♥ BUJO N°1 ♥ : Mon Bullet Journal... Comment commencé

ســلام البنات... سلام الفريزات... ان شاء الله تكونوا بخير و على خيـــر.... و الحمد لله على كل حال... قبل ما نبداو... روحـــي ضرك في الحين ديري Abonné  لل Blog  ... يأخذ منك ثــواني بصح راح يردنــي Happy  *--* ... و كــي نوصلوا اكثر من 50 Abonnés  راح يكون كاين Concours  خاص بيـــــــــكم.

الــــــــوغ L’article  المنتــظر راهوا هنـــآ... موضوعنـــآ اليوم على ال Bullet journal  ( نقراواه هكذا Bullette Journal  ) ولى كيما يختاصروه هوما BUJO  ... نحــــــــبكم كي تكمولوا و يعـــجبكم تشاركوه مع كامل صحبــــآتكم *---*... باش يولـــي هاذ ال Concept منتـــشر هنـــآ... قبل ما نبداو حبيت نقولكم بلي مارانيش من نوع لي يحـــب التنظيم يعنـــي... من قبل ما كنتش نحب نظم ولى كان ياربي جدول توقيت تاع جامعة و يا ربي اذا كتبـــتوا... بصح مع ال Bullet journal  ... لقــيت طريقة مرحة FUN  باش نظم روحي و في نفس الوقت نقص الضغط على روحـــي ... يعنـــي منوا نظـــم و منوا نحي Stresse  *---*  

قبل ما نبدى ثاني ... البنات اقراو... ماش شوفوا تصاور برك من بعد تقولولي ما فهمنــآش هههه ... اقراو تفهموا كفاش تبداواه الخ ...

كاين بزاف يعـــرفوه.... و كاين بزاف عرفوه من L’article  الي درتـــوا في 2016 كي بديت نستعمل ال Bullet journal  ... بصــح راح نعاودلـــكم و نشرحــلكم من الصفر... خطوة بخطوة كفـــآش تبداوه... الـــوغ تبعوني مليح.

كيــما قتلكم الفوق مارنيش من نوع Planner Addicte  يعنـــي ما رانيش من نوع تاع نحب نظم كلشي قبل الوقت... بصح مع ال Bullet Journal  راح يســـآعدكم بزاف بزاف باش تتنظــموا بطريقة تخيلكم فرحـــآنين و راضيين على نفســكم و تحسوا رواحكم جرتوا حاجة ملــيحة... شوقتـــكم ياك ؟ ... أيا نبداو *---*

كفاش ؟ و شكون ؟ و وين خرج ال Bullet journal  ؟

الــــوغ رانا متاكدين بلي ماشي عربي الي داروا هههه هاذ الشيء باين و مؤسف في نفس الوقت.

الـــوغ لي خرج ال Concept هذا تاع Bujo  ... آسمـــوا Ryder Caroll  ... هو امريكي بطبيعة الحال... و بالضبط جاي من مدينــة New York  ... وهــو في الأصل Désigner interactifs  ولى كيما نقولوا Désigner Numérique يصمــم حاجات الــكترونية كيما المواقــع الخ.

و ال Concept  هذا كيف كيف ظهــر من New York  ... هذا Rayder caroll  شاف بلي الناس تستعمل Des Agenda basique  بزاف يعنــي كيما لي كل واحد منا عنــدهم في الدار Des Agenda  عاديين بزاف... ولى كايـــن الي يستــعملوا Les Sticky note  ولى ورق عاديــين و ساعات يتبحرولهـــم  ... قال علاش ما نديرلهمش حل ؟ الي هو Cahier  واحد فارغ يعنــي Cahier simple  و هوما يخدموا L’agenda  تاعهــم على حسابهم ... يعنـــي ينظموها كيما يحبوا... هوما يديروا Le calendrier  و كامل واش يستــحقوا فيه...

