♥ JE VOUS EN PARLE N°22 ♥ : A Dieu Cheveux Secs 2 I Lissage Andrea dotti FORT

الوغ عندي تقريبا 3 اشهر درت défrisage من la marque ANDREA DOTTI ... كنت هدرت عليه من قبل علبالي بزاف قروه و بزاف كتشفوا ال compte تاعي من l'article هذاك...  ( 

اهم حاجة نقولهالكم قبل ما نبداو... هي راني راح نهدرلكم على la marque andrea dotti الاخرين ما جربتش... مارانيش نهدر على défrisage بصفة عامة راني نهدر بصقة خاصة على هاذ la marque ... باش ماشي جربوا آخرين و اجوا تقولولي هههه 😂😘💕.

الوغ يجي فيه une crème défrisante لي هو  ال produit تاع défrisage ... و يجي فيه deux sachet تاع lait nourrissant الكريم المغذي...

السعر تاعوا 330 للبواطة ( زادولوا العام لي فات شريتوا 240 ولا 260دج 😱 )... ثلاثة وثلاثين الف ماشي ثلث مئة الف 💖... و شريت deux boîtes خاطر وحدة ما تكفيش اطلاقا.


الرائحة  ؟ تاعو قوية ؟؟

بالنسبة لاول حاجة تخموا فيها اذا تعرفوا ال défrisage راح تسقسوا على الرائحة...  وانا بحكم جربت بزاف les marques ... راح نقولكم بلي هذا ما فيه حتى ريحة كيما لي تعرفوها...  صح فيه ريحة بصح ماشي قوية كيما تاع بكري...  هذا défrisage ب une nouvelle formule يعني تركيبة جديدة....  كي ديريه ما تبقاش ريحة في شعرك اطلاقا...  تاع بكري كان كامل يشموا شعرك...  تاع ضرك لالا واحد ما يفيق بيك ريحة ما تبقاش الوغ كونك مهنية 💕💕... حتى la texture تاعوا ماشي كيما تاع بكري... و حتى ال résultat تاعوا résultats بزاف طبيعي ما يبانش بلي درتي حاجة ف شعرك...  تاع بكري كانت نتيجة صح شابة بصح نتيجة شوية تبان ماشي naturelle ... يعني ييان هكذا شعرك مبلاطي و شوية مزيت و واقف ( لي يعرفوا علابلهم واش راني نقول مليح 😂 )... بصح هذا لالا... يبان شعرك خفيف و شباب تقدري كي يسقسوك واش درتي في شعرك؟ تقولي درت kératine 😎😂... ( كي تكوني ب brushing 😂 )

وثاني هاذ الكريم المغذية تساعد و تنحي الريحة كامل

هذا tube فيه la crème défrisante ... يعني ال produits ... يجي tube صغير...  وما يكفيكمش واحد برك لازم زوج و إذا شعرك طويل بزاف اشري حتى 3 boîtes ... على حساب شعرك...  خاطر لازم يطلس مليح في شعركم باش يخدم فيه مليح...  عينك ميزانك 💕

 

كيما قلت هاذ الكريم المغذية... فيها ريحة تهبل... وتساعدك على غسل شعرك من produit و ثاني تغذي شعرك و تنقص الأضرار كامل لي صراو في شعرك...  تخلي شعرك خفيف... ريحتها هايلة بزاف...  يعني استعمالها ضروري

قبل ما نروحوا لطريقة الاستخدام...  راح نمدلكم كامل المعلومات لي تحتاجوها قبل الوغ تابعوني للاخير... كب معلومة و تفصيل ضروري ليكم... 💕

الوغ...  نقولكم على نوع شعري قبل ما نروحوا لحاجات اخرين.

شعري جاف و متضرر sec et abîmé ... و ثاني جاي شوية bouclé و مكركد بزاف ف la racine ... يعني يهبلني في ال brushing و كامل...  ملخر انا كشرودة 😂 ... و شعري نكرهوا مذابيا يبقا هابط.. و ثاني عامر volumineux بزاف...  تسما يهبلني.

