♥ HAUL N°1 ♥ : Haul Rentré Mes Affaires Pour La Fac !! + conseils

ســـلام البنات ... سلام فريزاتي ... ان شاء الله تكونوا بخير و على خير ... توحشت نكتبلكم هنا في ال Blog  .. علبالي كاين بزاف لي يتبعوا واش نكتــب و ما عندهمش Facebook نقولكم ســـلام ليكم ثانـــي .

اليـــوم جيتكم ب Article  ان شاء الله يفـــيدكم .... شوية Retard  بصح ماعليش ههه ... اليوم راح يكون Un Haul  صغــير على Les Affaires  لي شريتهــم Pour la rentré universitaire  ... ( هي في الحقيقة الدخلة فاتت ... هههه بصح انا بطبيعة الحال نستنى حتى يبداو Les TD  باش نروح ... ما ديروش كما انا ههه انا مشاغبة .. ) ... الوغ خرجت اليوم شريت شوية دوزان قلت نديرلكم Articles  نوريلكم واش شريت ... و ثاني نقولكم واش ندير بيهم ؟ ... فاش نكتب ؟؟ ... و كفاش ندير ... الخ ... راح نقولكم كلش على هاذ الحاجات ... الوغ ابقاو و كملوا اقراو ... ( ماشي غير للجامعيات ... قادر يفيدكم كامل هاذ L’article  )

الوغ شريت ... هاذ ال Registre  ... في الحقيــقة كل عام نشري واحــجد هكذا ... من لي دخلت للجامعة ... و انا نشري نفس ال Registre  يعني من هاذ ال Genre  ... ولى Indispensable  في دوزاني .

علاش ؟؟ خاطر كبير فيه 250 صفحــة ... و ثانـــي مقسوم ... يعني نلايم فيه كامل Les Modules  بلى ما نعيا ههه ... مقــسوم على 5 ... نستـــعملوا غير Les TD  ... تسمى نرفدوا غير هو ... ما عندي حتى Cahier  واحد اخر بغيروا ... و كاين لي مقسوم على 3 جاي من صغــير نخمم نشري واحد نكتب فيه Les Cours  ... كرهت Les Photo copies  ههه ( ايه عندي Registre  غير لل TD  برك )

هاذي راني قتلكم كفاش نستعلوا ... بالنسبــة ليكم تقدروا تستعملوه لواش تحبــو Les Cours   ولى Les TD  ... حتى صحاب ال bac  في هذاك العام انا كان عندي واحد نلايم فيه Les cours  ( دروس خصوصية ) و ثاني نلايم فيهم كامل القواعد لي ممكن نحتاجهم ... في كراس واحــد باش ما نبقاش نحوس... بزاف بزاف Pratique  هاذ ال Registre  انا وليت ما نستغناش عليه ... خاطر يساعدني بزاف.

دائــما انحيلوا هاذوك الورق ... و نخليه هكذاك ... باش يولي شبــآب ههه و نقدر نقلبوا العربية و ال Français  

كما وريتلكم في La Photo   نقسم الورقة على زوج ... و نكتــب فيه ... هكذا باش يكفيني عــآم كامل ههه ايه و الله يكفيني عام كامل ... و يفيض ... يعني هاذ طريقة تقدروا تستعملوها مع كامل Les Registres  .

كما قتــلكم اذا ما لقيتوش كما هــذا ... تقدروا اجيبوا N’importe quel Registre  و تقــسموه ... و تكتبوا فيه ... بصح شوفوا Registre  تاع Ressort و ثاني شوفوا واحد يكون خفـــيف... و اقسموه ... و اقسموا الورقة... هكذا باش ما تكسروش راصكم بزاف و ما تكتروش الكراريس على روحكم باطل... و يكفيكم عام كامل.

و شريــت ثاني Les Markeur  ولى Les Souligneure  ... هاذوا ثانــي بزاف بزاف تسحــقوهم ... خاصة لي يحبوا التنظيــم كما انا ...في الجامعة...ما عندكش الوقت تزوقــي بزاف... خاصة في Les Cours  ... يعني تكتبي ب Stylos  واحــد... ما عندكش وقت تبدلي Stylos  ههه .

واش ندير بيهم ؟ ... نكتب ب لون واحد ساعات الأزرق ولى الأسود ولى الاثنين كيف كيف... و هذا ماشي باين مليح يعني ... واش ندير ؟ كي نكمل نكتب... حنى دائما عندنا عنوان في عنوان ههه ... كل لون نخصصلوا حاجة... و نبقى على نفس ال Rythme  يعني كما راهي في La Photo  ... ال Orange  للعناوين الرئيسية... الأصفر للعناوين الثانوية... ال Rose  للعناوين الفرعية لي يجوا في العناوين ثانوية...و نبــقى دائما هكذا... تسمى كي نحل ال Cahier  علبالي كي نشوف اللون علبالي واش هو بلى ما نكسر راصي بزاف.

