♥ TAG N°5 ♥ : What's On My Travel Bag [ Summer Edition ]

ســـلام البنات انشاء الله تكونـــوا بخــــير و على خيــــر ... و الحمد الله على كل حـــأل .

اليوم رجعــت ليكم باش نهدروا على حقيبة السفـــر تاعـــي ... واش ندي فيها و كفاش نرتبها ... واش هوما الحـــــآجات لــي لازم نديهم معـــآيا في الكابة

اول حـــــآجة  الملابـــس :

ندي فيهــآ حوايجـــي ... أولا نشوف المدة لي راني رايحة نبقى فيها هي في العــــآدة تكون أسبوع .

ندي Pyjama  ... و حـــآجة زيادة مثلا Tenue   تاع الدار ولى Pyjama  واحداخرى ... و ســـآعات ندي غير وحدة برك .

ندي كيف كيف سروال Jean  زيادة نخاف يتوسخــــلي ولى كاش ما يصرالوا Au Moins  نلقى باش نبدل ... و ندي Haut  زيادة كيف كيف ... خاصة في الصيف راكم تعرفوا نخرج و كامل ... ما راحش يكون عندي الوقت باش نغســــل ... هاذوما نديهم زيادة على لي نروح بيهم .

المــلابس الداخلية بطبيعة الحــــآل ... هاذوك لازم يكـونوا بزيادة .

ثاني حـــآجة نديها هي ال Lisseur  ... حاجة لازم تروح معايا Malgrré  هاذ المرة ديتوا ما استعملتوش .... بصح لازم يروح معـــآيا ... نخاف كاش ما جيني خرجة ولى نلقى باش نسرح شعري .

نــــدي معــــآيا كيف كيف Trousse  نلايم فيها ... المساسك Les Inversibles  ... القردون ( ايه ندير القردون ) .... ال Mascara  تــــآعي ... La bb Crème  و La Vaseline    ما تخطينيش ... هاذ المرة شريت Simbel  جبتها معايا ليديا ... و L’écran total de Venus  ( لي حابة شوف La revue clique ici  ) ... و ندي معايا كيف كيف Rouge à lèvre  ما نديروش كل يوم بصح نخاف اجيني خرجة نلقى Au moins  واش ندير في فمي .

ندير في هاذ La Trousse  كيف كيف سناسلـــي خواتمي لي نديرهم ... لي يجوا على حسـآب لبستي .

ندي معــــآيا ثاني ... Le Parfum  و المشطة تاعي .

هاذوما لازم يروحوا معـــآيا ... نديرهم في Sac  تاعــــي ولى في الكابة اذا كانت عندي البلاصة ... يعني بصح قريب دائما ندير هاذ La trousse  في صــــآكي .

ندي معـآيا ال Pc  و Les chargeurs  و كامل هاذ الحاجات ندي معايا حى une Multiprise   باش هكذا تكون عندي Une prisse  وين حبيـــــت ... Malgré   في دار جداتي عندي بلاصتـــي قدام La Prisse  ... ندي Les écouteurs  ... كل حاجة نجديها راكم تعرفوا ما نقدروش نعيشوا بلى هاذ الحاجات ... و ندي معايا La Clé Mobilis  ... باش نكونيـــكتي .

هاذوا كامل نلايمهم في Cartable  تاع ال Pc   باش كي نكــــون نحوش نعرف الحاجة وين راهي ... كي نرميهم في الكابة ... دائما يتخربشوا و نبقى غير نحوس 

ولى نلايمهم في Trousse  أخرى و نديرهم في الصـــآك هكذا نلقاهم ساهلين باش نجبدهم .

كيفــــآش نخمل الحقيبة ؟

عادي ... نرفد الحوايج كيما كانوا في الخزانة و نحطهم ... الكابة تاعي ترف بــــزاف Malgré  صغيرة ... ننصحكم بهاذ الكابــــآت ... خاطر قد ما تعـــمريهم ينــــغلقوا ... هايلة انا من نهار شريتها وليت ما نخممش شحال ندي ... ندي واش نحب خاطر علبالي بلي تنغلقلي .

ال Lisseur  ... نخملوا وسط الحوايج هو و كل حاجة لي نخافها تتكسر ... نرتب طبقة تاع حوايج من التحت ... و نحط ال Lisseur  و الحاجة لي راني خايفتها تتكسرلي   و نزيد نحط فوقهم الحوايج هكذا ما نخافش يتكسرولي كـــآمل .

و كيما قتلكم كامل الحاجات الصغار و الرقاق ... نلايمهم في Trousse  ... و Les chargeurs  و كامل نلايمهم في الكرطاب تاع ال Pc  ولى في Trousse  و نديرها في صـــآكي .

الـــوغ هاذي هو الموضوع تاع اليوم و هذا هو واش ندي معـــآيا كي نسافرر ... انشاء الله يكون عجبكم موضوع اليوم ... اتهلاو في رواحكم و انشاء الله نعود عليكم بموضوع آخــر انشاء الله يا ربي ... اذا يعجبكم موضوع كما هذا ... قولولي في كومنتــــآر ... و حطوا J’aime  ولى Je n’aime Pas  ... و تابعـــوني على Instagram, Snapchat et Twitter  على ... و ديرا جام في Ma Page facebook  ... نحبكم حنــــوناتي .

.