بعد les défrisages و كامل ما ولاش يهبلني وماولاش كيما كان تهنيت منوا يعني ولا خفيف و كامل نقدر نبقى بلا brushing ... بصح دائما كي يبدى l'effet يروح يولي يهبلني من قدام و ف la racine... بصح من تحت بزاف عادي هابط و lisse و كلش.

يعني جاف بزاف من فوق...  و نورمال و مسبسب من تحت...  هردة 😒... علا هذيك نحب نقتوا بال défrisage... ما نحبش نعيا معاه... هذا هو نوع شعري.

راح تسقسوني انا شعري ماشي كيما انت نقدر نديروا؟ جواب au suivant ههه 😂

علابالي اغلب الاسئلة لي راح تهبلوني بيهم  هي انا شعري ماشي كيما انت نقدر ندير؟ ( كل وحدة راح توصفلي 😂 شعرها...)  قبل كل شيء انا ماشي حفافة بصح عندي خبرة صغيرة... لي عندها شعرها كيفي ديريه راح يموت شعرك... ولي ما شي كيما انا.

تبعي نقولك... ال lissage هذا فيه 3 انواع.... Bleu rose و هاذ ال orange...  ال bleu faible و ال rose moyen... و ال orange fort ... يعني فهمتوا شوية كل واحد و القوة تاعوا...  بالنسبة للاخرين ما جربتهمش كامل... بصح ال faible ما يدير والوا خاطر ضعيف بزاف...  بصح ال moyen شوية و ال fort تقدروا كامل اديروه...  بصح ما تخلوهش يطول بزاف.

شرح مفصل...  تبعوني مليح.

اذا شعرك خفيف و ماشي عامر و مافيهش الاضرار و كامل ما ديريش من الاحسن... واذا حبيتي ديري ديري ال bleu

و اذا شعرك عادي ديري ال moyen..

و اذا شعرك كيما شعري ديري ال orange خاطر لي فاتوا ما ينفعوكش...  و اذا خفتي منوا و حبيتي جربي ديري ال bleu ولا rose بصح نتيجة معلباليش.

و اذا شعرك غير علا شعري و ما عندك حاجة... ديري orange و ما تخليهش بزاف...  يعني تلقاو في la notice المدة المتوسطة لس تخلوها.

و ثاني قبل ما ديري سقسي الحفافة confiance لي تعرفيها ( حتى و اذا راح ديريه وحدك سقسيها قبل)  هي تقولك خاطر هس موالفة بالشعور و علابالها 😂 ...

انا ختي شعرها bouclé و ماشي ناشف شعرها رطب و شعرتوا رقيقة بزاف... و bouclé بصح ولا يتنفخلها و كرهت منوا...  دارت منوا ... خرج عليها النتيجة كانت  super ولا ما يقلقهاش كامل تهنات منوا... ما خلاتهولهاش الحفافة يطول دارتلها ال fort ... خلاتهولها شوي و نحاتوا...  النتيجة كانت super شعرها هبط كامل.

الوغ اذا شعرك ماشي كيما شعري انا ولا اختي... سقسي بزاف حتى تتهناي و ديريه خاطر انا صح جربت بصح في الاخير انا ماشي حفافة ههه ما نقدرش نقولكم.. ولي عندها تجربة تشاركنا بها 💕

بالنسبة للنتيجة لازم نتفاهموا علا حاجة... بلي ماشي نتيجة لي تخلي شعرك كي ينشف يولي يبان درتيلو brushing ... راح يولي شعرك خفيف وشباب و la racine ميتة مشمخ ولا ناشف بال Brushing ولا بلاش...  بصح راح تحتاجي brushing اذا موالفة بيه...  بصح ال brushing راح يجيك ساهل ساهل بزاف على موالف وحتى كي ديريلوا lisseur راح يموت شعرك يولي خفيف... النتيجة هايلة راح تتهناي 
وخلاص 💕  

و شعرك يولي شباب بدون اثار جانبية كبيرة... شعري ماراهش يطيح... مكانش القشرة ثاني... انا اصلا عندي شوية القشرة و شعري يطيح و مزادليش.

