♥ JE VOUS EN PARLE N°17 ♥ : MaliMode ? C'est Quoi ? + Surprise

ســلام فريزاتي ان شاء الله كونوا بخير ... عندي شحال ما كتبتلكمش في ال Blog  ... و اليوم جبــتلكم موضوع هايل بزاف منــكم راح يحــبوه ... الوغ ركزوا معايا مليح مليح .

اليوم جيت نهدرلكم على واحــد ال Concept  جديد هنــى في الجزائر اسمــوا MaliMode  ... تكونوا سمــعتوا بيه من قبل ... يعني تكونوا شفتوا عند Les Bloggeuses  و كامل ... الوغ بلا ما نطول عليكم راح نروح نشرحلكم كلش .

واش هوا MaliMode  و واش يديروا ؟؟

Malimode  يبيـــعوا Des Trousseaux  يعنـــي  Des Trousses    كما راكم شوفوا Les Trousse  بزاف شابين ... واش فيهم هاذ Les Trousses  ؟؟

قبل ما نقولكم واش فيهم نقولكم بلي كاين نوعين Des Trousseau Maquillage  و كاين Des Trousseau Parfums

ضرك نقولكم واش فيهم ؟

نبداو بال Trousseau Parfum  :

هاذ Les Trousseau  يعنــي هبلت عليهم صح يهــبلوا ... واش فيهم ؟

فيهم Un Parfum cartonné cellophane  واش معنتها ؟؟ معنتها Un Parfum  يعنــي كي نقول Parfum  ماشي واحــد اوبرك Un Parfum Original  يعني Premier Choix  و ماشي هدرة برك... هاذ ال Parfum  تخيروه انتم ... انتم و واش راكم حابين ... Si  ولا Chanel  ولا La Vie est belle  ولى Un Parfum  تاع N’importe quel Marque  تاع DG  ولى Guerlain  ولى تاع Gorigio Armani  أي Parfum  في هاذ العالم الواسع من Les Parfums  ههه

و فيه ثاني Parfum  واحد اخر ... هذا ما تخيروهش ... هوا يحطوه Genre Bonus  في ال Trousseau  هذا انتم و زهــركم واش يطيح فيكم ... بصح زعمى اذا عندك نوع معين ما تحبوهش تقدروا تقولولهــم ما يحطوهلكمش ... تقدروا ثاني مثلا تقولولهم راني حابة Un Parfum Pour Hommes  يعني باش تهديه لباباك ولى لخوك ولى لراجلك ولى N’importe  المهم ... هذا ما تخيروهش بصح هذا كيما الأول Original a 100%  ... برك بلا بواطة ولا Cellophane   ... هاذوا Des Parfums  تعرضوا لحوادث مساكن يعني تقطعت ولا تعوجت البواطة ولى ما يقدروش يحطوه بالبواطة تاعوا معوجة في ال Trousseau  الوغ ينحوهم من البواطة تاعهم و يحطوهم Sans Boite  شغل Un Cadeau Bonus

و فيه ثاني ... ســـآعة Copie Conforme  واش معنتها ؟ ... يعنـي Une Montre de Luxe  ... بصح هاذي ماشي Original  لا لا هاذي Une Copie Conforme  للحقيقية يعنـــي تشبع للحقيقية بزاف بزاف بزاف ... Une Copie  متقونـة و بلى Défaut  كي تلبسوها تقول La Vrai والله Vraiment  حاجة شابة بزاف بزاف ... و كاين بزاف Les Marques  مثلا Rolex  ولى Casio  ولى .. المهم كاين بزاف كيما راكم شوفوا في الصور ... و اجي معاها البواطة هايلة و De Luxe

و فيه ثاني ...Une Paire de Lunette  كيف كيف Copie Conforme   كيما شرحتلكم في الأول ... و يجوا كيف كيف ف L’étui  يعنــي حاجى تسر النظــر ... كيما شرحتلكم على الســآعة La Même chose  

باختصار ال Trousseau Parfums  واش فيه ؟ ... فيه Un Parfum Orignal  من اختياركم + Un Parfum  انتم و زهركم واش يطيح فيكم كيف كيف Original  بصح بلا بواطة + Une Copie Conforme  تاع ساعة De Luxe  من اختياركم + Une Copie Conforme  تاع نواظر Une Paire de lunette  من اختياركم كيف كيف

كاين Les Trousseau Makeup  واش فيهم ؟

كيما ال Trousseau  الأول برك في بلاصة ال Parfum  كاين Maquillage Original  كيما الأول من N’importe quel Marque De Maquillage   ... Normalement  كاين كامل Les Marques  كيما ... Maybeline, Kiko, YSL, Chanel  ولى أي حاجة N’importe quel Marque  راكم حابينها ...كاين حتى M.A.C  ...  راني نقولكم Original  و انتم و واش تخيروا .

و كاين كيف كيف Le Parfum  ال Bonus  لي ما تخيروهش ... و الساعة و النواظر كيما الأول ... يختلفوا برك في عوض ال Parfum Original  لي في البواطة كاين Maquillage de grande Marque Original  .

