♥ Q&A N°2 ♥ : Mlle Répond A vos Questions

سلام البنات ... انشاء الله تكونو بخير ♥ ... موضوعنا اليوم على الاجابة على الاسئلة تاع البنات ... الوغ بلى ما نطول عليكم ...
نبداو ♥

بالنسبة لمكياج للبشرة الدهنية ... عندك مشكل كيفس لازملك تنقي وجهك باستمرار ... اشري gommage ... و استعمليه زوج مرات في السمانة ... بالنسبة للمكياج راعي كي تروحي تشري نوع البشرة تاعك ... يعني اشري على حساب البشرة تاعك ... و ثاني ننصحك ب primer ... واش معنتها يعني هاذي كريم تحطيها في وجهك قبل ما ديري ماكياج باش ماكياج يشدلك مدة طويلة ... هاذا هو الواب تاعي

ال look لي لازم تروحي بيه تقراي للجامعة ... اللبسي حوايج تحسي روحك فيهم انك مرتاحة لبسي لي يعجبك ... ماشي واش يعجب الناس ♥ :-* ... ما تلبسيش حاجة ماشي تاع قراية .... يعني حاجة تبرق ولى تاع اعراس هه ... تجنبي الطالون ♥ ... ماشي مريح ... لبسي حاجة تريحك على حساب ذوقك ♥ ... و تكون مناسبة للقراية يعني ... هاذا واش نعرف ... ما تعقديش لبستك بزاف ...

واش هو حلمي ههه حلمي نكون مصممة ازياء ... يعني لي في instagram ... شافوا كامل الخدمة لي نخدمها هكذا .. Des petites pochettes ... بصح حلمي نكون مصممة ازياء .. و تخليت على الحلم شيئا فشيئا يعني ... حاجة ساكنة في قلبي ... نحبها حلم ... و نتوما ثاني كنتوا حلم ... يعني نعاون البنات و النساء كامل ♥ ... كنت دايما نحوس طريقة كيفلش نقدر نعونهم ... الوغ لقيت هاذ الحل... و لقيتكم و حبيتكم و وليت ما نقدرش نعيش بلى بيكم ♥ ... و نتابعكم و حفظتكم ... و ربي يخليكم ليا يعني حققت حلم ♥

بالنسبة لسؤالك ادخلي هنا شوفي روتيني اليومي ... هنا هنا ههه ما تبعديش ... و كاين ثاني بزاف منتوجات استعملتهم تلقايهم في هاذ الموضوع ... لازم تشري كريمات يوالموا البشرة تاعك هاذا اول شيء و دايما نوصي عليه ... ماشي بشرتك جافة تشرس تاع بشرة زيتية راح تنشفيها كثر ... لازم تواظبي على الروتين لي تبعيه هكذا يولي عندك عناية كاملة بالبشرة تاعك ... ثاني تجنبي ترقدي بالماكياج... و تكثري ماكياج ... ديري واقي من الشمس ... هكذا باش تهتمي مليح بالبشرة تاعك يعني ديريلها soins ب الكريمات و بلى بيهم ...

شعرك خفيف و رطب و يتزيت بلخف مشكل البنات ههه دائما ... La gamme Dove مليحة .... اشري على حساب نوع الشعر ... اذا حابة شعرك يقوى خاطر فارغ ... اشري shampoing touch me please ... يعني صح شعرك يولي حرش ... و شوية ماشي شباب بصح يقوي الشعر ... يولي شعرك عامر بزاف ... يعني هايل مليح بالنسبة لتفاصيل ادخلي هنا تلقايني هدرت عليه ... بالنسبة لل fond de taint ... لس ما يشدلكش ... راني نصحت لي قبلك قتلها ديري primere ... يعني كريم يساعد الماكياج يشدلك مدة طويلة ... بالنسبة ل ماركة مليحة ... والله ما علبالي ... مازال ما جربتش بالصح علبالي بلي هاذا ... هو لي يساعدك باش يشدلك مدة طويلة غير العادة.

ننصحك باش وجهك يبان طبيعي في نفس الوقت باهي و ضاوي استعملي bb crème .. انا نفضل تاع oriflame هدرت عليها ميات مرة ... خاطر تخبي كلش و تخليك تباني انت انت يعني مكانش طرافيك ... و تنحيها تتبدلي ... هايلة ... و كاين ثاني crème essentiel ... مليحة ثاني تعجبني بزاف بزاف ... و لطريقة بلى ما تستعملي كريمات هي اغسلي وجهك كل صباح بالصابون ... انا ننصحك تشري dermoviva ... وجهك يولي ضاوي ... ايه انا فرحانة لي قتنعتي بالنصيحة تاعي ... تاع ماكياج و قررتي تبداي بلى ماكياج ... و يقولولك تباني مريضة خاطر مزال ماولفوكش بلى ماكياج ضرك تولي تبانيلهم عادية ... موفقة ♥

