♥ TAG N°6 ♥ : Des Applications Utiles Pour les filles { What's on my phone }

ســــلام البنــــآت انشاء الله تكونوا بخيــر ... الوغ اليوم جبتلكم Un Article  على حاجة  بالاك رايحة تفيدكــــم بزاف بزاف ... الوغ جبتلكم مجموعة من التطبيقات  Des Applications  ... لي راح يفيدوك كبنت ... و يساعدوك تنظـــمي روحك... ههه شوية L'ipod touch  تاعي مكــسر طاحـــلي ههه اسمحـــولي . 

L’applications Period Calendar :

هـــآذ L’app  ســــــلكتنـــي بزاف ... يعنـــي تكتبي فيها ال Cycle  تاعك شحال فيه ... يعني 28 يوم ولى 30 ولى ... و تكتـــبي نهار جاتك الدورة الشهرية ... و شحال تقعدلك من بعد هي تولي تقلك وقتاه اجيك المرة الجاية ... و ييك Rappel  هكذا تكوني واجدة مليح ... و تساعدك تحــسبي خير من ال Calendrier  العادي ... و نزيد نقولكم فيها Mot de passe  يعنـــي واحد ما يقدر يشوف Un truc perso  ... تقدري T’ajouté une Note  ... تقدري تحطي واش حكمك حمى ولى السطر بزاف ولى ... يعني فيها بزاف حاجات .

 و ثاني  انا كنت نكتب فيها شحال اليامات فطرت فيهم في رمضان يعني كل نهار ندير فيه Une Note  هكذا نعرف خاطر انا ننسـى ... يعني ندير Un Signe  ولى هكذا نشفى كي نحوس .  

و مفيدة كيف كيف للمزوجات و الحوامل كيف كيف يعنـــي هذ L’app  مفيدة للنســـــآء بصفة عامة ... و ماشي غير هاذي كاين بزاف Les app  من هاذ النوع و انا جربت شحا من وحــــدة بصح هاذي هايلة بزاف .

 و نــزيد نبررلكم علاه هاذي بالذات ... كانت عندي في Tablette   و كانـــوا فيها كامل المعـــلومات ... و كان لازملي هاذ المعلومات ... و خسرت ... و هاذي L’app  لازم تشجلي و تبداي تخدمي بيها يعني تحلي Un Compte  ( ضرك تقولوا Un Compte  ؟ لاش ؟ ضرك تفهمـــوا ) ... و يعني من حسن حظي التعيس La tablette  خسرتـــلي و راحلي كلش ... منبعد طلعتها في L’ipod touch  تاعي ... و هكذا خرجتلي اذا عندك   Compte  ولى لا لا و دخلت القديم لي كنت دايراتو في ال Tablette  و خرجتلي  Restauré les Donné  يعنــي نعاود نرجع المعلومات القدم ... و هــــــكذا ولالي كامل واش كان كاين في ال  Tablette  ... و فــرحت و فهمت علاه لازم Un compte  هه فهمتوا ... يعني حتى اذا شريتوا Telp  ولى راحلك ولى Supprimitiha  ولى يعاود يوليلك كلش .

الوغ ننصحكم بهاذ L’app  هي المخيـــرة ... و راني فهمتكم علاه نحبــــها .

L’application Life Sum :

هاذ L’app  استــعملتها ... ماشي بزاف بزاف ... بصح نهدلكم عليها ... شفتها ف  La vidéo what’s on my phone de The doll Beauty  ... و عجبتنـــي و طلعتـــها ... و جربتـــها ... هاذ L’app   ملـــيحة لبنات لي يهتــــموا بالصحة تاعهم ... و بالوزن تاعهم ... يعني انا حبيتها ... ضرك نفهمكم .

تكتبوا فيها الوزن لي راكم حبين توصلوا ليه ... يعني يا تنقصوا يا تزيدوا في كلتا الحالتين يعني لي راهي حابة تكتسب وزن ولى تنقص ... و تكتبي وزنك الحالي ... منـــبعد تعطيك شحال بقالك من كالوري باش توصلي للوزن تاعك يعني في حالة زيادة ولى النقصان ... منبعد تبداي تخدمي بيها ... تكتبي واش كليتي اليوم بالفصيل في الفطور الغداء و العشاء ... و هي تعطيك كل حاجة كليتيها شحال فيها من كيلوا كالوري ... انا كنت دايرتها للزيادة الوغ كل ما نكتب تقولي شحال بقالي باش نوصلل لوزن تاعي ... و كيف كيف فيها نصائح للماكلة ... وفيها هكذا شغل كيسان تقلك اشربي الماء ... حتى توصلي وين تقلك ممتاز شربتي الكمية المطلوبة ... في الحقيقة هي App  مليحة لمراقبة الوزن ... و انا يلي ما نراقبش روحي ما هتميتش بيها .... بصح ضرك لازم نعاود نستعـــملها خاطر هايلة .