شعرك يولي يزيت بلخف هذا شيء طبيعي و هذي اشارة مليحة...  معناها شعرك مراهش ناشف كما كان... و شعرك راه تسڨم... خاطر شعر طبيعيا يزيت... لكن كي يكون ناشف يطول باش يزيت و اذا ولا يزيت بلخف موراها معناه نتيجة نفعاتوا 💕   

شعري يحول لونو بعد الاسعمال ؟

ال défrisage تاع بكري كان tellement fort على الشعر كان شعرك لونوا يحول ينقص بدرجة...  ( كاين لي صفارلهم)  .... و كان يدير حتى les fourches شوية... بصح تاع ضرك ناقص من produit chimique ... شعرك مراحش يحول والوا...  لون يبقى طبيعي... تاع بكري كان شعري يهبط لونوا شوية... بصح هاذا ما حوليش لون شعري مزال هو هو.

بصح اذا كنتي دايرة صبيغة... Capable تهبط الصبيغة... شوية راح تحسي شوية فرق... اذا لون شعرك طبيعي ما يحولكش

الوغ احتياطات الاستعمال...

صح انا درتوا قبل الصيف...  ومرحش للبحر حتى شهر ولا شهر و نص منبعد...  وكي نعوم نعوم ب burkini شعري محمي من شمس.

اذا راكي تقراي في هاذا في الصيف و مزال تبحري... اذا راح تروحي للبحر نقولك خلي حتى جوز صيف و تكملي البحر و ديريه خاطر البحر و ال défrisage ولا اي lissage راح ديريه كيراتين ولا...

خاطر هاذ نوع من les produits يكونوا fort على الشعر...  و البحر عدوا الشعر... شمس + الملح شعرك يولي كارثة... الوغ ينحرقلك... الوغ صبري يجوز الصيف و ديريه. وإذا دريتيه طفرت... عمريه بالزيوت و عومي... واذا مزال ما ننصحكش ديري ضرك... خاطر راح ينحرقلك... يعني اي نوع من lissage لي راح اديريه اصبري يجوز صيف و ديريه خاطر راح تاذي شعرك بيديك... واذا ما تروحيش البحر نورمال ههه...  بصح اذا تبحري بزاف خلي يخللص صيف و ديري

وقد اعذر من انذر 💕💕

انا بعد شهر ونص منلي درتو رحت للبحر وعمت عادي شعري ما صرالو والوا... بصح شعري مغطي بالبوني تاع ال Burkini يعن محال يتعرض للشمس... و كي نخرج نغطي شعري مليح من شمس و ما نقعدش فيها باش شعري ما يتعرضش للشمس و ما ينحرقش... الوع اذا درتيه ننصحك انو اذا كنت ماشي محجبة... ديري زيوت ولا les serums لي موالفة ديريهم في شعرك عمريه و روحي... و اذا نتي محجبة ولا لالا غير تخرجي من البحر غطي شعرك مليح و ما تعرضيهش لشمس كامل هكذا باش sur ما يصرالو والو...

بالنسبة لي دايرين اي نوع من coloration في شعرهم...  حب صبيغة عادي ولا les mèches ولا...  اصبري يجوز اكثر من شهر و ديري في شعرك للاحتياط برك...

