ســـلام البنات ... اليوم نكملوا السلسة لي بديناها تاع Mes Routines Capillaire لي جازوا عليا في حياتي كامل هههه يعني ملي نشفى على روحي ديت نتهلى في شعري ... الوغ اليوم الجزء الأخير مع La Routine الجديدة لي راني معتمدة عليها هاذ المرة ... و جابلي ربي جامي نبددلها ... خاطر Des Produits عندي واحد الشهرين ملي شريتهم ... و درت عليهم Revu في ال La Page facebook بصح وحدة ما حلبتني بطبيعة الحال .... ههه المهم نبداو
راني نستعمل
كيما راكم شوفوا في الصورة Shampoing
& après Shampoing تاع LA Marque Farmasi الماركة التركية ... و الله هايل بزاف بزاف بزاف
... مستخلص من بزاف زيوت و اعشاب ... كيما نحكيلكم ماشي كيما اجربوه بنفسكم ...
خاطر بمجرد انكم ما تستعملوه تحسوا شعركم رطب من الغسلة الأولى ... غير تغسلوا
شعركم المرة الأولى بيه ... راح تحسوا شعركم خفيــــف جدا ... يعني بزاف روعة هاذ
الشامبوا ... شعركم الجاف يول حريري بزاف ... شعركم راح يولي هابط جدا جدا ...
اما بالنسبة
للبلسم يعني l’après Shampoing أيضا ...
يعني تستعملوهم كيف كيف راح تتحصلوا على نتيجة بزاف هايلة ... انا و دهشت من شعري
... خاصة انوا النتيجة تبان بلى ما اديروا سشوار ... و اذا درتوا السشوار راح
تحسوا شعركم يطير في السماء ... اسضا شعركم لي كان يحصل في البروصة اثناء السشوار
... انسيه خاطر شعرك يولي يزلق في البروصة ... و ينجبد بسرعة ... اذا كنتي تجبديه
في ساعة و انتي معاه راح تشدي 30 دقيقة ... انا ننصكم بيهم ...
أيضا الشامبوا
بمجرد انكم اديروه في شعركم بدون ما تستعملوا البلسم حتى شعركم يتسلك ... راكم
تتخيلوا مدى فعالية هاذ المنتوج ... صح صح سحري بزاف ... انا ملي ستعملتوا عندي
اكثر من شهرين و لى اقل نسيت ههه ... راني تهنيت من الشعر الجاف و المتضرر ...
شعري وى هايل ... جربوه ما تندموش ...
كاين للشعر
الجاف و المتضرر و الملون ... أيضا الشعر العادي ... و كاين قرعة لكامل أنواع الشعر
... Tout Types de Cheveux ...
يعني في هاذي القرعة كامل انوع الشعر تقدروا تستعملوهم ... ينفعك مهمى كان نوع
شعرك ...
La Marque
FARMASI راني حبيتكم ... و عجبتوني
... و نزيد نشري من عندكم Des
Produits جدد انشاء الله خاصة الماكياج ... أيضا كابن Mask مازال ما اشتعملتوس بصح نزيد نشري منوا ... و
نجربوا و نقولكم ...
الأسعار تاعهم
تتراوح من 400 دج الى 500 دج ... يعني على حساب البائع ... تلقاوهم عند كامل Les Cosmétiques ... يعني انشاء الله تلقوه
و كي جربوه ما تنسوش تقولولي رايكم ...
القرعة كبيرة
يعني تشدلكم بالشهور يعني عندي شحال ملي شريتها و مازال ما خلاصتش ...
الوغ ضرك نهدروا
على كيفاش نستعملهم ... يعني ماكانش طريقة محددة ... نغسل بيهم عادي جدا ...
نغسل شعري بالشامبو اول شيء واحد زوج غسلات ولى
3 ... كيما جاز من قبل و قتلكم ... نغسلو مليح مليح ... مع التركيز على فروة الراس
و الأطراف ... يعني كيما فهمتكم اغسلوا مع التدليك ... شوية شوية باطراف الاصايع
...
من بعد ما
نشللوا ... نحط البلسم ... على كامل شعري ... منبعد نجيب مشطة ... و نسلك شعري
مليح مليح ... و نشللوا
و هاذي هي ...
بالصح ال Produis هذا تاع FARMASI بزاف هايل ما تندموش عليه
ناكلدكم هاذي خاصة الي شعرهم جاف ... ما تنسوش تشروا على حساب نوع الشعر تاكم ...
الوغ سلسلة
مواضيع M Routine capillaire
خلاصت راكم عرفتوا كامل واش جربت في شعري
بالطريقة لي كنت ندير فيها ... و كيفاش تحول شعري من ناشف الى جميـــل جدا جدا ...
الوغ لي عندها شعرها ماشي شباب تتهلى فيه و تجري معاه يولي شعرك هايل ... ماكانش
حاجة ما عندهاش حل ... الوغ لازم تتهلاو في كل حاجة ماشي عاجبتكم سنانكم ... شعركم
... وزنكم ... هاذوا حاجات صح كي توقفوا مع رواحكم تتعدلوا ... الوغ ... انا راني
مديتلكم كامل ... واش استعملت في شعري ... و نتوما استعملوا لي تساعدكم ...
نتلقاوا في
موضوع جديد ... اتهلاو في رواحكم نحبكم بزاف بزاف ... و لي مازال ما شافتش الموضوع
الأول ... تدخلي في هاذ القلوب تكليكي عليهم يعني ♥♥♥♥♥ ... ولي مازال ما شافتش الموضوع الثاني تدخلي في هاذ القلوب ♥♥♥♥...
.
Commentaires
Enregistrer un commentaire
Commentaires