L’application 7 Minutes D’exercices :  

هاذي للبنات الفيانات لي ما يقدروش يوروحوا La Salle de Sport  ولى ما يروحوش لاسباب أخرى ... كيما انا ههه ما نكذبش نعجز ... المهم هاذي تساعدك انك اديري ال Sport  في داركم وقت ما حبيتي لمدة 7 دقائق ... هــــــآيلة الجيم تاعك يخدم فهاذوك ال 7 دقائق ... انا حبيــــتها بزاف جربتها مرة وحدة ... و عجـــبتني ... الوغ راني حابة ندير Routine  و نوالفها .... هكذا نبدة ندير Sport  هاذ L’app  هايلة كاين بزاف منهم كالم ملاح .... كاين ثاني Nike Training Clube  كيف كيف هايلة ... يعني موسيقى و 7 دقائق و راكي درتـــي الرياضة في المنزل ... Les Applications  كامل لي عندهم نفس الاسم ... كيف كيف ... يعني كامل متشابهين . 

My Little App / My Little Beauty :

هاذوما داروهم My Little Paris  لي دايرين Les Box ‘’ my little Box ‘’  ... الوغ My Little App  و My Little Beauté  كل App  وحدها بصح يلي عنــــدهم نفس الخدمة جمعتهم كيف كيف ... الوغ كل نهار هاذ التطبيقات كل نهار يديروا حاجة جديدة ... كل يوم يبعثولكم في L’app  حاجة جديدة يعني نصـــآئح ... وصفات ... معلومات ... Des Fond écran  حى انوا يسمح للمستخدمين تاع هاذ L’app  في بعض الأحيان يطلعوا Des Applications Payante  باطل ... يعني كل مرة حاجة جديد ... يديروا كيف كيف Les concours  و كامل فيها بزاف حاجات ... انا نمـــــــوت عليها ... خاصة النصائح يعني حاجات هايلين ... و My Little Beauty  نفس الحاجة بصح متخصصة غير في La Beauté  عندهم وحد اخرين بصح هاذ الزوج انا جربتهم و عجبوني .

We Heart it / LookBook / pinterest :  

جمعتهم كامل كيف كيف خـــآطر تقريبا نفس ال Concept  ... يعن راكي تحوسي على لبسة صور شابين أي حاجة متعلقة بالصور Les DIY  تلقايها هنـــآ ... بصح LookBook  فيها غير بنات يديروا تصاور تاع ال Look  تاعهم ... يعني تلقاو بزاف الهام على اللبسة يعني Inspirations  و انا نحبـــهم بزاف ... هاذ Les app  و نصكم راه يعرفهم بلى ما نهدر بزاف على هاذ المجموعة .

L’applications Flipboard :  

يعنـي انا بلا بيها ما نعـيش ههه ... بلى ما نطول كاين بزاف لي عرفوها ... هاذ L’applications  تدخلي و تسجلي فيها و تظيفي فيها كامل    Les comptes  تاعك Facebook / twitter / instagram  و يولوا كامل Les  Actualité  يخرجولك في  L’app  هاذي يعنـــي ما تراطي والوا ... خاطر في الفايسبوك ماشي كامل يطلعو خاصة تاع Les Pages  ... يتغبوا كي يكون عنده سوايع ملي حطــوهم ... بصح في هاذ النطبيق تلقايهم كامل في جيهة وحدة و تلقايهم Facilement  ... علابيها نحبها تخليني نقرعج بسهولة .

الوغ البنات انشاء الله يكون عجبكم لحقنا La Fin  و اذا عندك Des Applications  يعجبوك و تحبيهم ... حطيهوملي هنا ... و لي Déjà استخدمتيهم قولولي رايك فيهم في كومنتار باش يستفادوا البنات الاخرين ... انشاء الله يكون عجبكم الموضوع هذا ... و نتلقاو في موضوع جديد انشاء الله ما تنسوش J’aime  ولى Je N’aime plus  و ما تنســـوش Abonné  في Ma Chaine youtube  ( محتاجتكم تعاونوني في هاذي ) … و تابعوني على Instagram/snapchat/twitter 

.