باختصار ال Trousseau Maquillage   فيه : Des Produits Maqullage Original  تاع Des Grandes Marques  + Un Parfum  ما تخيروهش Sans Boite  يعني Bonus  + Copie Conforme  تاع ساعة De Luxe  + Copie Conforme  تاع نواظر كيف كيف De Luxe  

و كيما قتـــلكم تقدروا تخيروا N’importe quel Marque  بالنسبة لل Parfum  ولى ال Maquillage  ولى ال Les Montres  ولى ال Les Paires De Lunettes  

ضـرك نهدروا في المفيــد لي هو السعــر و الخلاص كيفاش و كيفاش تشريوا ؟

أولا السعــر : باش نكونوا متافقين ... بلي كي تروحوا تشروا Parfum  + الساعة + النواظر + ال Parfum  الي بلى بواطة كي تشروا كل واحد وحدوا برى في كاش حانوت كامل هذا يطلعلكم واحد ال اكثر من 3 ملاين ؟ ... يعني هذا شيء مفروغ منوا

بصح السعــر تاعهم ما يفوتش 28000 يعني 2 ملاين و 8000 دج ... شوفوا لوكان تدوا Parfums  تاع 3 ملاين في ال Trousseau  بلى ما نحسبوا الساعة والنواظر السعر يبقى ما يفوتش 28000 دج يعنــي خيروا و اختاروا ال Parfum  لي حبيتوه و لي راكم حابينوا ... و كونوا متاكدين بلي السعر مراحش يفوت ال 28000 دج

نقول و نعاود و ما نزيدش نعاود هههه ... تدوا واش تدوا في ال Trousseau  تاعكم يا لوكان Parfum  تاع 3 ملاين السعر مراحش يفوت ال 28000 دج هاذي كونوا متاكدين

نفس الشيء بالنسبة لل Trousseau Maquillage كامل ما تخموش ... السعر ما يفوتش 28000 دج .

ضرك نهدروا كفاش تخلصــوا ؟؟ 

قبل لازم نفهمكم حاجة ... بلي كاين بزاف Les Vendeuse MaliMode  كيما Oriflame  راكم شايفين كفاش ؟ كاين بزاف منهم تقريبا في كل ولاية كاين Une Vendeuse MaliMode  ... و كامل يبيعوا بنفس الطريقة ... و لي يحبوا اليد في اليد ... روحوا لل La Barre de recherche facebook  ولى Instagram  ... و حوسوا مثلا Malimode Blida  ولى Malimode Mostaganem  ولى Malimode Tizi ouzo  و هي رايحة ... و ماشي شرط تشريو من La Page  تاع الولاية تاعكم يعني La Vendeuse  لي هناك خاطرك فيها اشري من عندها ههه هاذي هي ... بصح لي يحبوا Main a Main  يروحوا لل Les Vendeuses  من ولايتهم . 

بالنسبة للخلاص كفاش تخلصوا ؟ ... تمدلكم ال Ccp  و تروحوا تخلصوا في La Poste  عادي ... كيما كامل  و كيما موالفين ... و لي عمرها ما شرات En Ligne  نقولك ادخلي هنا في هاذ القلوب تلقاي Un Article  و اهبطي التحت كامل تلقاي كيفاش تعمري الورقة في ال Posta  ... لوكان نشرحلكم هنا نخرجوا على الموضوع و يطوال .

بالنسبة للتوصيل يعني La Livraison  كفاش ؟

عرفوا EMS  ؟؟ كاين Un Service  خير منوا اسموا Ups  ... واش معنتها ؟

تخلصي من على 24ساعة يكون ال Trousseau  عندك في الدار ... ايه يلحقوهولك حتى للدار ... يعني ما تكسريش كامل راصك ... تخلصي من 24 سا يوصلك للدار انشاء الله حتى اذا طول ما يفوتش 48سا ... و يكون عندك حتى باب الدار .

و اذا حبيتي التوصيل من يدك ل يد La Vendeuse  ... تخلصي كي تمدلك ال Trousseau  يعني شد مد يا احمد ههه

هاذي هي Normalement  راني قتلكم كلش ... و هدرتلكم على كلش ... و بالنسبة للمفاجاة ؟ ... راح نقولكم انتـــظروني الأسبوع المقبل في Un Concours  لي راح يكون Sponsorisé  من عند MaliMode  ... وين راح تدوا ساعة و Une Paire de Lunette  من عند MliMode  ان شاء الله علبالي راني حالفة ما ديرش Concours  بصح حبيت نفرحكم الوفيات و الحبوبات تاعي ... و ماشي Concours  واحــد برك ... الباقي نخليهالكم مفاجاة .

و ثـــآني ... حبيت نقولكم خبر ... بلي وليت وحدة من L’équipe MaliMode  و حليت صفحــة خاصة Malimode Tipaza  ... يعني اشهدوا ههه انا اول Vendeuse  في ولاية تيبازة و الوحيدة ... كي يزيدوا واحد اخرين نقولكم .

الوغ وصلنا للنهاية الموضوع و ما تنساوش اضربوا طلة على La Page  جديدة تاعي هنــآ و ثاني ال Compte Instagram  كيف كيف الخاص ... malimodetipaza  ما تنسوش نحبكم En Force  قبل ال Concours  ان شاء الله .

و ما نخافوش ماني شرايحة نسمح فيكم و نقولكم بلي La Collections  جديدة راح تكون في Aout  ان شاء الله .

الوغب هاذا نكونوا وصلنا للنهاية الموضوع ... انشاء الله تكونوا فهمتوا كلش ... و لي ما فهموش ما تنسوش تطرحوا عليا الأسئلة كامل واش راكم حابين تزيدوا تعرفوا على MaliMode  و انا راح نجاوبكم كامل كامل .

و كي توصلني  Ma Commande  و نديرلكم Revu  و نزيد نمدلكم تفاصيل اكثر فاكثر انشاء الله ... ما تنسوش تابعوني في كامل Mes Reseau  و تنظموا La Team Fraises  

نحــــــــــــــــبكم كامل فريزاتي 

<

.