ومنـــآ خرج ال Bullet journal  ... و انتـــشر بسرعـــة... و ولاوا كامــل يستعـــملوه خاصة البنات... وكل وحــدة زادت فيه حاجة Une Page  و كامــل ضرك نكتشفوا قواعــد ال Bullet journal  يعنـــي الأشياء اليـــي لازم يكنوا فيه ...

واش نســتعمل ؟ و باش نكتــب ؟ و باش نشبح ؟؟

الــوغ هاذوا هــوما ... الي نستعمــلهم... نستعمل Stylos Noire  تاع Shneider  ... و ثاني Un Stabilos  ... و ثاني Les Markeur  ... الألوان ... و Les Marque page  باش نشبح الداخل.

ضــرك شوفوا كفاش نستعمــلهم... و نستـــعمل كراس تاع 288 صفحــة عادي جدا.. اذا لقيتوا Agenda  يجوا كامل أوراق فيهم بويض استعملوه خيـــر... بصح اذا ما صبتـــوش ما عليكم غير تستعـــملوا كراس عادي... انا استعــملت واحد عادي جدا... باش نوريلكم بلي تقدروا اديروا بيه Bujo  ماشي لازم يكون عنــدكم cahier  شبـــآب و كامل... 

نســـتعمل القلم مرات... كي ندير كاش حاجة و نخافتخرجلي عوجة... نرسم بيه و كي نكــمل و نكون متاكدة نعاود بال Stabilo ... 

الوغ كفاش تبداو ال Bullet journal  ولى واش فيـــه ؟

راح نقـــولكم الصفحات بصفة عامـــة من بعد نفصلوا في كل صفحـــة بالتدقيق...

فيه :

-         L’index  الي هو كيما الفهرس.

-         Key  الي هو المفتآح كيما في الخريطة.

-         Calendrier Annuelle  تاع العــآم كامل.

-         شوية Les tracker  تاع العام يعنــي باش تبعـــي مجموعة من الانشــطة على العـــآم... ضرك شوفوا شوية أفكار.

-         من بعــد تبداو تدخــلوا في كل شهر و ت Organiser  كل شهر وحــدوا.

ملاحـــظة : كي نقول قاعدة تسمى لازم طبقوها في ال Bullet journal  تاعكــم كي ما نقولش معناها قكرة تحبي طبقيها تحبي لالا ... انت حرة

قاعدة : L’index  الفهرس

بعـد الصفحــة الأولى تاع ال Bujo  ... كاين L’index  يعنـــي الفهرس... و هذا اهــم قاعــدة فيه... يعنــي راح تخلوا صفحتين او اكثر للفهرس تاعــكم... على خاطر راح تبداو ترقـــموا الصفحات... يعنــي لازم... باش هكذا كي يتعمــر و تحبوا توحسوا على حاجة تروحوا للفهرس و تلقاوها مباشرة... كيما الكتاب.

ابداو ترقــموا من صفحــة Key  لي رايحــين شوفوها ضرك شوية.

ملاحــــــــظة : ما ترقموش كامل ال Bujo  قبل ما تكبتوا في الصفحـــة... يعنـــي كي تعمروا الورقـــة رقموها... باش اذا قطعتوا كاش صفحـــة ما يصرالكمش مشكل. كي تكبوا رقموا... ما ترقموش قبل ما تكتبوا هاذي قاعدة كيف كيف .

قاعدة : Key  المفاتيح.

من اهــم القواعــد كيف كيف في ال Bujo  ... خاطر راح تتبعوهم على دور العــآم... و كي تروحوا شوفوا واش عنــدكم اديروا تفهـــموا هاذي واش و هاذي واش.

كيما انا دايرة القلب للحاجات الي لازم نديرهم... دايرة X  للحاجات لي كملت درتهم... دايرة علامة تعجب للحاجات المهمة... و علامة الاستفهام كي يكون عندي موضوع بحـــث نحوس عليه... و ال O  للمناسبات... و – لل  Les Notes  زيادة.

