♥ REVUE N°5 ♥ : Blush perles Bronzante Giordani Gold { Oriflame }

ســــلام البنــــآت ... صح فطوركم ... انشاء الله تكونوا بخيــــر ...

الوغ اليوم نكملوا La Série  تاع Les produits oriflame  ... راني ندير هاذ Les Revu  برك باش تعرفوا الحاجة لي تستهل تشروها و الحاجة لي م تزيدلكم ما تنقصلكم ... تشروها باطل ... و ثاني كاين بزاف بنات يحبوا يجربوا هاذ La Marque  بصح ما يعرفوش ولى مليحة ولى لا لا ... الوغ انا راني هنا باش نعطيـــكم راي تاعي فيهم ... هكذا و انتم شوفوا اذا يساعدكم و لى ا لا ...  و انا نقولكم في كل مرة ... كل وحدة و كيفـــآش يجي عليها ال Produits  و كاين لي يعجبني انا و يعجبك انت و ما يعجبش وحد اخرين ... المهم انا نمد راي تاعي فيهم

و نقولكم كيما كل مرة شريتهم هههه ماشي Partenariat  و انا ماشي Vendeuse  عندهم ... يعني انا كيفي كيفكم ... La Marque  تعجبني نشري من عندهم ... هاذي باش نوضح برك.

اليوم رانا رايحيــــن نهدروا على الحاجة المهمة في La Trousse de Maquillage  تاع كل بنت ... لي هو ال Blush  ... ال fard à Joue  ... الحماير ... تاعهم ... كاين بزاف عندهم ... هذا Le Blush  تاع Girodani Gold   .

يجي بواطــــة مدورة ... فيها مراية ... شوية غامقة كيما راكم شوفوا ... و ماشي كبيرة و ماشي صغيـــرة ... مليحة يعني ... تقدري ترفديها معاك وين حبيتي بلى ما Dérangik   

فيه Deux Nuance  ... لون وردي و البني . Couleur naturel Radiance  و Couleur Naturel Bronze   

انا عندي البني يعني la Couleur Naturel Bronze  لي راني رايحة نهدرلكم عليه ... بصح حتى الاخر مليح ... بصح لي موالفين بال Contouringe  و يحبوا ال Bronzant  يوالمكم هذ اللون

هاذ ال blush  هو Blush  و Bronzant   يعني تستعمليه كيما تحبـــي ... فيه الداخل كيما راكم شوفوا ماشي Poudre  ... يجي الداخل Des Perle Bronzante  ... يعني كي تروحوا ديروه ... دخلو ال Pinceau  الداخل و و ديروه في وجهكم ...

الحاجة المهمة و لي دائما انا لي نركز عليها في كل Produits  نشريه ... شحال يشد كي نديروا .

انا نديروا غير كي تكون عندي مناسبة ... عرس ولى خرجة ولى ... يعني ماشي دائما ... بصح نقدر نقولكم بلي ما يتنحاش من وجهكم حتى تنحوه انتم ...

كي ديروه حناكم يحماروا مليح ههه يولوا هايلين و يزد فيكم النص .

عندي اكثر من عام ملي شريتوا و مازالني نديروا ... و مازال فيه ... يعني ما يخلاصش بلخف ... يشدلكم بزاف في La trousse  ... كيما راكم شوفو في الصورة ... البارح صورتها .

السعر تاعوا هو شوية غالي يعني ... السعر تاعوا 2090  دج ... بصح كيما قتلكم تشوره يشدلكم بـــزاف وقت ... مثلا انتم تشروا كل شهرين واحد بشعر معين ... تلقاو رحكم صارفين جهد هذا لي يشدلكم عام ... و لى اكثر من السعر تاعوا

انشاء الله تكون عجبتكم La Revu  تاع اليوم ... انشاء الله تكون فادتكم ... انشاء الله يكون كاين بزاف Les Revu  ... اتهلاو في رواحكم حنوناتي ...  و ما تنسوش جام في لا باج فايسبوك و تابعوني في الانسغرام و السنابشات على 
 ... نحبكم بزاف بزاف الشابات تاعي .   

.