع الصباح و تشربيه بارد.

هاذ Les Smoothies  مخدومين بالفواكه ... و يجوا شوية عاقدين يعني ثقال على العصير لي نشروه ... أصلا اللون تاعهم ههه يعطيكم رغبة جربوهم و يعطوكم إحساس بالصيف ... و هوما ماشي غير للصيف يعني ... تقدروا تشربوهم أي وقت .

المهم نقولكم على ال Smoothie  لي جربتوا ... المقادير و طريقة التحظير .

استعملت 2 حبات جزر ... شوية حليب و شوية عصير البرتقال باش يعطينا ذوق البرتقال ... شوفوا واحد Sans Pulpe  ... نستعملوا العصير مشري خاطر ضرك ماكانش البرتقال .

و كاين بزاف راهم يقولوا الجزر ؟ راكي منك بصح ؟ ... Oui  الجزر بزاف هايل ... حنى مضاري نديروه Jus  ويجي بزاف بنــــين ... الوغ ديروا فيا ثقة كي نقولكم بنــــين .

حطوا في ال Mixeur  ولى ال Blender  ... شوية تاع الحليب و الجزر بعد ما تقطعــوه قطع صغيـــرة باش تترحى مليح ملي ... و ديروا العصير تاع البرتقال ... و خلطوا مليح مليح في ال Mixeur  و لى ال Blender  ... حتى يترحى كلش .

كي تحبسوا راح تلاحظوا بلي ششوية ثقيل و فيه الرغوة و هذا هو المطلوب ... ديروه في قرعة كاس ولى أي حاجة ... و ديروه يبرد مليح و اشربوه بالصحة و الهناء .

هذا هو الموضوع تاع اليوم ... انشاء الله يكون عجبكم ... و كي جربوه ما تنسوش تقولولي رايكم فيه ... و ما تنسوش تضغطوا على J’aime  اذا عجبكم الموضوع ولى العكس ... و تابعوني على Mes Reseau Facebook Snapchat et Instagram et Twitter  على   ... اتهلاو في رواحكم نحبكم بزاف بزاف حنـــــــــوناتي 

.