♥ TENDANCES N°4 ♥ : Tendance Hiver/Automne 2016/2017

ســــلام البنا انشاء الله تكونوا كامل بخــــير و على خير ... و انشاء الله تكونوا كامل مرتاحين و الحمد الله على كل حال .

علبالي تحبوا Les Articles Mode  بزاف ... و خاصة Les Tendances  .... الوغ انا اليوم جبتلكم موضوع على Les Tendances Automne/Hiver  تاع هاذ المرة ... باش تبقاو على الموضة ... و علبالكم واش كاين الجديد في العــــالم ... بصح انا بطبيعة الحال انا خيرتلكم غير لي تقدروا تلبسوهم في الجزائر ... راح نهدروا كيما العادة على الألوان ... الملابس و القماشات ... الوغ نبداو.

أولا الألوان:

الألوان لي راهم Tendances  هوما بطبيعة الحال في كل عام يكون كاين الأبيض و الأسود و الرمادي ... يعني ما يتبدلوش اذذا عندكم حوايج بهاذ الألوان غير اجبدوهم .

و هاذ العام رانا نشوفوا بزاف و تكونوا شفتوهم لابسينهم بزاف الألوان ... Le Bleu Nuit, Le Bordeaux, Le Kaki  .. Le Kaki  راه داير حالة... و ثاني Jaune Moutarde  ... و هاذوا ثاني كانوا العام الي فات .

بصح هاذ العام زادوا الأوان شوية صيفية في Les Collections  ... و هاذي حاجة جديدة ... تلقاو Jaune, Rouge, Le Rose  ... في Les Manteaux  و ثاني Les Vestes  و Les Puls  ... راهم Tendance  الوغ تجرؤوا و البسوهم ... خاصة في هاذ الفصل.

وبلى ما ننساو ... Le Camel  و مشتقاتوا حتى توصولوا ل Le Beige  ... يعني ماشي Tendance  بزاف ... بصح راني نشوفهم لابسينهم.

و بلى ما ننساو Le Métalisé  و L’argenté  ... للمناسبات و الاعراس .

ثانيا Les Robes

نبداو ب La TENDANCE   لي شفتوها بزاف بالاك في Pinterest, we heart it, lookbook  ... لي هي ما عندناش في البلاد بصح نهدر عليها ... خاطر راهي بزاف حاظرة هاذ العام ... و لي هي Les Robes  فوق Les Puls  ولى فوق Les Tricot  و هكذا .. يعني Style décontracté  ... يعني شوية ماشي شابة بزاف ... بصح فلت نهدر عليها معليش ... ثقافة عامة في الموضة

Les Robes  هاذ العام راهم ... بTendance  لي فيهم اليدين عراض ... ولى ب ال Volon  و لى فيهم اليدين عراض ... راهم بزاف بزاف Tendance  ... اجي قصيرة منبعد فيها اليدين قصار عراض ... نتخييها ملبوسة مع صباط تاع شتاء اجي Vraiment top  .

Les Robes a fleur  ... و كي نقول Fleure  نقول Des fleurs  كبار و يبانوا ... Déjà l’a fleur  راه Tendance  لهاذ الفصل .

Les Robe chemise ... وللاو بزاف بزاف هاذ العـــآم ... يعني كيف ما كان ال Modèle  تاعها ... المهم ... راهم Tendance  كاين لي يجوا طوال بزاف ... كاين لي يجوا قصار ... كاين لي يجوا عراض .

Les Robes avec les épaules Nu  ... يعني هاذي شفناهم بزاف ... و مازالوا متواجدين ... بصح ماشي كيما تاع الصيف يجوا كاين تاع الصوف ... كاين تاع الخيط ... المهم دافيين ماشي قماش بارد ... مازالت La TENDANCE  تاع الكتاف Nue  حاظر هاذ الفصل.

Les Robes pulls  كيما قتلكم الفوق ... كل Robe  مخدومة بالصوف ... راهي بزاف حاظرة هاذ العام و حاجة جديدة ... خاصة لي راهم معولين ولى عندهم الاعراس ولى مناسبات ... سابع ولى بزاف Tendance  هاذ Les Robes Pulls  ... خاصة لي فيهم Colle Roulé  ... شفتها عند La Youtubeuse Sananas  هبلتني خاصة ... مع Les Cuissard  ... بزاف Fort  و Top  .

