♥ CONSEILS BEAUTÉ N°6 ♥ : Conseils Maquillage pour Les Débutante

ســــلام البنات انشاء اله تكونوا بخير و على خير ... الوغ كيما راكم شوفوا في العنوان ... اليوم جيت نحكيلكم على نصائح ماكياج للمبتدئات هاذ النصائح خاصة للطالبات الجامعيات لي يحبوا يديروا ماكياج و ما يعرفوش كيفاش و منين يبداو يعني واش اديري و واش هوما الأشياء للتجنبيها ... كي حطيت Statut  في Facebook  كامل حبيتوه ... الوغ اليوم جبتلكم نصائح عامة بصح مفيدة ... كاين وحدة منكم راني قتلها عليهم ... ههه و هي لي مدتلي الفكرة شكرا حنونتي.

أولا – La teinte  :

يعني واش اديري في البشرة تاعك ... شوفي اذا ما عندكش عيوب في وجهك ... كي نقول عيوب نقول ثقب، مسامات ظاهرة بزاف، حبوب و هاذ الأشياء ... اذا ماكنش عند عيوب هاذوا لي يقلقوا ... يعني ماشي بزاف و البشرة تاعك لاباس بيها ... ديري غير Une bébé crème  خاطر ما عندكش واش تخبي ... البشرة تاعك هايلة... يعني une bb crème  تكفيك ... باش تنحي اثار التعب و البشرة تاعك تولي نظرة يعني تمدي L’éclat  للبشرة تاعك و في نفس الوقت تبقاي طبيعية ... يعني هذا واش تحتاجي.

اذا عندك العيوب و حابة تخبيهم ديري Un Fond de teint  ( بصح نصيحة من جهة أخرى خارج الموضوع  اقصدي طبيب للبشرة باش تتهناي منهم جذريا ... خاطر كي تخبيهم بال Fond de teint  شغل ما درتي والوا كي تنحي ال Fond de teint  شوفيهم . ) .... ديري ال Fond de teint  و اذا ما عندكش عيوب ظاهرة و تقلقك في المظهر تاعك Une bb crème  تكفيك ... خااطر اذا كثرتي من ال Fond de teint  راح يديرلك المشاكل ... علاش قلت لي عندهم العيوب من الاحسن يقصدوا طبيب باش يتهناو ضربة وحدة.

ثانيا – Les Paupière  :

هي هاذ المرحلة ماشي شرط اديري Un fard a paupière  ... خاطر ماهوش لازم تكثري ماكياج باش تخرجي .... بصح اذا حبيتي اديري ( يعني اختيارك ) و خاصة اذا عمرك ما درتي ... احذري و تجنبي تبداي بالوان فاقعة هذا اكبر خطأ اديريه ... يعني ابداي بالوان هادئة Des Couleurs Nudes  ... الوان مثل Le rose claire  ولى Un Blanc cassé  ولى Un beige  ... يعني ابداي بالوان ما تظهرش بزاف ... منبعد كي تبداي تتوالفي و تشدي يدك في الماكياج ابداي تزيدي الألوان بشوية بشوية... ماشي غير للقراية حتى في الاعراس و المناسبات ابداي يحاجة خفيفة منبعد ابداي تزيدي.

هاذ النصيحة من جهة خاطر عمرك ما درتي ماكياج و بالاك اذا درتي الوان حامقة و فاقعة ما يخرجوش عليك ... و ثاني الناس جامي شافوك بمكياج باش ما تبانيش ههه ابداي بشوية من البارد للحامق هكذا تفوتي Sans Smir  كيما نقولوا ... و ثاني باش مع الوقت شوفي واش هوما الألوان لي يخرجوا عليك.

ثالثا -  Tes Lèvres  :

نفس النصيحة كيما تاع Les Fard a Paupière  يعني ماشي غير ابداي من الاحسن اذا درتي ماكياج للجامعة ولى خروجة خفيفة ... ديري الوان Matte & Nude  و Claire  يعني ما يبانوش بزاف بزاف ... كيما نصيحة الأولى و لنفس الأسباب ... و كي توالفي مع الوقت ابداي تزيدي الألوان ... بصح انا نصيحتي بالنسبة Les Rouge a lèvre et les Fard a paupière  اذا رحتي اديري مكياج لكل يوم تجنبي الألوان الفاقعة .

رابعا – Les Mascara et Eyeliner  :

بالنسبة لل Mascara  ديري ما عندك حاجة ... بصح اشري Une WaterProof   ضد الماء ... باش ما طيحلكش مع الدموع ولى ههه ... يعني انتبهي لهاذ النقطة مليح ... خصوصا اذا رموشك قصار ... راح تويد فييك النص ... يعني حتى و اذا استعملتي Un Recorbe Cils  ... مليح ما عندك حاجة ... ال Mascara  نقطة مهمة على Eyeliner .

و بالنسبة لل Eyeliner  ماهوش شرط اديريه لكل يوم ... بصح اذا حبيتي ابداي بحاجة خفيفة كيف كيف .... كي تتعلمي اديريه ملح ابداي تزوقي فيه و كيف كيف من الاحسن تشري Un waterproof  ... باش ما توليش باندا.

خامسا- Les Blushes :

بالنسبة Les Blushes  كاين بزاف الوان شوفي واحد  Rose  باش يولوا حناكك Rosé  و هاذ النقطة ماهيش شرط اديريها خصوصا اذا راكي رايحة تقراي يعني ... بصح أي Blush  درتيه مليح... ديري فم الحوتة و تبعي الخط لي يخرجلك و ديري بشوية.

انا نصيحتي بشكل عام هي :

انا بالنسبة لي ... ندير Une bb crème + Mascara   و خلاص ... يعني حاجة خفيفة باش مانبانش من الأموات ... و هاذ اليمات ماراني ندير ولوا في وجهي ههه ... و بالنسبة اليكم هاذوا هوما النصائح لي مديتهملكم... يعني راح يفيدوكم تحافظوا على اناقتكم + اطلالة رائعة و تبقاو Naturel  ... هاذ النصائح باش تبداو بداية مليحة مع الماكياج .

انشاء الله يكونوا فادوكم النصائح تاع اليوم .... و عرفتوا يالوكان شوية منين تبادو .... و مع الوقت ... تتعلموا تتعلموا ههه ما تتقلوش مع الوقت تتعلوا تسعملوا الماكياج .... و كي يكون عندك الوقت فراغ جيبي اليوتوب و ابداي تخلطي حتى تصفى ... و اهم حاجة هي انوا الجمال جمال القلب و الماكياج هو زيادة برك ... و ثاني مكانش كيما حاجة Simple  خاطر هي الاحسن.

نلتقي في موضوع جديد البنات ... ما تنسوش تشاركوا الموشع مع صحباتكم .... و انا نقلكم اتهلاو في رواحكم نحـــــــــبكم بزاف بزاف.

ما تنـــــــسوش تابعوني في Instagram / twitter/ snapchat / pinterest  عـــلى  ... و اديــــروا جـــــآم في لاباج فايسبوك ... و تنظموا GROUPE  تاعنا ... تلقاو الرابط التحت .

.