خاصة لي دايرين les mèche اصبري بزاف واحد 3 شهر ولا وديري... خاطر هذا défrisage ماشي kératine و ممكن ياذي شعرك مع les mèches ... و علبالكم بلي هوما اصلا يكسروا الشعر و يفسدوه...  تسمى اصبروا افضل 💕 الحماية و الاحتياط ههه

و اذا درتي صبيغة عادي اصبري شهر ولا شهر و نص و ديري عادي... باش تخلي شعرك يريح هذا مكان 💖💕

اذا ما عندكش بزاف من لي درتي défrisage ولا kératine ولا lissage brésilien ولا ... هي المدة لي يشد فيها اي نوع من lissage هي 6اشهر كما علبابكم... و كي تحبي تعاودي باش t renforcer يعني تقوي و يولي فعال اكثر تقدري تعاودي بعد 3-4 اشهر كحد ادنى... يعني اصبري من 3-4اشهر و عاودي ولا ديري جديد...  خاطر كي توصلي 6اشهر يكون l'effet تاعوا خلاص... يعني راح تعاودي من صفر.

الوغ عندك حرية الاختيار بين تعاوديه قبل ما تخلاص l'effet ولا كي يخلاص... المهم اصبري يجوزوا اكثر 
من 3 اشهر 💕💕

انا العام لي فات قبل ما ندير هاذ la marque لاول مرة...  كنت درت kératine قبل...  صبرت جاز اكثر من عام باش عاودت درت هذا...  باش كان شعري ريح مليح وراح كامل l'effet تاعها... خاطر résultat ما عجبنيش تاع كيراتين الوغ سنيت حتى خلاص كامل المفعول و عاودتها...


درتيه عند الحفافة ولا  وحدك ؟

انا درتوا عند الحفافة هي دارتهولي... مكانش لي يديرلي في الدار... وحتى اذا حبيتي اديريه في الدار ما تقدريش ديريه وحدك لازم شوفي وحدة ديرلك ههه و يكون عندها شوية الفورصة باش تبلاطيهولك مليح 😂 خاطر وحدك ما تقدريش اديريه مليح مليح.

يعني ما نقدرش نقولك اذا نتيجة كيف كيف... اذا عندك وحدة في دار موالفة طلسلكم ههه اتكلي عليها و وفري دراهمك.

و اذا شفتي حفافة شوفي وحدة cconfiance موالفة بيها و تروحيلها و شفتي خدمتها 🙏 ولا ما يشقاش...

انا خدمتلي الحفافة 1000  دج و ال produit انا شريتوا وحدي و ديتهولها...  من الاحسن ديري هكذا حتى و اذا عندها اشري انت la marque لي تحبيها و اديهالها... من الافضل و هكذا باش ما تستغلكش و تخدملك ب ال produit لي تحبيه انت ... كاين حفافات يشوطوك...  وهذا défrisage ماشي kératine باش تخدملك غالي  بزاف بزاف 💕

لازم يكون شعرك موسخ يعني مزيت... لازم تخليه حتى يزيت ضرك كل وحدة و المدة لي يزيت فيها شعرها... انا خليوا واحد 8 ايام ( بزاف علبالي 😂 بصح صبرت باش تكون نتيجة مليحة)  لازم يكون شعرك موسخ... خاطر زيوت هاذوك يحموه و يخدم مليح ال produit ... يعني حتى الصبيغة ولا... لازم يكون شعر موسخ باش يطلع ال produit مليح 💕 هاذي نقطة الأولى.

ثاني شيء...  كيما قلت في بداية tube واحد ما يكفيكش... انا شعري قصير و شريت deux boîtes زيادة خير من نقصان...  اذا شعرك ذويل بزاف اشري حتى 3 boîtes باش يكفيك بزيادة