و درت Color key  مازال ما استعملتهمش... يعنــي كل لون لواش يصلح.

كيما قتلكــــم من الأهم.... انتم استعملوا الرموز لي تحبوهم المهـــم ساعدكم تنظموا الحاجات لي عليكم اديروهم... و ضرك شوفوا كفاش نستعـــملهم.

قاعدة : Calendrier  تاع العام.

هاذي ما نقدرش نقولكم قاعــدة... تحبوا اديروها تحبوا ما اديروهاش.... انا نستـــمتع و انا نخدم فيـــها .... و من الاحسن تخدموا هاذ الصفحة... كيما كامل Les Agenda  فيهم Calendrier  تاع العام... الـــوغ ملـــيح تخدموه على حسابـــكم  ... كيما راكم شوفوا... تاعي كفاش خدمتوا... تقدروا تزيدوا des citations  باش تشجعوا رواحـــكم... و Bien se motivé  يابنـــآت هه ... تقدروا تلونوا الاحــداث المهمة في حياتـــكم... كيما ندير انا...

ضـــــرك ندخلوا في المهـــم واش راح نقول التحــتفي هاذ الصفحات لي راح نعرضهم عليكم.... ما راهم الا افكـــآر تحبوا طبقوها تحــبوا لالا... يعنـــي ماراهمش قواعد في ال Bullet Journal  ... بصح علبالي راهــم رايحين يعجبوكم...

ملاحــظة : اذا راكي راحية تبدايه من أكتوبر... تقدري تكتبي ال Calendrier  من أكتوبر... و تكملي حتى ديسمبر.

فكرة : درت صفحة خاصة للذكريات Souvenirs  :

الـــوغ انا انسانة نحب نكتب التورايخ لي صراولي فيهم حاجات ملاح... و حاجات ماشي ملاح... و نحب نكتب Les Aniversaires  تاع صحباتي الخ... يعني حاجات صراولـــي و حبيت نتفكرهم... الوغ قررت ندير صفحتين Spécial souvenirs  تكتب فيها كامل Les Dates  لي صراولي فيهم حاجات مهــمة... درتها من راصي مازال ما شفتش وحدة دارتها من قبل.

و هذا هو الهدف من ال BUjo  يعنـــي تخدموا صفحات تكتبوا فيــهم حاجا يعنيولكم و يساعدوكم... انتــم حرين.

فكرة : Periode tracker  ولى تتبع العادة شهرية.

درت صفحة خاصة للدورة شهرية باش نتبعها... خاذي شفتها في ال Pinterest  و بانتلي تفيدني بزف الوغ قررت نديرها في BUJO تاعـــي هكذا باش يسهل عليا نحدد الدورة تاعي... كيما راكم شوفوا درت كامل شهور تاع العام... من جانفي الى ديسمبر ... و درت  Tableau  رقمتوا من 1 الى 30 ولى 31 ... و نبدى نلون من نهار جاتني في دورة الى نهار الي تروح... هكذا باش نعرف اذا راهي مليحة ولى متاخرة ولى في الوقــت... كنت نستعمل تطبيق بصح دائما ننسى نماركي فيه قلت هاذي اجيني ساهلة خير و خير...

بالنسبـــة للحوامل تقدري اديري صفحــة تتبعي فيها الحمل تاعك... و Les RNDV  الخ...

و لي يحبوا ال  Sport  تقدروا اديرا صفحات من هاذ النوع تاع الايام لي درتوا فيهم رياضة ... 

ملاحــظة : خارج الموضوع من الضروري تبعي الدورة تاعك.

فكرة : Emplois du temps  جدول التوقيت.

كيـــما راكم شوفوا درت جدول توقيت تاع السداسي الأول S1  في صفحـــة... تاع Cours و ال TD  ... و في صفحة الأخرى درت وين Exposé  ... و خليت الباقي فارغ كي نبداو نقراو على الصح نزيد نعمروا بحاجات نسحقهــم.