حنونتي les app لي نستعملهم كامل في موضوع هنا ➡ ... و على سؤال تسماني و تطوالي يا ختي انا ننصحك ... تاكلي كلش هه ما تخيريش الماكلة ... و الحاجة لي لازم ديريها هي انو ما تبقايش قاعدة يعني حركي نفسك خدمي شغل امشي ... ما علباليش الشغل هو رياضة منزلية ♥ ... يعني والله انو تقعدي برك راح يرد عندك تفنيين هاذا مكان يعني تربي شحمة باطل ... وهاذي مرض ... الوغ لازم تاكلي و تحركي نفسك خاطر الخمول ماشي مليح ♥ .... هذي هي نصيحتي ...

الوغ بالنسبة لجارتكم كيما نصحت البنت لي فوق shampoing touch me please .... انا مجرباتو يحرش شوية الشعر ... بصح يقويه ... يعني راح يولي شعرها عادي ... جربيه والله فعال جدا ... مالغري شوية يعي الشعر بصح نتيجة مضمونة ....
بالنسبة لسؤالك على المشطة لي نروح بيها لافاك ههه هي نلايموا طوماطيشة .... ولى demis qeu de cheval .... يعني نلايموا دائما باش ما يقلقنيش ....
طولي 168 هكذاك ... و وزني 50kg .. يعني ههه مكان مكان ...

الحب الرقيق لي ينوض في الوجه ... يعني انا عندي مدة و انا نهدر على صابون dermoviva ... استعمليه هايل انا نحالي الحب الرقيق ... يعني نتيجتوا هايلة جربيه باللك يخرج عليك ...

الحب الرقيق مور ما ديري لاسيغ هه الحل ساهل لازم مور ما ديري لاسيغ ... حطي مرطب للوجه مباشرة ... هاذا راح يمنع وحهك يحراش ولى الحب و ينحيلك الحب ... المهم حاجة مليحة ... ديري la vaseline ... Nevea ... حاجة هكذا ترطبلك وجهك اي حاجة .. و تريحوا .

الوغ بالنسبة ليكم ... ما تعرفوش تحطوا مكياج ... مكانش واحدة تعلمت ههه عند وحدة خبيرة ولى و حاجة بسيطة جدا جدا ماشي واعرة ههه ... كي تكوني في الدار جربي وحدك و بداي تخربشي ... حتى تتعلمي ... ولى شوفي في اليوتوب كاين بزاف لي يعلموا كيفاش يحطوا الماكياج ... شوفي و تعلمي ... ماشي لازم تحطي ماكياج غالي قيسك قيس روحك .. يعني هوما مراحل ساهلة ... حطي fond de teint .. منبعد حطي farapopiere ... منبعد حطي blush ... يعني faragoux ... الحماير هه منبعد حطي RAL (ROUGE A LEVRE )... هاذي هي كيفاش ... شوفي لي فيديوا ... تتعلمي ... ننصحك ب الجزائرية wissam el m ... البروفيل تاعها هنا ➡ ... ادخلي شوفيها ... تحط بزاف طرق و كيفاش ... و كاين بزاف حوسي :-*

حنونتي مكانش مكياج للسمرة و بيضة و الحمرة .. ههه كامل كيف كيف واش هو لي ماشي كيف كيف هي كريم الاساس ... يعني fond de teint ... كي تشريه تلقاي واحد شوية foncé ... واحد claire عليه ... انتي حوسي على لي يناسب لون بشرتك ... يعني ماشي تكوني سمرة تشري ابيض هذا شيء غير مقبول ... يعني اشري على حساب لون البشرة تاعك ... هكذا ماكياج تاعك يكون كامل و شباب ... اما الباقي انتي و ذوقك ... يعني بصح الالوان الداكنة اجيك هايلة ... انتي bassé ... على كريم الاساس هو الصح ... اما الباقي انت و ذوقك .

هه قتلكم من قبل هه انا نسكن في ولاية تيبازة ... هه

موضوعنا اليوم مع الاسف خلاص ... راني جاوبت على كامل الاسئلة لي طرحتوهم عليا ... انشاء الله تكونوا لقيتوا جواب يفيدكم ... انا درت لي عليا و الباقي عليكم ... نحبكم بزاف الشبات تاوعي ... نتلقاو في موضوع جديد انشاء الله ... لي عندها سؤال تطرحو في البواطة لي قدامكم ... و الجواب يوصلكم دائما ... راهم يوصلوني عشرات الاسئلة هه و راني نجاوب كل يوم الوغ تفضلوا اطرحوا سؤالكم par e-mail ... و يوصلكم الجواب بنفس الطريقة ... نتلقاو في موضوع جديد انشاء الله ♥ نحبكم :-* ♥

.