♥ CONSEILS MODE N°5 ♥ : واش نلبس في هاذ الحال ؟؟ للمحجبات

سلام فريزاتي انشاء الله تكونوا بخير ... و على خير و الحمد الله على كل حال .

اليوم جبتلكــم موضوع جديد ... هي في الحقيقة الموضوع تاع اليوم يما الموضوع تاع المرة لي فاتت ... بصح هاذ المرة الموضوع خاص بالمحــجبات ... خاطر بعد ما حطيت االموضوع الأول ... لحقوني بزاف Les Messages  و قالولي ديرينا واحد للمحـجبات ... الموضوع تاع المرة لي فاتت يقدروا حتى المحجبات يستعملوا النصائح خاطر هدرت بصفة عامة ... هاذد المرة كيف كيف نهدر بصفة عامة ... لكن باشتعمال صور للمحجبات هكذا باش تدوا فكــرة و أفكار .

الوغ نبداو ... انشاء الله يعجــبكم الموضوع ... الوغ هاذ الموضوع بصفة عامة أفكار على واش تقدري تلبسي في هاذ الحال لي مرة سخانة مرة برودة ... و ثاني لي راهم حابين يسروا حوايج و ما علبالهمش واش يشروا .

اول حاجة – Les Gilets  الخفاف –

يعنـــي كامل Les Gilets  و Les Veste  الخفاف كيما لي هدرت عليهم هذاك النهار في الموضوع الاخر ... خاصة هاذوك الطوال كامل ... الوغ تقدروا تلبسوهم في هاذ الحال ... فوق تريكوا ولى Chemisier  ... ولى Les Liquettes  ... يعني خفاف ... و ملاح و ثاني يمدولك اطلالة هايلة ... كاين حتى هاذوك لي يجوا بلى يدين بزاف هايلين

ثاني حاجة – Les Jupes Droite  -

تقدري تلبسيهوم مع Chemisier  ولى مع أي Haut  تحبيه ... و تزيدلهم Veste  خفيفة من الفوق .. يعنـــي خفاف و ملاح لهاذ الوقت ... بصح في رجليك ما  تلبسيش ال Sandale  يعني صح السخانة بصح مزال وقــتهم .

ثالث حاجة – Les Chemisier & les Liquette  -

رانـــي نهدر على هاذوك لي يجوا بزاف بزاف طــوال هايلين بزاف بزاف ... و خفاف و يوالموا بزاف هاذ الحـــآل ... كاين حتى Les Puls  تاع القطن ولى الصوف هاذيك الخفيفة ... ثاني ملاح بزاف في هاذ الحال ... يعني ما باردين ما سخونين ... ما يقلقوكش ... خاطر خفاف بزاف ... بلا ما تنساي بلي راهم Tendance  ... خاصة Les Chemisier a fleur  ... كيما لي كامل راهم لابسينهم .

رابع حاجة – Les Robes  -

كيما لي راهم في الصورة ... راهم Tendance  هاذ العام ... شفتهم بزاف عند La Boutique Amine  في بليدة ... جايين شوية ثقال يعني تاع هاذ الحال ... خاطر Les Robes Foulard  مازال وقتــهم  Malgré  السخانة ... حتى Les Robes  تاع القطن ... شوفوا هاوك Les Robes  يجي قماشهم شوية خشين و مليح لهاذ الحل تاع ربيع 

.

خامس حاجة – كامل Les Veste en Jean & Les Vestes Classique  -

كاين لي يجـــوا طوال ملاح للمحجــبات ... كيف كيف هذا هو وقتهم تلبسوهم مع Les Chemisier  و Les Pulls  و كامل هاذوا ... ييعني ملاح لهاذ الحال تلقايهم يردوا البرد و ما يسخنوش بزاف .

يالنسبــة للصبابط ... يقدروا تلبسوا Les Baskets  و Les Balerines  ... بصح Les Sandales  لالا مازال شوية عليهم ... خاطر هاذوك تاع الصيف .

وصــلنا للنهاية الموضوع تاع اليوم انشاء الله يكون عجبكم و فادكــم شوية ... جربت نجمعلكم كل حاجةتقدر تعاونكم في هاذ الحال ... انشاء الله يكون عجبكم .

اذا عجبكم الموضوع ما تنسوش تشاركوه مع حباباتكم ... و تابعوني في الانستغرام و السنابشات و الفايسبوك ... كل حاجة راهي هنا التح اكليكي على الايقونات هاذوا ... شكرا فريزتي نحـــبكم ... اتهلاو في رواحــكم 

.