يعنـــي درت School tracker  كي شغــل باش نتبع فيه الحاجات المهمين في القراية... مزال ما عمرتوش حتى نحكم ال Programme  و ال Rythme  .

ضــــرك نروحوا لكفاش تنــــظموا كل شهـــر... كيما راكم شوفوا... تشبحي شوية صفحة الأولى باش تعرفي بلي دخلتي شهر جديد... ضرك نوريلكم خطوة بخطوة.

قاعدة : تقسيم اسبوعى ولى يومي 

كيـــما راكم شوفوا.... قسمت أكتوبر الى 4 اسابيــع... كتبت غير Week 1 … الخ... و ما كتبتش التواريخ خليتوا فارغ باش نعمروا انا عللى حساب تواريخ لي عندي فيهم حاجات مهمة... مثلا La Rentré  ولى.

في الأول كنت نستعمل هاذ الطريقة... ندير مستطيلات مرقمين من 1 الى 30 ولى 31 حلى حساب شهر شحال فيه... بصح ما نعمروش دائما يعني بعد مدة طويلة و انا نستــعمل في هاذ الطريقة شفتي بلي نص المستطيلات يبقاو فارغين خاطر ما يكون فيهم والوا حاجة Spécial  ... و لي فيهم حاجة مهمة ما يكفينيش مستطيل.

الوغ قلت نقسم هكذا... بالاسابيع... و كي يكون عندي حاجة مهمة... نسجلها بتاريخ... مثلا كيما في 04 رحت عند Dentiste  كتبت بلي 4 رحت لل Dentiste  ... الخ هكذا باش نكتب في اتساع و ما تبقاليش القراغ بزاف...

هاذ الصفحة تاع التقسيم الأسبوعي ولى اليومي كيما تحبــوا تقسموا... راح يساعدكم بزاف بزاف بزاف... ما تنسوش واش عندكم اديروا في النهار الفلانــي ... راح تتفكــروا واش عندكم ... راح نظموا شهركم كما تحــبوا... في نقاط عريضة ماشي بالتفصيل... مثلا انا عندي Examein  الاثنين هذا ماركيتوا في 09 باش ما ننساش... مثلا 08 نبداو Les TD  كتبتها باش ما ننساش ... الخ

فكــرة بصح قاعدة : تحددوا  Les Objectifs … wishlistes 

 

هاذي تحبـــوا اديروها تحبوا ما اديروهاش... بصح انا ضرورية عنــدي نعتبرها قاعـــدة علاش ؟؟ ... خاطر كل اول من شهر راح تحددي اهدافك لهاذ الشهر واش راكي حابة تحققي في نهاية الشهر يعني Les Objectifs  تاعـــك... و اول خطوة نحو تحقيق الأهداف هو تحديدها و انا نحدد اهدافي عن طريق تسجيلها يعني كامل واش راني حابة نوصل نحددو في هاذ الخانة...

من بعد عني Wishlistes  ... نكتب فيها كامل واش راني حابة نشري لهاذ الشهر ... و درت Note  ... باش اذا كاش ما كان عندي نزيد نزيدهم فيها... كيما شوفوا دائما عندي La Case  تاع Les Objectifs  كبيرة على Wish listes  .

من بعد عندي صفحة مقسمة على 4 فيها Films, séries, livres, favoris  .... هاذي ماشي لازم اديروها... ولى مثلا لي يحبوا يقراو الخ... تقدروا اديرو غير للكتابات يعنـــي ... تقدروا انتم تنظـــموا كيما حبيتوا....

كما دائما نولي لنفس النقطة... كيما قال المخترع تاع ال Bujo  لازم يكزن يشبهلك... و يناسبك تسمى كل حاجة راكي حابة تبعيها ولى تنظــميها تحطيها فيه... هاذي هي انا واش راني نوريلكم ماراه الا امثلة برك ولى كيما نقولوا Inspirations   برك و انت زيدي طوري و زيدي حــطي فيه واش راكي حابة...

