ســـلام البنات انشاء الله تكونوا ملاح ... و الله توحشت نكتبلكم ... و هاذ المرة انشاء الله راح يكونوا كاينــين غير المواضيع جدد لي جامـــي شفتوهم في Les Pages لوخرين ... ربــي يقدرني ... و شكرا و الف شكر على 11 الف متابــــعة الله يحفظكم و يكبر اللّمة .
الوغ اليوم موضوعنا Mode
كيما راكم تلاحظـــوا في العنوان ... هاذ
العــآم les Cropes Top داروا حــــآلة ... و كل ما نشوفوهم نتلهفـــوا
عليهم و نحبوا نلبسوهم ... المشكل انوا ما نقدروش نلبسوهم برى في الشارع ... الوغ
انا جبتلكم عدة طرق كيفاش تقدروا تلبسوهم بطريقة محتشمة و محترمة ... انعم ايه
خممت فيكم ... الوغ جمعتلكم بعض الصور و كيف كيف Quelques Moyens باش تلبسوهم بطريقة محترمة
.
ملاحــظة :
قبل ما نروحوا للطرق ... لازم نقولكم حاجة ... هي ان هاذ الطرق لي راهي جاية ما تنفعش مع Crope top فوق السرة بزاف ... يعني شوية شوية كيم راكم شوفوا في الصورة هاذي ... هذا هو الطول يعني لي نقدروا نرقعوا فيه Look تاعنا ... يعني نقدروا نلبسوهم بلى ما نتجاوزا الحدود يعني Distraitement .. يعني هاذ الطرق تنفع مع طول معـــين ... انشاء الله تكونوا فهمتوا ... ضرك نروحوا للطرق .
الطريقة الأولى
:
مع الحفاظ على نفس الطول الي اقترحتوا في الأول ... تقدري تلبسي Un Crop top ... مع Une veste ولى Gillet يكون أطول منوا ... يعني باش تكوني لابساتوا بصح ما تبانيش بزاف ... و يمدلك Look شباب ... يعني تكون الحاجة لي راكي لابستها من الفوق طويلة عليه و تغطي و يكون عندك Un Look Parfait .
الطريقة الثانية
:
مع الحفاظ على
نفس الطول تقدري تلبسيه مع سروال Taille
Haute يعني يتسواو
في الطول هو و Le Haut تاعك
... هكذا ما تبانش كرشك ... و تقدري تزيدي الطريقة الأولى يعني تلبسيه مع Une Veste طويلة ... هكذا تقدري ت Profité من Le
Haut تاعك بطريقة مليحة.
الطريقة الثالثة
:
كيف كيف تقدري
تلبسيه مع Une Jupe taille
haute كيف كيف ... و خاصة اذا كانت Droite يجي بزاف Top ... و اذا كان Le Crop Top يعني يجي متلوق يعني شوية Large على La Jupe ... كيف كيف راح اجي هايل ... و اذا لبستيه مع Une Jupe Droite تقدري كيف كيف تلبسي معاه Une Veste ... pour complété le Look .
الطريقة الرابعة
:
هي انك تزيد لل Crope top تاعـــك حاجــة من التحت ... يعني تلبسيه فوق
حاجة طويلة ... مثلا فوق Chemisier
ولى فوق Un Haut يكون عريض ... راح يولي يبان Haut واحـــد ... مثلا كيما في الصورة بصح هاذ
الطريقة تنجح غير مع Les Crope tops المتلوقين يعني العراض ...
لي يجوا سو اسوا مع La taille هاذ
الطريقة ما تخرجش معــــآهم … و تكون هايلة اذا كان Le Crop top تاعك من الصوف ... مع Un Collier راح يكون ال Look تاعك Parfait .
وصلنا للنهاية هذا
واش قدرت نجمــعلكم طرق و حيل باش تلبسوا Les Crop Top بطريقة جمـــيلة و بدون كشف الجــسم ... راهم
دايرين حالة و راهم Tendance هاذ
العـــآم ... يعني تقدري تلبسيه مع Un
Jean Taille Haute ولى أي سروال Taille Haute مع Un Gillet ولى Veste تكون طويلة ... راح يعطــيك Un Look هايل و ما كانش لي يفيقلك ... علبالي بلي Le Charme تاعهم كي يبانوا ... بصح ساعات نطيحو امعاهم يتباعوا
و نحبوا نلبسوهم بصح ما نعرفوش كيفاش و تخلاص علينا ما نشروهم ما ولوا .
هاذ الطرق و
الحيل تطبق على أي Haut قصر
عندنا في الدار يعنــي كامل عندنا Les T-Shirts و نحبــوا نلبسوهم و ما
نعرفوش كيفاش ... الوغ جمعتلكم هاذوا و نتوما زيدوا طوروا في الافكـــآر و الحيل .
و في الاخيــر حبيت نقولكم بلي هاذوا افكــآر برك تساعدكم ... و كل وحدة تلبــس واش تحب راكم احرار ... وكل واحــد و الذوق تاعوا ... #نحبكم
اذا عجبك هاذ النوع
من Les Articles قولولي في كومنتار هنا ولى في La Page facebook ... باش المرة الجاية نزيد
نجيبلكم حوايج و نقولكم كيفاش تلبسوهم ... انشاء الله راح يكونوا بزاف منهم ... و
اذا ما عجبكمش كيف كيف قولولي باش نعــرف رايكم ... رايكم يهمنــي .
و لي عندها سؤال تطرحوا في كومنتار هنا
ولى في الصفحة و الى اهبــطي التحت تلقاي
Contactez moi ابعثيلي في ال E-mail تاعي وانشاء الله نجاوبكم كامل .
ما تنــــسوش تابعوني في Mes Reseau facebook/twitter/instagram ما علـــيك غير clique
صغير على احــد هاذ Les Icons التحــت ... و في Les Coté
كامل وين تقدروا تابعـــوني ... خاصة على الفايسبوك .
.
Commentaires
Enregistrer un commentaire
Commentaires