♥ JE VOUS EN PARLE N°7 ♥ : La Page Vente des Bracelets et Collier en Algérie

ســـلام البنات ... توحــــشتكم بزاف حنوناتي .... انشاء الله تكنوا كامل بخيــــر ... و على كل حال قوالوا الحمـــد الله على كل شيء .

الـــوغ اليوم حـــــآجة جـــديدة كامل ... كيما راكم شوفوا في العنوان ... جبتلكم هاذ المرة Des Pages  تاع بنــــآت يخدموا حاجات بيدهم ... بزاف حاجات كل واحدة واش تخدم ... نحطهم في ال Blog  هكذا باش تولوا تعرفوهم ... و تشروا منعندهم علاه لالا ... الاسعـــآر صح Raisonnable  كامل تقدرولهم ... ضرك نهدروا كل عليهم ... و نديرلهم بلاصة الفوق في هاذيك شريط لي راكم شوفوا فيه ... كي تسحقوا Cliqué made in Blady  و تخرجلكم Les Pages  كاملين ...

هاذ السلسة رايحة تكون للابد ... يعني كل ما نكتشف Page  جديدة نهدرلكم عليها .

اليــــوم لحقني Le Premier colis  تاع هاذ La série  ... من عند La Page «  vente des Bracelets et collier enAlgérie «  ... فيه Un Braclelet  لي راني لابساتـــوا ما قدرتش نحيـه ... شحال متحوف و دقيق ... بزف الخدمة هايلة و Bien Fini  .

هاذ البنت تخدم Les Bracelets  و Les Colliers  بيدها في الدار ... و الحقيقة روعـــة

كيمــــآ راكم شوفوا ال Bracelet  مخدوم En macramé  ماكرامي ... رقيــــق و متحـــوف ... حتى ال Motifs  شباب تقول طلتلي على قلبي ههه ... كنت حابة حاجة هكذا ... المهم ... مشاء الله عليـــها يديها من ذهب ...  

ما رانيـــش زيد فيها بصح الحاجات لي لاحظتهم في الخدمة تاعها :

-         الخدمة متقونة هاذيي اول حاجة لاحظتها كي حليـــت ال Colis  ولى الظرف .

-         الخدمة تاع ال Macramé  مزيرة يعني ماشي مرخية تاع قادرة تنحل ولى ... بالعكس Bien  متقونــــة و مزيرة الخدمــة مليح .

ما عندهاش غير هاذوا ... يعني راني نوريلكم واش بعثتلــي بصح كاين بزاف صوالح ... يعني ما تخدمش غيـــر هاذوا خدم أيضا .. Les Bracelet Bresilien  كيف كيف تخدم Les Bracelet en Perles  عندها بزاف صوالح شابيــن ... ( هاذوا تصاور من La Page  تاعها ) .  

انا في الحقيقة ملي لحقني ما قدرتش نحيـــه ههه Tellement  عجبني ... ثاني تقدري تلبسيه مع أي حاجة يخرج ...

البنـــت الحقيقة مشاء الله عليها ... هدرت معايا بالظرافة ... و وصلني في 4 أيام  ... بعثتلي السبت وصلني حتى للدار اليـــوم ... في Enveloppe  مغلوقة مليـــح .

الـــوغ نحبكم تشجعـــوها ب J’aime  في لا باج تاعها ... و شوفوا واش تخدم و تقولولي رايكم في خدمتها ... نا صراحة عجبتني خدمتها ... و نحبكم عرضوا حباباتكم يشوفوا .

وصلنا للنهاية انشاء الله تكون عجبتكم هاذ La Série  و قولولي في كومنتار اذا عجبتكم ... ما تنسوش تزواروا La Page  تاعها ... اضغطوا على هاذ القلب ♥♥♥♥♥ باش تروحوا مبــــآشرة للصفحة تاعها ... و ما تنسوش تقولولي رايكم فيها .

انشاء الله يكونا كاين Des Créateur et Créatrice   وحدا خرين يديروا حاجات ملاح و شابين هكذا ... و نتلاقاو في موضوع جـــديد ... و اتهلاو في رواحكم نحــــــــبكم بزاف .

لي تعرف ولى هي تخـــدم حاجات هكذا و حابة تشارك تبعثلي Message  في Mon Adresse E-mail  هنـــآ mlleyasminaa@gmail.com

La Page de la fille  

https://www.facebook.com/Vente-des-bracelets-et-colliers-en-Alg%C3%A9rie-402778673259324/