♥ UNBOXING N°4 ♥ : Ma Commande NeeJolie #Partenariat

ســـلام الفريزات... ان شاء الله تكونوا بخـــــــير و على خيـــر و الحمد لله على كل حال... الوغ قبل ما نبداو ما تنســــــــوش taboniww  في ال Blog  ... ما ياخذش منكم ثوانـــــي... شكرا.

الوغ عنــــدي شهور و شهور من لي وصــــلني le Colis  تاع Le Site NeeJolie  ... يعنــي للمرة الثانية و انا ندير معاهم Partenariat ... هاذ المرة طولت باش درتـــلكم عليهم Article  ولى Revue  ... قلت نسنى شوية... ولى كي وصلونــي كان ال Pc  مخــسر ما قدرتش نكتبلكم Article  ...

هذا  Neejolie  كيما كامل Site chinois  كيفوا كيفهــم.... بصح شوية ناقص على Les Sites  الاخرين..

 يعنــي هاذ مرة قولوا Unboxing  خاطر مكانش حاجة ندير عليها Revu  ههه خاطرهاذ مرة قلت نجـــب حاجات... شغل Des Gadget  نســـتعملهم في حاجات واحد اخرين.... يعني راح شوفوهم بزاف في مستــقبل... مرة لي فاتت جبت Les Bijoux  خاطر عــجبوني بزاف .... هاذ مرة قلت ياسمـــينة ارمي عليك راشي هههه و جيبي حاجة تنفعك في Les Article  الجايــين... الوغ جبت حاجات الي راكم رايحين شوفوهم التحـــت...

الوغ C’est parti  هههه ... ايه و قبل ما نهبــط نقولكم بلي راح نحطلكم Les Lien  تحت كل تصويرة... وحدة لل Site Neejolie  و واحد تاع Aliexpresse  ... خاطر على حد علمي  Neejolie  ماراهمش يخدموا بيه Les Pages  لي يشرولكم .... الوغ نحطلكم تاع Aliexpress  كيف كيف...

و كـآين مع الاسـف حاجات خلاصوا من ال Site يعني Rupture de Stock الوغ شوفوا في Aliexpress

و ال Prix تاعهم ما بفوتش 2 اوروا ... يعنـــي غير 1 اوروا ولى اقل   

  

جبت هاذ البشباشة... هه Spray  ... خاطر حـــوست عليهم في كامل بلايص ما صبــتش... كي جاتنــــي الفرصة قلــــت نجيب وحــدة.... خاطر كنت حابة نجرب ال Fixateur  تاع ال Maquillage  ... و عـــــــجبني الشكل تاعــها بزاف شابة... Mignonne  ... هكذا نستــعملها... في بزاف حاجات... كيما قتلكم Les Fixateur  ولى نددير ماء ورد فيها... و ثاني تقدروا تعمروا فيهم Les Parfums  ... خاطر تاع بلاستـــيك ما تخافوش تتكسر داخل الصاك .

تلقاوها هنـــآ Clique ici 

خسارة مراهيش Disponible في ال Site و في Aliexpress  ما صبتش لي تشبهلها ... بصح جبتلكم وحدة قريب كيف كيف... هوما كامل خدمة وحدة شكل مبدل . 

 

وجـــبت هاذ القرعـــة... واش هي ؟؟ ... شوفوا قرعة ترفد مليح Malgré  تبان صغـــيرة... الوغب زاف بزاف Pratique  هاذي.... شريتها فارغة و عمرتها ب ماء ورد ... واش فيها حاجة Spécial  ؟؟ ... فيها هاذيك من فوق .. تحطوا فيها القـــطن... بلى ما قلبوا القرعة... يعني كيما راهي واقفة تحــطوا القــطن فيها و ت Apuiyiw  من فوق زوج مرات يخرج ال Produit  ... بلى ما تقلبوا القرعة و لى تميلوها ولى.... بزاف هايلة و تسهـــل عليكم.... تقدروا اديروا فيها Démaquillant  ... Désolvant  ... واش تحــبوا انا درت فيها ماء ورد... قرعة جديدة تاع ماء و رد فرغتها الداخل جاتني سو اسوا... يعني ترفد 200 مل.

تلقاوها هنـــآ Clique ici 

و هنــــآ Clique ici 

جبـــــت Silispong  .... شفـــــــت كامل الناس في اليوتوب يهدروا عليها الوغ... قلت نجيب وحــدة نجــربها.... و صراحة عــجبتني بزاف بزاف بزاف... من بعــد نديرلكم علها Article Spécial  خاطــــــــر عجبــــــتني بزاف... تلقاوها تتباع برى يعنـــي مكان لاه تروحوا تشروها من Site  ولى ههه راهي تتباع عند Les Cosmétique  ... درت عليها Revu  صغير في ال La Page  ادخلوا هنا تلقاوها.... و من بعد ندرلكم عليها موضوع مفـــصل... و نقولكم علاه حبيتها .