ثالثا Les JUPES  .

كاين Les Jupes  هاذ العام بانواع و اشكال مختلفة ... القصار الطوال و ال Midi  ... بزاف هايلين كاين Les Jupes  لي يجوا Droite  على حساب  La taille  تاعك ... خاصة Les Jupes en cuire  هاذ العام بزاف راهم Tendance  ... و انا عجبوني ... يعني بزاف أنواع و اشكال ... ما نفصلش فيهم خاطر علبالي ماشي كامل Les Modèles dispo  في البلاد .. نخليلكم الصور تهدر.

رابعا Les Pantalons  :

نبداو مع Les Pantalons  شوية Décontracté  ... لي تكونوا كيف كيف شفتوا التصاور ... خاصة المشاهير لابسي منهم و لي هوما Les Pantalons Jogging  ... يعني كيما السراول تاع Les Survetement  و لي Joggings    ... مع Les Trois Bandes  من الجانب ... يعني شفت بزاف منهم ... انا نقولكم تقدروا تلبسوهم ... كايني خاصة اذا كان Simple  مع Une veste en Cuire  و Une basket Blanche  ولى ... بصح مايكونش عريض و لونوا معقول ههه راكم تعرفوا البلاد ... بصح صح شابة شوية.

Les Pantalons En cuire  ... شفت من العام الي فـــآت بصح هاذ العام راه بزاف كين منوا ... بصح للمناسبات ... للخرجة ولى القراية ما نشكش نقدر نلبسوا ... بصح راهم كايني ... للخرجة تزيديلوا Un Pull épaule Nue  ... روعة.

Les Jean Mom  ... يعني ماشي Slim  شوية عريـــض راه هاذ العام من الربيع و هو Tendance  و مازالوا .... و بصفة عامة كيما كل عام ال Jean  مازالوا Tendance  بكل انواعوا ... و نخلي الصور تعبر على روحها ... حب Slim, Mom, Boyfriend  ولى المهم ماي حاجة En Jean  راهي تواكب الموضة.

خامسا Les Hauts  :

بالنسبة Les Hauts  يعني كل حاجة مازلها هي هي ... كاين Les Pulls Large  .... كاين Les T-shirt … و كاين Les Chemisier  ... بالنسبة Les Chemisier  يعني كاين بزاف أشياء .... مثلا ل فيهم القفالي من الوراء ولى على الجانب ولة من القدام ... كاين لي عراض ... كاين لي Le Col تاعهم محلول .. و بالنسبة Les Hauts  ... كيما Les Robes  ... Les épaule nue  مازالهم و راهم بزاف باف Tendance  خاصة لي يجوا اع الصوف و خشان ... بزاف هايلين و متواجدين في الحوانت ... و بلى ما ننساو Les Hauts  لي فيهم La Broderie  

الوغ وصلنا للنهاية الموضوع ... علبالي تقولولي ياسيمنة و Les Manteau  ... ما تتقلقوش هاذ الموضوع خليتوا وحــــدوا في موضوع ... هكذا باش نمدلوا الوقت و نهدر فيه مفصلا .

انشاء الله يكون عجبكم الموضوع و ما تنسوش ... شوفوا موضوع Tendance Chaussures  ( اظغطوا عى القلوب تروحوا مباشرة ♥♥♥♥ ) ... و نعودلكم انششاء الله بموضوع جــــديد نزيدوا نهجروا فيه مطولا على Les Tendances  و هكذا ... اتهلاو في رواحكم و نحبــكم بزاف بزاف حنــــــــــوناتي ... و شكرا على 10 الاف في Ma Page  . 

ما تنـــــــسوش تابعوني في Instagram / twitter/ snapchat / pinterest  عـــلى mlle_yasmina  ... و اديــــروا جـــــآم في لاباج فايسبوك ... و تنظموا GROUPE  تاعنا ... تلقاو الرابط التحت .

.

  Le groupe :

https://www.facebook.com/groups/thebeautyandthepink/

 و اديروا ابوني في La Chaine Youtube  تاعي

Abonnez vous