♥ UNBOXING N°2 ♥ : Cadeau du concour reçu de la Page Shopping en Ligne avec Amel

سلام البنات و صح فطوركم ... علبالي بلي من قبيلة و نتوما تسناو و شوفوا واش كاين في هاذ ال Colis  الصغيـــر ههه ... وي صغير Tellement  صغير كي مدتهولي حطتهولي داخل La Carte National  و مدتهولي ههه ... المهم ضرك شوفو واش كاين ما تخافوش

المهم واحد النهار شاركت في واحد ال Concours  في واحد ال Groupe  تاع وحــدة تبيع حاجات بزاف شابين ... يهبلوا ... كاين Les Jupes  و ثاني Les T-shirt  و كامل ... و انا عجبوني ... المهم كي دارت ال Concours  في هاذاك ال Groupe  قلت نجرب زهري ... و على غير العادة ربحت هههه نورمال واش نقلكم مت بالفرحة ... اول مرة هههه ... ربحت خلوني نزهى هههه .

عندي و انا نسنى فيه يلحقني ... حتى قلت واقيل ابحروه ولى وين راه و نسيـــتوا ... المهم الخميس لحقني اشعر بالوصول ... و اليوم رحت جبت ال Colis  و حليتوا كي وصلت للدار و صبتوا ال Collier  تاع ال Concours  .

كيما راكم شوفو في الصورة L’article est bien emballé   يعني مغلف مليح و موحال  يلحقكم حاجة مكسرة

حبيت نقولكم بلي هايل من حيث La Qualité  و ال Modèle  بزاف هايلين ... ما طويل ما قصيـــر ... هايل و يبان مليح و يجي مع كلش ... حاجة مغلوقة و محلولة يعني ... أيضا يبان وحدوا يعني حاجة تعمر الرقبة و شباب ...

هاذ ال Collier  مافيهش Fermoir  يعني ادخلي هاذيك الحديدة في الدوايرة و تعلقيه ... قتلكم ال مودال تاعوا بزاف هايل

شوية طولت الحالة باش وصلني يعني من افريل بصح كي وصلني يعني حاجة تستهل الانتظار ... حتى هي كي هدرت معاها و قتلها وصلني و ما عقلتنيش هههه ... ههه خاصة يلي بدلت ال Compte  تاعي ههه ... 

نهدروا ضرك على La Boutique généralement  ... المراة لي حاكمتها و الله Vraiment  مشاء الله هايلة ربي يحفظها ... رزينة كلش يعني Elle est Gentille  ... و هايلة

حتى الحاجات لي تبيع فيهم هايلين ... انا عينيا خرجوا على Le Collier  كي شفتوا ... حاجة مليحة و ما توليش في الندم ... تبيع حوايج و Les Bijoux fantaisie  و كيف كيف بزاف Les Accessoires  ... و روحوا شوفوا انتم بنفسكم  

الأسعار ملاح كيف كيف ... و يناسبوكم كامل .

الوغ نخليكم مع La Page  شوفوها 

La Page ← 

https://www.facebook.com/Shopping-en-Ligne-AvecAmel-1767519636812045/

Le Groupe : 

https://www.facebook.com/groups/208234542887185/ 

le compte de Amel : 

https://www.facebook.com/amel.creations

... و ما تنسوش ديرولها جام 

انا نقولكم نتلقاو في موضوع آخر ... و اتهلاو في رواحكم و 

انشاء الله يكون عجبكم هاذ الموضوع ... اذا عندك سؤال او استفسار ... اطرحي عليا سؤالك هنا ولى في لا باج تاعي ولى تاعها ... نحبكم نموت عليكم حنوناتي و شكرا مرة أخرى على 23 الف Vue  في ال Blog