انا مثلا زدت صفحــة فيها Les Articles  لي راني حابة نكتبهم  في هاذ الشهــر... باش ما ننساش واش جاوني أفكار ولى Des Inspirations  ... و راهي قريب تتعمر الورقة ههه ...

قاعدة : عندنا تنظيــم اليومي...

هنـــآ تبعوني مليح راح نشرحلكم... لازم اديري كامل لي ورتهملكم من قبل من بعد... تبداي تكتبي كل نهار و واش عندك اديري في هاذ النهار ... تحبي تكتبي قبل ما تروحي ترقدي... تحبي تكتبي صباح كي تنوضي و هنـــآ لي رانا رايحين نستعملوا Key  يعني نستعمولوه في تقسيم اليومي ولى الأسبوعي... و نستعملوه هنا... تكتبي كامل واش راكي حابة اديري في هاذ النهار... كامل اهدافك... و ف ي ليل يعنـــي في نهاية النهار تشدي تشطبي واش درتي في هاذ النهار... و شوفي شحال من حاجة حققتيها و درتيها... و قدام كل حاجة تستعملي رمز من Key  على حساب المهمة لي عندك تنجزيها في كي وقت.

الوغ لاوم نقولكم حاجة... ماشي لازم تتقيدي بواش درتي في القائمة... مثلا كتبتي بلي لازم اديري خمس حاجات... و انت درتي غير زوج مالازمش تزعفي... و تقولي هاذ ال Bullet journal  ما ينفعنـــيش انا مانيش مرتبة... ولة هاذ ال Bullet journal  ماشي تاعي تاع عباد منظمــين ... ههه لالالا يافريزتي Bullet journal  الهدف تاعوا ماشي يقيدك... بالقائمة لي درتيها... العكس ال Bullet journal  يعاونك تنظمي مع الوقت و بلى ما تحسي ... الوغ ملا كتبتبي بلي لازم اديري 5 حاجات و انت درتي زوج... شطبيهم... و ال 3 حاجات لي بقاو ما درتيهمش عاودي اكتبيم في اليوم الموالي و زيدليهم حاجات اخرين... و مع الوقت تلقاي روحك بلي وليتي تنجزي كامل المهام تاعك في وقتها... يعني ال Bujo  كيف كيف تدريب... يدربك تتنظمي مع الوقت.

الوغ ما تضغطيش على روحك باش تنــــظمي بالقوة... سجلي مهامك ... و اذا انجزتيها مليح و اذا ما انجزتيهاش... ما تخمميش راح تتعودي و تولي تنجزيها في وقتها... راني نهدر عن تجربة... راني استعملتوا لشهور في 2016 من بعد في ال 2017 اهملتوا و ترونت بعد ما سمحت فيه و هاذ المرة وليت و راني نحس روحي بديت نتنظم Malgré  ما عنديش بزاف من لي بديتوا...

هاذوما صور تاع كفاش كنت نظـــم ايامي في 2016 ... كنت ندير الأحوال الجوية تاع هاذاك نهار... نزيد Des Citations  ... الخ... باش تدوا فـــكرة... تاع هاذ مرة شوية ممل ههه بصح راح نعاودوا... كي يتعمر راح نوريلكم واش درت فيه 

 الــــوغ هذا واش نقدر نقولكم على ال Bujo  ... يعنـــي نعاودوا باختصار :

تحكموا Cahier  الي هو ماشي لازم يكون شباب ههه انتم تردوه شباب... تبداو اديروا الفهرس تاعكــم... و ترقموا الصفحات بعد ما تعمروهم... و تعمروا الفهرس تاعكم باش تسهللكم عملية البحث على كاش صفحــة...

اديروا Key  الي هو المفتاح تاعــكم ... لي عليه راح تنظـــموا الحاجات الي عندكم اديروهم و تستعملوا الرموز الي تحـــبوهم... باش تسهلوا عليكم تنظموا المهـــمات من الأهم الى لي ماشي مهمين بزاف...

