ســلام الفريزات
ان شاء الله تكــونوا بخير و على خيــــــــــــــر ... و الله توحشت نكتبــــلكم
هنا... ان شاء الله تكونوا كامل بخير و الحمد لله على كل حال... ( ما تنسوش اديروا
Abonné
في ال Blog ما
يديش من وقتكم دقيقة... تعيشوا ... )
اليوم راح نشارك معــآكم واش وصلني من ال Site الموقع ZAFUL ...
هو Un
Site Chinois بطبيعة الحال موقع صيني..
كيما Shein
و الخ... نقولكم راي تاعي
الصريح فيـــهم... كاين Déjà لي راني نلبــسهم ههه ...
باينة اتصلوا بيا الموقع مدولي Un Budget و
قالولي خيري واش راكــي حابة يوصلك.. بالمقابل ديري Un Article الخ... ضرك تبعوني كامل واش وصلنـــي و مع الأخير
نقولكم كفــآش تشروا En Ligne و واش هي La Page لي
تشرييلكم ... كاين بزاف لي يعرفوها خاطر دائما نقولكم عليها... الوغ نبــداو.
اول شيء نهــدرلكم على هاذ ال Bomber طويــل
... بزاف بزاف و انا نشوفــهم في Les Sites الخ و انا حابة وحدة ... و
كي نروح نشري ما نصيبش طوال كاين غير القصار... هبـــلت عليهم الوغ غير جاتني
الفرصة اغتنمتها و شريت وحــدة ...
أولا نمــدلها ... واحد ال 9/10 ... علاش ؟ خاطر في ال Site شفتــها vert militaire يعنــي Foncé و هو
وصلــني شوية Claire .... في الأول ما
عــجبتنيش بزاف منبــعد قنعت بيها... خاصة يلي عمري ما لبست هاذ اللون... اذا عمرك
ما لبستي هاذ اللون راح يجيك Bizzar منــبعد خلاص... المهم
اللون ماشي Foncé ... بصح Unique هه
خاطر مكانش يدور بزاف اللون... في الصورة ما يبانلكمش بصح Claire على
هكذا.
في La Taille انا نلبــس 38 يعنــي M ...
جبتــها L
... جاتنــي مليحة...
يعنــي ماشي عريضة و ماشي Juste Juste مليحة.. مع Pull خشين
شوية اجي هايلة.
بالنســبة La Qualité ... مليحة Pour un Bomber مليحــة بزاف ... بصح خفيفة يعنــي ما تردش
البرد... Doublé
بصح ماشي بزاف يعنــي ما
تردش البرد... جاية كيما من الداخل كيما من برى.. خفيفة.. تاع هاذ اللوقت كي تخرج
شمس و يكون Beau Temps ...
اليدين جاونــي ملاح... ماشي طوال بزاف و ماشي قصار جاوني حدوا قدوا
ملاح... و الطول كيف كيف للحجوبيات توالم انا راني نلبسها... فوق الركبة بوحد 10
سم برك... يعنــي مليحة بزاف و Confortable اهم حاجة.
كيــما شفتوا زدتلها خمار كحل... خاطر ال Gris جاء
مليح بصح ماشي كيما لكحل ... لكحل جاء عليها top هاذ La Couleur و
زادت بانت La Veste خير ... يعني انا منا و
جاي نلبسها غير مع لكحل خاطر هو لي خرج عليها اكثر شيء... جربت ال beige بصح ماخرجش عليا مع هاذ
اللون الوغ وليت لكحل... وكل وحدة كفاش و واش يخرج عليها تسمى انتم جربوا حتى
تلقاو لي يوالمكم ان شاء الله ..
بالنســبة للسعر هو : 28.49$ السعر بالدينــآر هو : 6300 دج
انا مدــتلكم السعر لي راه ضرك في ال Site ما علباليش اذا هو لي شريت بيه ولا لالا ...
خاطر عندي شهر من لي درتLa commande ... ال Prix شوية
بزاف بصح راهمــ كيما لي راهم يتباعوا ... Les Bomber قصار
راهم 5000 دج
كيما قلتلكم نمــدلها 9/10 ما ندمتش لي جبـــتها ... خاطر علبالي نصيبها
نلبسها ب Des
Looks مختـــلفين ... تسمى هذا Un Top .
ادخلوا هنا باش شوفوها في ال Site :
ضــرك نروحوا Les Sweat Shirts ...