علبالي بلي كل وحدة راح اجي توصفلي شعرها و تقولي مشكلتوا و اذا تقدر اديروا...  الوغ لازم نقولكم بلي انا ماشي حفافة و ماشي professionnel ... يعني ما نقدرش كل وحد عندها شعرها خلاف على شعري اذا تقدر اديروا ولى لالا...  ما نقدرش ننصحك بحاجة ما نعرفهاش...  بصح لي شعرها ناشف و منفخ و حرش ولا حاية تتهنى منوا نقولك ديريه هايل و راح شعرك يتسبسب و تتهناي منوا...  بصح الاخرين ما نقدرش نقولكم خاطر هذا défrisage ماشي kératine الي كل وحدة تقدر اديرها و تكون مهنية من النتيجة... يعني هذا ينحي les ferise لي شعرهم frisé ... يعني قبل ما تتخذي اي خطوة شوفي حفافة تكون confiance و تعرف تخدم و موالفة تخدم هي تنصحك خير مني و من اي وحدة...  هي تقولك و تنصحك...  بصح سقسي على هذا خاطر كما قلت الاخرين ما علباليش ما جربتهمش بصح هاذ la marque انا ضامنتها. 

بصح كيما قلت  من قبل فيه les puissances ... اذا حبيتي جربي جربي الضعيف ولا العادي... هي  الضعيف نتيجة تاعوا ضعيفة بزاف بصح العادي مليح و ما تخليهش بزاف...  هاذا اذا شعرك ماشي كيما شعري... بصح لي شعرها كيما انا روحي لل orange مباشرة بلا ما تخممي.

ولي ما عندها حاجة هههه و ما تخافش ديري orange بصح ما تخليهش بزاف...  شوية و نحيه... من بعد نشرحلكم

راني نقول و نعاود اذا شعرك خلاف على شعري...  ما نقدر نقولك والوا... سقسي قبل ما طلسي في شعرك... ولا اشري الضعيف ولا العادي و ديريه 💕 خاطر هذا défrisage ماشي kératine 😘

طريقة الاستعمال

- كما قلتلكم خلي شعرك يتزيت مليح ( يتوسخ ) لازم يكون عندك minimum واحد 3 jours منلي غسلتيه...  انا خليتوا سمانة.

- سلكي شعرك مليح سرحيه مليح باش ما يغلبكش.

- فرغي les tubes  في un bol زجاج ولا بلاستيك ماديريش في تاع حديد...  اعصريهم مليح مليح ههه خرجيلوا قلبوا.

- جيبي pinceaux و ابداي تقسمي شعرك كيما اديري brushing و طلسي و امشطي مليح بالمشطة كيف كيف لازم يكون هذيك مشطة رقيقة شوية باش تجبدبك مليح و ملازمش تكون معدنية ... امشطي و عاودي على كل خصلة منوا... لازم تمشطي مليح.. امشطي حتى تقولي fix هههه

- اقعدي غير تقسمي في شعرك و تمشطي حتى طلسيه كامل...  و اجبدي كمية تاع شعر مليحة في كل خصلة ماشي شوية برك... لازم تكون متوسطة... حتى تكمليه كامل.

- كي تكمليه كامل... عاودي امشطيه مليح مليح مليح...  من جذور حتى الاطراف... العملية هاذي اقعدي تكرري فيها واحد لل 10 دقائق.

- من بعد خليه يريح على حساب شعرك... اذا شعرك خفيف خليه على الاقل 10 دقائق اذا كان كيما شعري ولا pire خليه من 15 الى 20 دقيقة و اغسليه ما عندوا حاجة... كي تحسي بيه نشف و يبس شوية اغسليه.

- من بعد اغسليه ب shampoing normal تاع موالف ... كي تغسليه مليح مليح... زيدي غسليه بالكريمة هاذيك...  و نشفيه بال séchoir ولا ديري brushing ولا كيما تحبي..  هاذ شيء راجعلك... بصح اذا تحبي شوفي نتيجة مليح كملي ديري brushing ... بصح هو خطوة غير ضرورية.

راح تلقاو كلش في دليل الاستعمال la notice الداخل راح يمدلكم طريقة الاستخدام بالصور... و الوقت على حساب كل نوع شعر... الاحتياطات و الخ... انا مديتلكم بصفة عامة و زيدوا اقراو مليح.