ادروا  Calendrier  تاع العام... اذا حبيتوا....

تقدروا تزيدوا فيه Des Tracker  باش تبعوا فيهم مثلا دورة شهرية... ولى فترة الحمل... ولى عدد ساعات النوم.... ولى شحال شربتوا الماء... البنات لي يديروا Régime  تقدروا تستعملوا.... البنات لي يديروا رياضة ثاني.... كاين بزاف بزاف أفكار....

من بعد عندكم تاع اشهـــر... في كل شهر تقسمو على أسابيع ولى أيام تسجلوا فيهم... الحاجات المهمة في الشهر...

من بعد تقدروا تزدوا صفحات كيف كيف تاع بزاف صوالــح يفيدوكم.... كيما انا درت Objectifs  و الخ ...

و من بعد تبداو تنظموا كل يوم وحـدوا و هذا هو الأهم... تحددوا كامل واش لازم اديروا في اليوم الفلاني...

حاجة مهمة : ماشي لازم يكون بالفرنسية ولى بالانجليزية... تقدري اديريه بالعربية.... المهم تنـــظمي ايامك و وقتك و احلامك و عبالك واش رايحة... اديري... و ماشي لازم يكون مرسوم مليح باش تقولي عندي Bullet Journal  المهم يكون منظـــم ... الباقي كل واحد و كيفاش يقدر يشبحوا... 

اذا حابيــــن روحوا شوفوا ال Bullet journal  تاعي تاع 2016 ... كنت دايرة فيه بزاف صفحات ضرك نحـــــيتهم ... روحوا شوفوا باش تدوا شوية أفكار... Cliqué  على لصوة هذي...

و ذ حبيتـــي شوفي فكار اكثر و اكثر على ال Bujo  ما عليك غير تروحي لل Youtube  ولى Pinterest  و اكتبي Bullet journal  راح تلقاي عدد لا يحصى من الأفكار تاع التنظيم... كيما دراهم... رياصة... ريجيم.... ماكلة.... الخ الخ .... ولى في ال Instagram  اكتبي #Bulletjournal  يخرجولك دنيا

حبيـــت نقولكم ماشي هذا آخــر Article  على ال Bullet journal  راح كل شهــر نوريلكم كفاش نظمتوا و واش زدت فيــه... و ثاني كل ما نزيد حاجة جديدة بالطبع نديرلـــكم Article  .

واش حبيت نقولكم... انا كنت وحدة التنظم من جهة و انا من جهــة بهاذ ال Bullet journal  وليت نظم روحي... من جهة... و من جهة اخرى وليت نحي بيه القلقة يعني عاونـــي بزاف بزاف بزاف... كي نكون هابطلي المورال نشد الواني و نبدى نشبح و نلون و نزوق ههه ... كيما قتلكم ما تضغطوش على رواحـكم اليوم تخدمي حاجة غدوة حاجة... حتى تلقاي روحك تنظمتي تلقائيا ...

و بهاذا نكونوا وصـــلنا لنهاية الموضوع تاع الـــيوم ان شاء الله تكونوا فهمتوا وا ستفدتوا و جاتكم الرغبة انكـــم نظموا و تتنظــموا في نفس الوقت... ولـــي عندها سؤال تخليهلي هنــآ في كومنتار ولى تبعثلي في ال Mail  تاعي في البواطة هنـــة على اليسار... ولى تبعثلي في الفايسبوك المهم راني في كل بلاصة... وين هواتلك Contactini  المهم نعـــآونك...

ما تنـــــــسوش تابعوني في ال Instagram  و Facebook  و Snapchat  ما عليكم غير Un petit clique  في هاذ  Les Icones  ... و كيف كيف Abonné vous  في ال Blog  ك MERCI  صغـــيور على المجهودات ههه  و الله نســــتهل .... نحـــــــــــــــبكم موت فريزاتي اتهلاو في رواحــــــــــكم 

.