جبت غير منهــم ههه خاطر كنــت حابة Des SweatShirts شوية Unique ...
اول واحــد هو هذا لي جبـــتوا بلى ما نخمم ... بصح مرة واحد أخرى كنت Déçu في
اللون خاطر كنت حاسبة Grena بصح هو تصفى احمر احمر ...
كنت معولة نلبسوا مع ال Bomber يعنــي تخيلتهم في راصي
ههه بصح Dommage
ماجاش خاطر في زوج Claire المهم ... ديروا حســآبكم بلي الألوان قادر يكون
شوية ولى بزاف Claire على
La
Photo ... بصح كامل هكذاك ال Rouge تاعوا شباب بزاف عجبني Malgré ماشي كيما كنت حباتوا.
خلونا من اللون ... La Taille اذا
راكي رايحة تشري Sweatshirts ولى Pull يجوا
عراض... زيدي une taille ولى deux ...
انا نلبس 38 يعنــي M جبـت
L
... بصح ندمت لوكان غير
جبت XL
... المرة الجاية ندير
حسابي.
ضرك اذا تحبي يجوك سوا سوا ... جيبي taille زايدة... اذا حبيتي يجوك عراض جيبي deux taille زيادة... هكذا باش Sur يجوك
ملاح.
بالنسبــة La Qualité ... بزاف بزاف هايلة و
حنــــين ... يعني هايلة بزاف ... عجبتني حنــين ... و خفيف و ماشي Qualité عيانة يعنــي ... كيما Les Sweat Shirt نورمال جاي شغل Coton ... و فيه Capuche قلمونة كيما نقولوا ههه ... و بزاف شباب لي يحبـــوا Style Sport و
هكــذا كيما انا .
كيما قتــلكم جاني Juste Juste تسمــى ما نقدرش نلبسوا وحــدو
موحال هه ... الوغ لازم دائما نزيدلوا حاجة يعنـي Une Veste من
الفوق... تسمـــى اذا تحبوا يجوكم عراض ما عليكم غير تزيدوا deux taille ...
خاطر هوما الشناوة عدهم taille صغــيرة ههه ما تنسوش ال M تاعهم و تاعنا ماشي كيف كيف .
نمدلوا 8/10
السعــر 16.99$ ... بالدينار واحد ال 3770 دج
ادخلوا هنا باش شوفوها في ال Site :
الوغ هاذ ال SweatShirt ... يعني La Qualité تاعوا ماشي شابة... ما عجبتنـيش المهم... هو
الزين شباب بصح La Qualité ... الي تهمهم La Qualité راني
متاكدة ما تعجبكمش ... جاية Coton بزاف ... شفتــوا كيما Les Bas هاذوك الخشان ؟ ... هكذاك يعنــي شوية فرشة La Qualité .
جاية شغل غير تلسقي في حاجة خشيو ادير تخش.. و يرفد التخش ب زاف... كنت Déçu من La Qualité ... بصح
راني نلبسوا ههه نهار يجعــد نرميه و خلاص ... المهم ما ننصــحكمش تزدموا و تشروه
انا ما عجبتــنيش La Qualité .
بغــير La Qualité ... ال Modéles تاعوا هايــل... عجبنـــي مكتوب فيه Normal people Scare me ... بزاف شباب راني نلبســوا مع La Veste ههه
... بصح La
Qualité والوا.
بالنسية La taille ... كيما الأحمر كيف كيف
... لوكان جبتوا XL خيـــر ..
نمدلوا 5/10
السعر : 12.49$ ... بالدينار واحد ال 2775 دج
ادخلوا هنا باش شوفوها في ال Site :
في الأخير جبـــت Une Casquète لاختــي هههه ... تموت على كسكيطــآت... La Qualité تاعها شابة بزاف... و واقفــة ماشي من هاذوك
الخفاف... من لي جبتهالها و هي لاســقة فيها ههه .
مكانش واش نهــدر على كاسكسطة... المهم شابة بزاف La Qualité تاعها و نمدلهما 9/10 ... ما نمدش 10/10 باش ما
يدوهاش في روحــهم ههه .
السعر 3.69$ ... بالدينار820 دج
ادخلوا هنا باش شوفوها في ال Site :
جبـــت Un Paquet تاع 8 خواتــم ... يهبلوا
الخواتم هاذوا … بزاف هايــلين... و ثاني ماشي غالين بزاف كيما لي راهم يدورو هنــآ ... فيه
8 و كل وحدة و ال Modèle تاعها... بزاف شابين هاذ Les Bagues و
زيــد ثقال... و La Qualité تاعهم شابة ماشي كيما لي
موالفين نلقاوهم ... خفاف... تقول C’est de L’argent ...
