♥ CONSEILS SANTE N°3 ♥ : Désinfectant c'est Nécessaire ou pas

ســــــــلام البنات ... انشاء الله تكونوا بخيــر ... و الحمد الله على  كل حال ... اليوم جبتلكم موضوع مهــم و لازم كامل تعرفوه ... و تمدوالوا أهمية يا لوكان صغـــيرة و متعلق بنظافة اليدين ... خاصة للبنات لي يقراو بالجامعة .

عندي مدة و انا نخمم نكتبلكم الموضوع هذا  ... الوغ هو متعلق بمعقم اليدين ... انا ما كنتش نستعمـلهم ... بصح من وقت ما دخلت للجامعة و وليت ما ندخلش للدار نهار كامل ولى نص نهار ... و نظطر ناكل برى الوغ كان لازملي قبل ما نحط رجلي نحسب حساب المعــقم لليــدين.

لازم يكون في صاك كل بنـــت معقم لليدين ... بالاك تظطري تدخلي للمرحاض ... تمسي كاش حاجة ... تربطي صباطك ... تروحي تاكلي .... تكملي تاكلي ... تخرجلك تخرجك حاجة ... و ما تقدريش ترفدي Serviette  و الصابون معــآك ... بالاك تكوني بعيدة على وين تغسلي يديك ... الوغ تجبدي معقم اليدين و اديري شوية في يديك و تحكيهم ... و خلاص يديك تعـــقموا ... كيمى قتلكم خاصة لي يحبـــوا ياكلوا بزاف ... و لي ما يروحوش لدارهم نهار كامل ... و لي تخدم ولي لازم يكون عندك في الصاك ... حتى ولو كاين الماء و الصابون في المقر لي راكي متوجه ليه نهار كامل .

انا جربت 2 لحـــد الان ... الأول من Higeen  ريحة تاع العــود ... و الثاني تاع dettol  ريحة الورد ... و انا بصــراحة عجبني تاع Dettol  اكثر شيء .

قبل ما نهدر على الرائحة ... اول حاجة Higeen  كي اديري منـــوا خاصة ولو كثرتي الكمية ... يولي يلســـق في اليدين ... و هاذي نقــــطة سلبية ... على عكس Dettol  قد وا درتــــي ما يوليش يلسق في اليدين ... تشربوا البشرة فوريا ... اما الأول تكـــثري غير شوية يولي يلسق في يديك .

ثاني حــــآجة على الرغم انوا Dettol  في رائحة قوية شوية تاع الكحول ... لكن ريحتوا شابة أصلا هذا دليـــل على انوا معــقم و يعــــقم ... و Higeen  ريحتوا ماشي شابة بزاف ... و ما علباليش ولى فيه D’autre Gout  ولى لا لا ... خاطر شرتهولي امي من الصيدلية .

الوغ كيمى فهمــــتوا جربتهم الاثنين و عجبني تاع Dettol  اكثر ... بصح شوية القرعة تاعوا شوية Fragile  ... على عكس Higeen  صحيحة اكثر ... القرعة تاع Dettol  شوبة برك تكسرتلي من البوشون .

الوغ كمى قتـــلكم ... معقــم اليدين من الأشياء الأساسية لي لازم تكون في صاكك ... ما تعرفيشش كامل واش يخرجلك و ما تقدريش تستناي حتــى المساء باش تغسلي يديك ... خاصة لي يعــــيفوا ... ههه هذا يوالمكم .

الوغ هذي هي النصـــيحة و الموضوع تاع اليوم .... انشاء الله يكون عجبكم الموضوع و استفدتـــوا منــــوا ... و لي تـــستعمل معقما اليدين تقولي واش من La Marque  تســتعمل هكذا انا نجرب جدد .

و ما تنسوش تابعوني على Mes Reseau Sociau  في Instagram/twitter/Snapchat  ... على ... و اديروا آبوني في la Chaine  تاعلي ... هاهو الزر الأحمر هنـــآ اضغطـــوا عليه راني تاكلة عليكم ادعمــــوني و تشتركوا في القناة .. و اديروا جام في La Page Facebook  ... نحـــــــــــبكم بزاف بزاف 

.