♥ ROUTINE N°3 ♥ : Routine Soin De Peau [Visage] + Des Produit Pour Votre Visage

سلام البنات حباباتي ... توحشتكم ... انشاء الله تكونوا كامل بخير ... اليوم موضوعنا هو كيما شفتوًا العنوان Routine Soin De Peau اليوم نهدروا على الوجه فقط ... بزاف منكم سقساوني على كيفاش نحي les points noires الرؤوس السوداء ... يعني انا ما تنحاوليش كامل باش نكونوا واضحين من الاول ... انا هاذ الروتين يخففلي الرؤوس السوداء ... انا بشرتي زيتية عندي la peau grasse ... خاصة في المنطقة T يعني الجبهة و الانف ... يوليولي بالخف و بشرتي تزيت بسرعة بصح راني نتبع هاذ الروتين خاطر ساعدني شوية. هاذ الروتين كل سمانة اي كل ما ندوش... الوغ نبداو ...

اول حاجة :

خلال الاستحمام هي انو نكيس وجهي شوية شوية ... الكاسة هي احسن حاجة تنحيلك الخلايا الميتة و يتنقى وجهك مليح مليح تحسيه ناعم ... لي يخافوا تقدروا نستعملوا القفاز كيما تاع les bebe .

ثاني حاجة :

 بعد ما نكمل ندوّش مليح مليح ... نجيب la crème dépilatoire VENUS ... انا لي عندي تاع زيت اللوز كنت هدرت عليها من قبل ... المهم هاذي تنحي واش لازم يتنحى ... نديرها على كامل وجهي يكون شوية مشمخ ماشي ناشف خاطر تحرقك و نخليها مدة من 10 - 15 دقيقة ... هكذا باش تخدم خدمتها مليح. بعد انتهاء المدة ... نحيها شوية شوية ... و نغسل وجهي بالماء البارد حتى تروح كامل ... هنا نبدى نشوف بلي الرؤوس راحت شوية ... يعني قلّت على لي كانت ما ولات مزعجة ...

ثالث حاجة :

 بعد ما نخرج من الاستحمام ... يكون وجهي شوية حمر من الاستحمام و من الكريم كيف كيف ... الوغ نحط الحنونة تاعي ههههه نعم نعم ... هاذ la crème نحبها خاطر سحرية راني هدرت عليها في هاذ الموضوع ادخلي هنا ... الوغ نحط la crème Essentiel de Oriflame .. نحطها على كامل وجهي مليح مليح ... تشربها البشرة سريعا سريعا ... كذلك اذا وجهك كان محروق من كريم مزيل للشعر تخففلك ... كذلك تنحيلك الرؤوس السوداء. هاذي نحطها دائما في وجهي ... تحمي من الشمس تفتح البشرة ... و تقلل الرؤوس السوداء . الوغ وصلنا للنهاية ...

هاذا هو روتيني الاسبوعي للعناية بوجهي ... صحيح انه يخفف من الرؤوس السوداء و يكون عندي وجه مشرق دائما ... و ينحيلي شوية لبحب يعني ما يوليش مزعج بزاف نولي نورمال .... انا لقيــــــت واحد الحل باه نحيـــــت الحب و البقع ... تاع حب الشباب ... انا كنت هدرت من قبل عليه ... هاذا صابون من قبل ...

هاذ الصابون هو DERMOVIVA  هو لي ستعملتوا اول شيئ كنت نعاني من البقع في يدي تاع حب الشباب ... يعني من كتافي و اهبطي كان يخرجلي  في يدي ... و نخبشوا بزاف ... الوغ ولاو يديا عجب معجب ... البقع وليت ما نقدرش نلبس بلا يدين ... جربتـــوا كنت كل ما ندوش نغسل بيه ... والله صدقوني راحلي كامل كامل ما بقالي والوا في يدي ... هو انواع هاذ الصابون ... كاين ضد الحب كاين شزفي انتي على حسابك انتي بصح هايل هاذ الصابون ...

من بعد زدت شريت Essentiel De Oriflame   هاذا ثان هايل كيما الاول ... يعني جربوهم والله ما تندمـــوا ... بالنسبــــة للحـــــب ... و البقع و كامل هكذا ...

الوغ وصلنا للنهاية ... هاذا هو روتيني الاسبوعي للعناية بوجهي ... لي  يخفف من الرؤوس السوداء و يكون عندي وجه مشرق دائما ...  و راني هدرت على الي ستعملتهم باش تهنيت من الحب و البقع ديالوا ... انشاء الله يكون فادكم ...و لما نزيد نستعمل حاجات جدد راني نزيد نهدر عليهم انشاء الله ...  نلتقي في موضوع جديد ...اتهلاو في روحكم ولي عندها موضوع او استفسار تحطوا في كومنتار ... نحبكم كامل ..

.