ســـلام البنات .... انشاء الله تكونوا بخير ... اليوم جبــــتلكم وصفة راح تحبـــوها بزاف ... La Team Facebook ... علبالهم ... La Recette تاع Oreo ... في الحقيقة اختي هي لي دارتها و جــــآت بينينة قلت نشاركها معـــآكم ... هي أيضا لي دارت الصور ههه انا راني نكتب برك ... المهم نخليكم مع الوصفة .
المقادير:
-
260 غرام طحينة ( فرينة)
-
200 غرام سكــر
-
85 غـرام كاكاو
-
ملعقة قهوة Levure
-
ملعقة قهوة Vanille
-
ملعقة قهوة ملح
-
225 غرام زبدة
-
حبة بيض
طريقة التحظيــر
(بالصور ) :
حطـــي في وعـآء
... La Levure و الســـكر و الزبدة وخـــلطي بشوية بشوية ...
حتى تولي شادة روحــها ماشي شرط حتى تولي عجينة .. المهم تتماسك.
في وعــــآء آخر
حـــطي فرينة و الكاكاو و La Vanille
و الملح و خـــلطي مليح مليح.
منبعـــد خلطوا
الاثنين في وعـــآء واحـــد ... و خـــلطوهم ملـــيح مليـــح حتـــى تولي عجـــينة
.... يعنــــي ابقاو تخــــلطـــوا فيه حتى تشد روحـــها من بعد ابداو بيديكـــم
تخدموها بلى ما تعجنوها .
غير تشـــد
روحهـــآ و تولي عجينة كيما راكم شوفوا في الصورة غطوها و ديروها في الثلاجة تبرد
لمدة ســــآعة كاملة.
بعـــد ما
تبـــرد ... اجبدوها و حلوا العجينة و بالطـــآبع ديروا دوائر .
بعـــد ما
تكمــــلوا حطــــوها في الفرن لمدة 10 دقائق فقط مالازمش طيـــب بزاق حتـــى تيبس
بزاف ... يعني 10 دقائق و خرجوها تبرد.
بعـــد ما تبرد
حطوا الكريمة لي تحـــبوا ... اختي دارت La Crème Chantillié ... بالألوان كيما راكم شوافوا و حـــطي حبة على
حبة .
و بالصحـــة و
الهناء عليكم .
انشاء الله تكون
عجبــــتكم الوصفـــة و ما تنســــــوش لي جربها بعثلي Les Photo و تقولي رايها في الوصفــــة ... و لي حابين
يشواوفوا + من الوصفات روحوا الفوق وين كاين Le Bon Coins راح تلقاو الوصفات
السابقين … انشاء الله نلتقي في موضوع جديد و وصفة جديدة
... ما تنسوش تقولولي اذا يعجبكم هاذ النوع من المواضيع .
.
Commentaires
Enregistrer un commentaire
Commentaires