و بالنســبة لل Les Modules  لي فيهم تمارين و حسابات ... عندي ثاني  Rythme  ... ال Rose  نلون بيه رقم تمرين و رقم السلسلة... ال Orange  نلون بيه القواعد لي داخل التمرين و الملاحظات... و الأصفر نستعـــملوا نلون بيه ال نتيجة ... و هكذا دائما على نفس الحالة باش ما نتودرش.

هاذي الطريقة راح تساعــدك بزاف ... أولا باش تربحي الوقت ما تتودريش و انت تحوسي على عنوان ولى قاعدة ولى ... و ثاني يساعدك في المراجعــة من بعد... و بلى ما ننساو هاذ الألوان يلسقوا في الذاكرة يعني تشفاي عليهم... و تقدروا تستعملوا الألوان أخرى لحاجات واحد اخرين.

انا ننصــحكم تشروا هاذوا و ما تشروش Les Stylos  تاع الألوان خاطر هاذوا افضــل في راي ... و ذا صبتوا La Marque  تاع Stabilo Boss  اشروهم خاطر يشدوا مدة أطول من واش تتصوروا ... انا حتى هاذ العام باش نشفولي ... و شريتهم عام الباك ( ههه صعيب تامنوا بصح و الله من لي كنت نراجع للباك و انا نستعملهم حتى هاذ العام باش نشفولي ) .... انا حوست عليهم و ما صبتش الوغ شريت Shneider  نجربهم و نشوف ان شاء الله ما ينشفوش بلخف.

زدت شريت هاذ العـــآم Les Sticky Note و هاذ ال Marque Page  ... يعني انا ننسى بلخف ... بلخف بلخف ننسى هه الوغ قلت نديهم معايا في La Trousse  و كي تكون حاجة مهمة نكتب و نلسقهم برى ولى الداخل باش ما ننساش ... و Les Marque Page  قلت نشري كراس تاع 288 ص لل Les Cours  و نقسموا و نستعملــهم باش نلقى كل Module  ... و ثاني تقدروا تستعملوهم في الكتابات باش ما توددرلكمش صفحــة... يعني انا اول مرة نشريهم... استناوني مالا في DIY BACK TO SCHOOL  باش نوريلكم عدة استعمالات لهاذ الأشياء.

و مـــزالني ندي معايا المقــلمة ههه انعــم و راني معولة نشري وحدة ب Les Motifs  تاع بنات ههه ... اذا انت جديدة نقولك ادي معاك La trousse  اذا تحــبي مكانش لي يضحــك عليك انا ما نقدرش نسغنى عليها ... ما نحسش روحي مليح بلى مقلمة .

هاذي هي فريزاتي موضوع خفيف في شوية نصــآئح... الوغ نعاود نجمعــلكم كامل واش قلت بسرعة.

اشروا Registre  كبيير ولى Classeur  اجمعـــوا فيه كامل Les Modules  ... كما انا شريت هذاك ال Registre  غير Les TD  ... و Les Cours  نشري Cahier  وحدوا ... هاذي هي ... باش ما نثقلش روحي و صاكي ... و ثاني باش ما نتودرش ... و انا نحوس على Modules

استــخدموا Les Markeur  بالألوان ... افضل من Les Stylos  بالألوان ... خاطر ينفعــوكم اكثر باش تلونوا العنواين و كل حاجة تبانـــلكم مهمـــة.

و هـــآذي هي فريزاتي ما تحتاجوش بزاف بزاف دوزان للجــآمعة.... شوية شوية و انتم فريتوها ... أصلا ضرك تحصلوا غير ب Les Photocpies  

و وصــلنا لنهاية ال Article  ان شاء الله يكون فادكــم يا لوكان شويــة ... الوغ فريزاتي نتلقاو في موضوع اخر و ان شاء الله  نديرلكم Un DIy  خاص ... الوغ نتلقاو في صفحــتي على Facebook  و على Instagram  ... ما تنسوش تبعوني فيهم ... في Snapchat  ثاني  ما عليكم غير UN Clique  هنـــآ التحت ... نحــبكم فريزاتي... و ما تنســـوش Taboniiiw في ال Blog ... حابة نوصـــلوا 100 ممكن ؟؟ ممكن علبالي نقــدرولها ان شاء الله. 

.