♥ DIY MODE N°1 ♥ : Pearl Jeans

ســـلام الفريزات... ان شاء الله تكونوا كامل بخير و على خيـــر... ههه افرحوا و زغــرتوا... اول DIY  في ال Blog  راح نـــدبروا الحمد الله هــدانــي ربي.... الــــوغ شوفوا هاذ ال DIY  مافـــهش حاجة كبــــيرة ساهل ماهـــل.... الوغ تبعوا مليح ملـــــيح واش كتبتلكم... ما تنسوش Abonné  في ال Blog 



و اليـــوم راح نخــدموا Pearl Jeans الـــي راه بزاف Tendance  خرج في La Fin تاع الصـــيف و مزال منتــشر حتى ضرك يعنــي في الخريف... تقدروا تلــبسوه مع كل حاجة ماشي لازم تكون Classe بزاف... تقدروا تلبســوه معا كلش  TSHIRT ولى chemisier ولى 

واش تحتاجوا ؟؟

تحـــتاجوا Pistolet  ... ولى La colle  عادية... بصح ما تشدلكمش ملــيح ... المهم ضرك تعرفوا علاش نســتعملوا La Colle  

و تحتاجوا ابرة و خيط... و ثاني العقــآش Les PERLES  ما صورتهمش خاطر استعملتههم كامل ... كاين بزاف احجام تاع Les Perles  كان صغار و كبار و متوسطين انتم شوفوا لي يخرج عليكم... كاين بزاف الوان كيف كيف تقدروا تخلطــوا... ب Doré  ولى Noire  ولى Argent  .... كي نكمــلوا حطلكم شوية Les Modéls  ادوا فــكرة .

و ال Jean هذا شريـــتوا عندوا شحـــال من عند Amine في بليـــدة ( كامل تعرفوه ) ... عندوا واحد العامين و مزال على حالوا *---* 

 

كفـــآش تخدموا ؟؟

شوفوا انا نمــدلكم نصــيحة خاطر باينة كفاش تلسقوا Les Perles  ... خيـــطوهم... يالوكان شوية خاطر لوكان تلسقوهم ب Pistolet  برك يتقلــعوا... اديروا رجل على رجل يطــيروا ما يشدوش مليـــح مليح.

انا واش درت ؟

با اجيني االخدمة ساهلة... لسقتهم بال Pistolet  كامل وين رانـــي حابة... منبعد ك نشفت السقة... زدت حكمتهم شوية شوية بالخــيط... باش راني Sur  ما يتنحاوليـــش

المهم كي تلسقوهم جربوا ما تلسقوهمش من جيهة الثقابـــي...

بالاكوا تلسقوا بال Super Glue  خاطر تحرق القمـــآش... ههه بالاكوا راني وصيتكم...

يعنـــي رشيهم وين جات تقدروا اديروا في رجل وحدة .... تحبوا اديروا غير في الركبــــة كيما تحـــبوا...

ضرك نخيللكم شوية Les Models  جبتــهم من ال Pinterest  .

شفـــــــتوا ساهلة ماهـــلة.... جيبي Jean  كرهتي منوا و عاوديه ... تقــدري اديري بزاف حاجات وحدك *----*... و ماش حاجة واعـــرة... تقدروا تكونوا مع La Mode  بابســط الوسائل ههه ... و تقدروا تستعملوا بزاف الوان مثلا  ال Noire  ولى Claire  ولى المهم السروال الي حبــيتوا لسقوا فيــه... هاذ ال Noire  خدمـــآتوا اختـــي ههه صراحــة هي بدات خدمت سروالها من بعد انا تبعتها ههه ايه هاذ المرة هي سبقتنـــي. 

Inspirations 

شوية Les Modéles ... زيدوا حـــوسوا تلقاو في ال Youtube  في ال Pinterest ... we Heart it ... الخ و حتــي في ال Instagram ... اكـــتبوا Pearl Jeans 

الــوغ DIY   اليوم هذا واش فيــــه خاطر حاجة ساهلة و باينـــة .... الوغ اذا يعــــجبوكم حاجات هكــذا diy  ولى Customisations  قولولـــي باش نكــــثرلكم منهــــم *---*... ايه ما تنســـوش تشراكوا مع صحباتـــكم.

اتهـــــــــــلاو في رواحــكم و ما تنسوش ... تابعـــوني في ال Facebook, snapchat  و في ال Instagram  ( رانا قريب نوصلوا 3 الاف *---* ) ... و ما تنسوش Abonné  في ال Blog  .... نحـــــــــــبكم فريــــــــــزاتــــي 

.