تلقاوها هنا CLIQUE ICI

و هنا  Clique ici 

جبـــت هاذ الكارثة هههه ... يعنــــي صراحة ندمت الي جبتــها... خاطر جربتها مرة و حدة و كارثـــة كبيرة... زعمى قالك... BB créme  صراحة انا عجــبني ال Packaging  تاعها خلانــتي نشريها.... لوكان غير جبت baume à lèvre  ولى... أولا  La Teinte  كارثة جاتني بزاف بزاف Claire  عليا... و ثاني تبقى فوق La Peau  ما تشربهاش... كي شغل درتي فارينة... يعنـــي ما نقدرش نشرحــلكم... اخطيكم من Les Créme  تاع الوجه من Les Sitess  هاذوا... خاطر كارثة... ما فيهاش ريحة بصح ما علباليش كي درتها كفاش بنت بيها.... يعنـــي... المهم غير اخطيكم

جبــت كيف كيف هاذ المراية... صغيــــرة و بزاف Cute  ... نديها في المقـــلمة ههه غير شفتها عرفت وين نديرها... صغيــرة يعنـــي ماشي كبيرة كبيرة باش يكون في علـــمكم...

تلقاوها هنا  Clique ici

و في الاخيــــر جبـــت ... هاذ ال Gadget  كيف كيف... واش نديـــر بيها ؟؟... الوغ هاذي ادخليها في يدك ... و كي تغسلي وجهـــك بالصابون ولى... مثلا Démaquillant  ولى تحكـــــوا بيها... كيما تقول ايناس ههه حكـــــي حكـــــي... أولا ماشي حرشة على بشرتك ما تخافيش... جربتها مع صابون Dérmo viva  ( نحـــــــبوا هاذ الصابون من بعد نهدرلكم عليه كي نولي ليه و نولي نستعــملوا بزاف ) ... حكــيت بيها... هايلة... هوما يقولوا بلي تنحـــي الرؤس سوداء... تنحــي بصح وحد شوية ماشي يعني حاجة TOP ... بصح في الحكان ههه تحــك مليح عجــــــبتني... الوغ ما ندمش لي جبتها.

تلقاوها هنـــآ Clique ici 

وصــــــلنا للنهـــآية ... هذا واش جبــــت فريزاتـــي... كيما قتلكم هاذ مرة جبت غير حاجات يقدروا ينـــفعوني و ينـــفعوكم... خاطر فيه Les Gadget  و Les Bijoux  اكثر حاجة .... و خاصة خاصة Les Vernis   و Les Accesoir  تاع Nail Art  تلقاو كلش هنا Stamping  و كلش كلش عنــدهم يعنــي ماش حاجات بزاف بصح في Nail Art  تلقاو كامل واش راكم حابيــــن.

المشكل الوحــيد المرة الأولى كي درت معاهم Partenariat  وصـــلني Paquet  في شهر بالتمام... هاذ المرة وصــلني حتى فايت شهــرين ... يعنـــي بزاف... و ما علباليش ثاني اذا Les Page  تاع لي يشرولكم اذذا راهم يخدموا معـــآهم... سقسوها و الله ما علبالي ما نقدرش نضمنلكم... و نقولكم ما تشروش حتى تتاكدوا مليح مليح... ما جوش تقولولي رميتينا على راسنـــآ هههه ياك نعرفكم ... راني درتلكم Lien Neejolie  و Lien Aliexpress  باش اذا حبيتوا تشروا روحوا لل Aliexpress  خير و افضل.... لوكان يفهموا واش راني نهدر يباصونـــي ههههه ... ماعليش علا جالكم نريسكي...

ال ما علبالهاش كفاش تشري En Ligne  تدخــــل هنا.... راني درتلكم بالشرح المفصل يعنــي .. و باش شوفوا واش وصلني المرة الاولى ... ادخلوا هنا 

هاذي هي ... ان شاء الله L’article  يكون جاز خفـــف علبالي بزاف ما يحبوش هاذ النوع من Les Articles  بصح راني مضطرة نديرلكم كامل واش ينفعــكم... و واش يعجبني و واش ما يعجبنــــيش... بالاك ما نزيدش نتعامل معاهم ما علباليش.

اتهــــلاو في رواحـــكم فريزاتيي ... ان شاء الله في موضوع الجاي ما تنسوش تابعوني على FACEBOOK … INSTAGRAM… SNAPCHAT  ما عليكم غير  Un Petit clique  على Les Icons  التـــحت... و ثاني ديروا Abonné  في ال Blog    ... نحـــــــــــبكم فريزاتي 

.