بزاف هايلين
هاذوا نمــدلهم 10/10 ههه ماعليــش خواتم ههه
السعــر 2.47 $ بالدينار 550 دج
ادخلوا هنا باش شوفوها في ال Site :
و هاذ هي Ma Commande ماشي كبيرة بزاف... بصح
اديت فكرة على نوعية و الخ... بالطبع نزيد نتعامل معاهم و نزيد نشري عليهم... و
كلش خاطر بزاف Sérieux هاذ الناس... La Commande تلحقك كامل كيف كيف في Un grand Colis ... و ثاني يزيدولك رقم تتبع يعني Numéro de suivi ال Number tracker باش تبعوا La Commande تاعكم وين راهي لاحــقة الخ.... هاوا مثــال على
La
commande تاعي .... قلعت ل 22 أكتوبر
وصلتنــي ال 15 نوفمبر... و انا La commande تاعي درتها واقيلا ال 13 أكتوبر ... المهم بقيت نتبع فيها حتى وصلتــني .
كي تشروا تقدروا تطلبوا Numéro هذا من La page لي
شراتلكم و تبعو La Commande تاعكم وحدكم حتى توصلكم
... في هاذ الموقع هنا :
كيما قتلكم بزاف Sérieux الخدامين تاع Zaful ماشي
يلي Partenariat
ولى بصح صح Sérieux يعنــي في امان و ضمان.
بالنســبة La Qualité انا عجبتني وحدة برك لي ما
عجبتنيش بصح راني نلبســوا عادي جدا... ماشي حاجة Dérangé بزاف... و ثاني تحت كل Article كاين
Les
Détails على المنتوج هاذاك.
بصح rapport qualité prix ما عجبتنــــيش ... خاطر بالنسبة ل qualité كيما هاذي ... السعر بزاف بزاف بزاف غالي ... اسمحولي بصح بزاف غالي... اكيد ما نشريش منوا ... خاطر بزاف بزاف غالي..
بصح rapport qualité prix ما عجبتنــــيش ... خاطر بالنسبة ل qualité كيما هاذي ... السعر بزاف بزاف بزاف غالي ... اسمحولي بصح بزاف غالي... اكيد ما نشريش منوا ... خاطر بزاف بزاف غالي..
بالنســبة لاسعار... ساعات اطيحوا في ال Solde اديروا Des bonnes affaires و ساعات ما فيهاش ... يعني
تقريبا الأسعار لي راهم يدورو هنا في دزاير مكانش فرق كبير.
الي حابة تعرف كفاش تشروا En Ligne كامل التفاصيل راهم في L’article هذا ... درتلكم مثال على Aliexpresse بصح
هو ينطبق على كامل Les Sites ل
كاينين في هاذ الدنيـــآ.
لي قرات L’article من قبل نقولك بلي كيف كيف
... نفس طريقة كيما Aliexpresse كما Zaful وغيرهم...
ادخلوا هنـــآ تلقاو La Page لي نشري منـــها...
باش تعرفوا Les Prix ... اضربوا السعر بالدولار في 220 دج ( 22 الف )
و الاورو اضربوا في 250 دج ( 25 الف )
عنـــدكم un code promo تاع -20 % ... هذا : zafulgo
ادخلوا هنا تلقاو ال Site كامل : https://ar.zaful.com/? lkid=12228963
عنـــدكم un code promo تاع -20 % ... هذا : zafulgo
ادخلوا هنا تلقاو ال Site كامل : https://ar.zaful.com/?
الوغ فريزاتي وصلنا لنهاية L’article ان شاء الله يكون
عجــبكم... قولولي في Commentaire ولى Les Photos عجبوكم ولى قستها ولى لالا ههه باش نولي نديرلكم
Les
Looks book و الخ هكــذا... فهمتوا
رايكم يهمنـــي ... و بزاف.
الوغ نتلقاو في موضوع آخر ان شاء الله حنـــوناتي .... اتهلاو في رواحكم و
ما تنسوش اديروا Abonné في ال Blog و
تابعوني في Mes reseaux instagram facebook et snapchat كيف
كيف ... اتهلاو في رواحكم و نتلقاو في موضوع جديد... ان شاء الله
Commentaires
Enregistrer un commentaire
Commentaires