بالنسبة لي يديروه عند الحفافة مراح تحتاجوا حتى حاجة تاع سخانة باش يطلعلكم... لا casque لا والوا هذا ماشي كيما تاع بكري... و ماديروش راصكم تحت صاشي ولا تغطوه تخلوه يريح عادي... و ماتعونوهش ب séchoir باش يسخن ولا... انا ما درت حتى حاجة تاع سخانة... حتى كي غسلتوا باش درت brushing 💕💕... هاذس نقطة مهمة و راح تلقوها مكتوبة في la notice  بلي ما تسحقوش هاذ المرحلة... تخلوه يريح حتى ينشف كل وحدة و الوقت تاعها.. ييبس و ينشف شوية و تغسلوه برك... لا casque ولا هم يحزنون 💕😘

😘

تغسليه في نهارو تخليه يريح على حساب نوع شعرك و تغسليه...  ماشي كيما كيراتين تخليه نهار ولا يومين لالا...  فس نهارو ينغسل 💕 ... راح شوفو في طريقة الاستخدام.

بالنسبة لل lisseur و séchoir تقدرو تستعملوهم عادي بلا ما تخافو...  يعني كي تغسلي شعرك تقدري تجبدي شعرك عادي...  و ديريلو lisseur استعملي برك للاحتياط sérum ولا لي موالفة تستعمليه باش تحمي شوية شعرك و lissih عادي كيما موالفة بلا ما تخافي...  ما تكثريش برك و ما ديريهش سخون بزاف نقصي درجة الحرارة لي موالفة ديريها 😘💖

بالنسبة لل shampoing ولا... اغسلوه باي shampoing موالفين تستعملوه ما عندوش نوع محدد ولا استخدموا la gamme لي موالفين تستخدموها... واذا حبيتو تحافظو عليه ولا باش تزيدو عليها 😂... ننضحكم ب les shampoing sans sulfate بدون سولفات باش يشدلكم 😘... بصح ما تكلفوش روحكم ماشي obligé والله انا راني نغسل ب dove عادي 💕

بالنسبة لل les fourches و تضررات و الخ..  ماشي كيراتين هذا... كيما قلتلكم ينحي les frises ماشي يعالج كيما كيراتين... يعني ينحي تضررات و حروق وكامل كيما توعدكم la kératine .... بصح ما يزيدش عليك الاضرار...  و ما نقدرش نقولكم اذا ينحي les fourches ... خاطر انا غير كملتلي الحفافة قطعت شعري قصير...  بصح ما بانليش بلي زادلي ولا نورمال... هي من الافضل تنحوهم خاطر les fourches يثقلو الشعر و ما يخلوهش يطوال كامل...

وبالنسبة للقشرة ما دارليش القشرة كامل..

المدة لي يشد فيها هاذ ال produit هي 6 اشهر كيما اي حاجة اخرى 6 اشهر و المفعول يروح كامل.

اذا درتيه و عجباتك النتيجة وكلش... وحبيتي تعاوديه... وماحبيتيش المفعول تاعو يروح كامل... اصبري 3 الى 4 اشهر و عاوديه... خاطر لزكان تخلي 6 اشهر يجوزو راح تعاوديه من الصفر... بصح كي تصبري 4 اشهر راح تزيدي تهبطيه مليح يعني يزيد يتسبسب

وهكذا نكونوا وصلنا لنهاية... Normalement قتلكم كل حاجة جات في راصي... ضرك تقدروا تسقسوني كامل الاسئلة لي جاو في بالكم... و انا راح نجاوبكم كامل ان شاء الله... راح نفرغ نفسي للاسئبة برك و راح نجاوب عليكم كامل 💕💕... الدار داركم كما موالفين... 😘😘

ولي حابة تعرف اكثر ادخلي لل bio تاعي تلقاي lien يديك ل article لي كتبتوا... كاين زوج 💖... باش تعرفي كامل و بتفصيل اذا نسيت كاش حاجة مهدرتش عليها هنا