♥ JE VOUS EN PARLE N°8 ♥ : La Page → Bracelets Brésiliens / Friendship Bracelets

ســـلام البنات انشاء الله تكونوا كامل بخير و على خير ... و الحمد الله على كل حــآل ... انا توحشت نكتبلكم و الله .

اليوم جبتلكم Une nouvelle Jeune Fille  ... في السلسلة Made In Bladi  ... باش تكتشفوها و تكتاشفوا خدمتها ... و ما تنسوش ادعموها ... نتكل عليــــكم .

الوغ بعثتلي عندها بزاف Un Bracelet  و Un marque Page  لي هي خدمتهم هكذا باش نتعرف على خدمتها عن قرب و نقدر نهدرلكم عليها ... كنت وريتلكم l’envlope  بصح ما شفتوش واش كاين الداخل .

اول حاجة كي تحلوها تلقاو هاذ الورقة لي Trop Mignonne  عجني Le Petit Mots  فيها ... مع المعلومات كامل عليها ... و تلقاو الداخل Les Articles  في Les Sachet  هكذا يعني Bien protégé  باش ما يتغبروش و ما يفسدوش ... و كل واحدة في Sachet  وحدوا ... هاذ الشيء زاد النص في الخدمة ... يعني تقنتها حتى للاخيـــر ... كي تحلوه اجيكم حاجة حلوة هكذا .

هاذ البنت تخدم Les Bracelets Brésiliens ... و بزاف حاجات اخرين ... انا عجبتني بزاف La Page  تاعها ... و عجبتني خدمتها ... و حتى هي مشاء الله عليها هدرت معايا Gentillement  و كامل... الوغ حبيت نتعامل معاها و نقترح عليها تشاركنا في هاذ السلسلة و وافقت ... انا كي شفت التصاور تاع الخدمة جبدتني ليها بزاف ... عجبتني بزاف ... و كي J’ai remarqué  بزاف حاجات .

أولا  الخدمة متقونة ... و الألوان بزاف هايليـــن يعني Un Bracelet Bresilien  و عليه الكلام ... و زيد رقيق ماش من هاذوك الخشان بزاف ... يعني تقدروا تلبسوه مع Autre choses  ... تزيدوا معــــآه Des Bracelet  وحدخرين من الفضة و لى أي شيئ يجي خاطر ماشي خشين بـــزاف الوغ تقدروا تزيدوا معاه حاجا و حدخرين ... و وحدوا شباب .

خدمتها بزاف هايلة و متقونة بزاف ... و خفيف و ماشي مخربش ... الخدمة بزاف شابة تعرفوني ندقق بزاف بصح خدمتها عجبنتي و لبستوا مع ال Bracelet  تاع المرة لي فاتت ( شفوه هنا ) ... لبستوا في L’exposition au chibi Sjs 3  ... و كان هايل بزاف مع لبستـــي ... أصلا هذا اول Bracelet Brésilien  نلبسوا ... هايل 100 مرة على التصاور .

السعر : 200 DA

ضرك ال Marque Page  ... كي شوفوه هايل بزاف و La Couleur  لي بعثتهالي هايلة هههه نقدر ندير كامل الألوان و نورمال ... كيف كيف هايل ... و ما جينيش في الكتاب كي ديروه الداخل ... انا ما عنديش كتابات ههه كيما تعرفوني نقرى PDF  ... بصح كي شريت Les Mangas Algerienne  نفعني بزاف ههه ... خاطر ال Marque page  شوفيه والوا و ما ينفعش بصح هو ينفع بزاف ... راني معولة يبقى معايا دايما نماركي بيه في الكتابات لي نجيبهم من الجامعة ولى حتى Les Polycope  ... و لى كي نكون نراجع نحطو وين حبست ... شفت بلي رايح ينفعني بزاف في المستقبل .

السعر : 300 DA

كيما راكم شوفوا في Les Photos  تقدروا اديروا الوردة برى ولى الشويــشة ... كيما تحبـــوا

كيفاش تشروا ؟

-         تروحوا La Page  لي نحطها التحت .

-         خيري الحاجة لي عجباتك .

-         ابعثيلها ميساج في La Page  و قوليلها واش راكي حابة و هي تتكفل بالباقي .

على حد علمي دير La Livraison 48 willaya  ... و عندها حتى  Les Bracelet Personnalisé  الوغ كاين كلش .

هاذي هي La Page   تاع اليـــوم ... و انا حبيتها بــزاف ... و ما تنسوش تروحوا La Page  تاعها و اديروا J’aime  .. وشوفوا واش عندها ... انشاء الله تعجبكم و ما تنسوش تقولولي رايكم فيها.. و تابعوها على كامل Les réseau  تاعها .

Tous Les infos de cette Créatrice de Bracelet :

Sa page FaceBook : @jiijkaBracelet

Son instagram : bracelet_Lovers

Son adresse : mostaganem 

وصلنا للنهاية الموضوع ... و انشاء الله رايحين شوفوا بزاف Des Pages  رايحين يعجبوكم بزاف بزاف ... و اذا عجبكم الموضوع ديروا جـــآم و ما تنسوش تقولولي في ال Commentaire  رايكم ... نحبــــكم بزاف بزاف ... انهلاو في رواحكم و ما تنسوش جام في لاباج فايسبوك و آبوني في Instagram  نحبـــــــكم  

Le Sujet Made in Bladi précédent → ici